1 Samuele 25:1 - Tonga Bible 1986

¹ Sono Samuele wangufwa; ndipo ŵaYisraele wose ŵanguwungana kumutenje, ŵangumuŵika mu nyumba yake pa Rama. Ndipo Davidi wangusoka wangusikiya ku bozwa la Parana.

1 Samuele 25:1 Referans Kwoze

1 Samuele 28:3

Apa ndipo Samuele wafwa kali, ndipo ŵaYisraele wose ŵangumutenje ndi kumuŵika mu Rama, mu muzi wake. Ndipo Sauli wangudikiska wose ŵakombeze ndi ŵavyanusi mu charu.

Marangu 34:8

Ndipo ŵaYisraele ŵangumutenje Mosese mu madambo ghaku Moabu mazuŵa machumi ghatatu (30), ndipo mazuŵa ghakumutenjere ghangumara.

Maŵerengedu 20:29

Wumba wose unguti waziŵa kuti Aroni wafwa, ŵaYisraele wose ŵangumuliya kwa mazuŵa machumi ghatatu.

2 Mikoka 33:20

Ndipo Manase wangura ndi ambuyake, ŵangumuŵika mu nyumba yake. Ndipo Amoni mwana wake wanguwusa mu malo ghake.

Machitidu gha Ŵakutumika 8:2

Ndipo ŵanthurumi ŵakopa Chiuta ŵangumuŵika Stefano, ndipo paku iyo ŵanguchitiya chitenje chikuru.

Maŵerengedu 10:12

ndipo ŵaYisraele ŵangwenda maulendo ghawo kutuwamo mu mabozwa gha Sinai; ndipo mtambo unguma mu mabozwa gha Parana.

Chiyambo 21:21

Wajanga mu bozwe la Parana; ndipo anyina ŵangumtole munthukazi ku charu cha Egipiti.

1 ŴaKaronga 2:34

Sono Benaya mwana waku Yehoyada wangukwera, ndipo wangumukosore pasi ndi kumubaya: wanguŵikika mu nyumba ya mweneko mubozwa.

Maŵerengedu 13:3

Ndipo Mosese wanguŵatuma nge ndimo Ambuya angumulanguliya, kutuliya mu bozwa la Parana, wose ŵenga ŵarongozgi ŵa ŵaYisraele.

Yesaya 14:18

Ŵakaronga wose ŵa mitundu mbakula mu unkhankhu we yose mu muunda wake;

Sumu 120:5

Kuja mukati mwinu nkhuheni nge nkhuja mu Mesheke, pamwenga mukati mu mahema ghaku Kedara!

1 Samuele 7:17

Pavuli wanguwere ku Rama, pakuti nyumba yake yenga kweniko, ndipo ndikwenikuwa so ko waperekiyanga cheruzgu ku ŵaYisraele. Ndipo wanguzengako jochero la sembe la Ambuya.

Maŵerengedu 13:26

Ndipo ŵanguza kwaku Mosese ndi Aroni ndi kuwumba wose wa ŵaYisraele mu mabozwa gha Parana, Kadeshe; ŵanguwe ndi mazu kwaku iwo ndi ku mzinda wose, ndipo ŵanguŵarongo vipasi vya charu chiya.

Maŵerengedu 12:16

Ndipo pavuli pake ŵanthu ŵangusoka pa Hazaroto, ŵangugoŵa mu bozwa la parana.

Chiyambo 50:11

Penipo ŵakuja mu charu chiya, ŵaKanani, ŵanguti ŵawona kutenje pa mbuli waku Atada, ŵanguti, “Yagha ndi maliro gha chitima ku Egipiti.” Viyo malo gha ghangudanika Abelemizramu ghe pasirgha pa Yordane.

Chiyambo 14:6

ndi ŵaHoroto mu phiri lawo la Seiri kwachifika ku Elparana mu mphaka za Bozwa;

2 ŴaKaronga 21:18

Ndipo Manase wangula pamoza ndi awiske, wanguŵikika mu munda wapa nyumba yake, mu munda waku Uza, ndipo Amoni mwana wake wanguwusa mu malo ghake.

Chiyambo 23:2

Ndipo Sara wangufwa pa Kiriatarba (yo ndi Hebroni) mu charu cha Kanani; ndipo Abrahamu wanguseremo kwachitenjere Sara ndi kumuliya.

1 Samuele 1:19

Ndipo wangucherera ndi mlenji wangusopa paurongo pa Ambuya; ndi wanguwere ku nyumba yake ku Rama. Elkana wanguziŵa muwoli wake Hana, ndipo Ambuya angumukumbuka;

Zekariya 1:5

Kumbi sono auskemwe ŵepani? Ndipo kumbi ŵamchimi, mbamoyo muyaya?