1 Samuele 30:8 - Tonga Bible 1986

⁸ Ndipo Davidi wangufumba ku Ambuya, “Kumbi ndingalirondo liŵanja ili? Kumbi ndakuŵasaniya?” Ambuya angwamuka, “Ŵarondo; kwakuneneska wamkuŵasaniya ndipo nadi wamukuŵakwamphuwa.”

1 Samuele 30:8 Referans Kwoze

1 Samuele 30:18

Davidi wangukwamphuwa vyose vyo Amaleke ŵanguskowa; ndipo wangukwamphuwa ndi ŵawoli ŵake wose ŵaŵi.

1 Samuele 23:2

Sono Davidi wangufumba ku Ambuya, “Kumbi ndirute kwachirwana ndi ŵaFilisti aŵa?” Ambuya anguti kwaku Davidi, “Ruta karwane ndi ŵaFilisti ndipo utaske Keila.”

2 Samuele 5:19

Ndipo Davidi wangufumba ku Ambuya, “Kumbi ndikwere kurwana ndi ŵaFilisti, kumbi muŵaperekenge mu janja langu?” Ndipo Ambuya angwamuka Davidi anguti, “Rutanga, chifukwa kwakuneneska ndiperekenge ŵaFilisti mu janja lako.”

2 Samuele 5:23

Davidi wanguti wafumba ku Ambuya, anguti, “Ungakweriyangako cha; zunguliya kuvuli kwawo, uziye paku iwo pakulereskana ndi miti ya balasama.

1 Samuele 23:4

Davidi wangufumba so ku Ambuya. Ambuya angumwamuka, “Soka, sikiya ku Keila; chifukwa ndiŵaperekenge ŵaFilisti mu janja lako.”

Ŵeruzgi 20:23

Ndipo ŵaYisraele ŵangukwera ndi ŵanguliliya paurongo pa Ambuya mpaka ku mazulo, ŵangufumbiriya ku Ambuya, “Kumbi tikanderenga so kufupi kwachirwana nkhondo ndi ŵebali ŵidu ŵaBenjamini?” Ambuya anguti, “Rutani karwaneni nawo.”

Sumu 91:15

Ŵakandidananga, ndikaŵamukanga; ŵachiŵa musuzgu, ndikaŵanga pamoza nawo ndiŵapozomoskenge ndi kuŵatumbika.

Sumu 50:15

undidane mu zuŵa la suzgu; ndikupozomoskenge, ndipo undikankhuskenge.”

Maŵerengedu 27:21

Ndipo wakamanga panthazi paku Eleazara mzukuru, mweniyo wakamufumbiyanga ndi keruzgidu Urimi paurongo pa Ambuya; pa mazu ghake ŵakatuwanga, ndipo pa mazu ghake ŵakaserenga, wose iyo ndi ŵaYisraele pamoza ndi wumba wose.”

1 Samuele 28:6

Ndipo wanguti wafumba ku Ambuya kuti angumwamuka cha, chingana ndi mu maloto pamwenga mu Urimi, chingana ndi mu ŵamchimi;

Ŵeruzgi 20:18

ŴaYisraele ŵangusoka ndi ŵanguruta ku Betele, ŵangufumbiriya kwaku Chiuta, “Ndiyani waku ifwe yo wadangenge kuruta ku nkhondo kwachirwana ndi ŵaBenjamini?” Ndipo Ambuya anguti, “Yuda ndiyo wadangenge kukweriyako.”

Ŵeruzgi 20:28

Finehasi mwana waku Eleazara mwana waku Aroni wanguteŵete paurongo paku lo mu mazuŵa ghenigha) ŵanguti, “Kumbi tiwerezgengepo so kuruta ku nkhondo kumikana ndi ŵabali ŵidu ŵaBenjamini, pamwenga tireke?” Ndipo Ambuya anguti, “Kweriyaniko; pakuti la mawa ndikaŵaperekanga mu janja linu.”

1 Samuele 14:37

Ndipo Sauli wangufumba Chiuta, “Kumbi ndisikiye ku ŵaFilisti? Kumbi asi muŵaperekenge mu janja la ŵaYisraele?” Kweni kuti angumwamuka cha zuŵa liya.

Chiyambo 14:16

Sono wanguwezga vyuma vyose ndi wanguwezga so mbali wake Lote ndi vyuma vyake, ndi ŵanthukazi ndi ŵanthu.

Chituwa 15:9

Wamawongo wanguti, ‘Ndikandondoloskanga, ndikaŵakonga, ndikagaŵanga vyakuskowa, khumbo langu likagutiskikanga ndi vyenivi, ndikawewepuwanga lipanga langu, janja langu likaŵamaranga.’

1 Samuele 30:19

Pengavi ko kangusoŵapo kakuru pamwenga kamana, mwana munthurumi pamwenga mwana munthukazi kakuskoŵa pamwenga ko kangutoreka waka; Davidi wanguwezga vyose.

Ŵeruzgi 8:4

Ndipo Gideoni wanguza ndi wangwambuka Yordane, iyo ndi ŵanthu machumi pe chumi ghatatu (300) wo ŵenga nayo pamoza, ŵangulakatuka kweni ŵandondoloskanga mbwenu.

1 Samuele 10:22

Viyo wangufumba so ku Ambuya, “Kumbi munthu uyu walipo panu?” Ambuya anguti, “Awonani, wabisama mukati muŵakatundu.”