Mu ora liya wanguti Yesu ku mizinda yo, “Kumbi mwatuliya nge mpha munkhungu ndi malipanga ndi zindodo kuzachindiko? Zuŵa ndi zuŵa mu kasopi ndajanga pasi wakusambizga, ndipo kuti mungundiko cha.
Ndipo, weche kurongoro iyo, onani, Yuda, yumoza wa chumi ndi ŵaŵi wo, wanguza, ndi pamoza nayo mzinda ukuru ndi malipanga ndi zinthonga, ŵakutuwa ku ŵazukuru ŵara ndi ŵara ŵa khamu.
Asani ŵanthu ŵasokenge kurondo ndi kupenja umoyo winu, umoyo wa mbuyangu umangikenge mu mtolo wa ŵamoyo mukuphwerereka ndi Ambuya Chiuta winu; ndipo maumoyo gha ŵarwani ŵinu aghapong'enge ku bwalo ulaka ghatuwa mu chakupong'e mya.
Awonani ada, wonani mkono wa khanju linu mu janja langu; pakuti ndadumuwako mkano ku khanju linu, kweni kumbayani cha, mtenere kuziŵa ndi kuwona kuti mu manja ghangu mulivi kaheni chingana nkwananga. Palivi cho ndamunangiyani, chingana imwe mupenja umoyo wangu kuwuto.