1 Samuele 24:11 - Tonga Bible 1986

¹¹ Awonani ada, wonani mkono wa khanju linu mu janja langu; pakuti ndadumuwako mkano ku khanju linu, kweni kumbayani cha, mtenere kuziŵa ndi kuwona kuti mu manja ghangu mulivi kaheni chingana nkwananga. Palivi cho ndamunangiyani, chingana imwe mupenja umoyo wangu kuwuto.

1 Samuele 24:11 Referans Kwoze

1 Samuele 26:20

Viyo ndopa zangu zireke kudika pasi, patali ndi chisku cha Ambuya; pakuti karonga waku Yisraele wazakuno kupenja umoyo wangu, nge ndimo chiŵinda chisakiya nkhwali mu mapiri.”

1 Samuele 23:23

Chifukwa ichi wonani, ndipo muziŵiske malo ghose gho wagwenthiyako ndi kubisamamo, mukawere so kunu ndi makani ghauneneska ndipo asani wemu charu cho ndazamupenja mukati mu vikwi vyose vyaku Yuda.”

1 Samuele 23:14

Ndipo Davidi wajanga mu malinga ghakukhozgeka mu bozwa mu charu cha mapiri mu bozwa laku Zifi, ndipo Sauli wamupenjanga, zuŵa ndi zuŵa, kweni Chiuta wengavi kumpereka mu janja lake.

Yohane 15:25

Kweni nchakuti ghafiskike mazu gho ghalembeka mu langulu lawo, ‘Wangunditinkha waka.’

2 ŴaKaronga 5:13

Kweni ŵateŵeti ŵake ŵanguza pafupi ndi ŵangumufumba ŵakuti, “Ada, kumbi asani mchimi wangukulanguliyani kuchita chinthu chizitu asi mwatinge muchitenge? Na uzitu ngune pakumuneniyani kuti, ‘Kasambe utozgeke’?”

1 Samuele 26:18

Ndipo wanguti, “Chifukwa nchine mbuyangu murondo pavuli pa mteŵeti winu? Ndachitanji? Ngune uheni wo we mu manja ghangu?

Mika 7:2

Ŵarunji ŵakumara pa charu, ndipo palivi murunji mukati muŵanthu; wose ŵalindizga ndopa; ndipo yose wasaka mbali wake ndi ukondi.

Ezekiele 13:18

Kuti, Viyo atiti Ambuya Chiuta: Soka lo, ŵanthukazi wo ŵavwara malamba gha mayera mu manja ghawo ghose, ndi kusona vilemba vya ku mitu ya ŵanthu ŵa msinkhu we wose, pa kusaka mizimu! Kumbi mukasakanga mizimu ya ŵanthu wangu, ndi kusunga mizimu yinyake yamoyo kuti yiŵe phande linu?

Chitenje 4:18

Ŵanthu ŵangukhazga mendedu ghidu mwakuti tireke kwenda mu miseu yidu; umari widu ungundere pafupi; mazuŵa ghidu ghangukwana; pakuti umari widu unguza.

Nthanthi 15:1

Kwamuka kwakoloŵa kutuzgapo chikwiya, kweni mazu gha ukari ghasosomo ukari.

Sumu 140:11

Wo ŵasuska ŵanyawo kwa utesi nawo ŵasuskike; mphurupuru yimusake ruŵi munthu wa nkhaza.

Sumu 35:7

Chifukwa ŵangundithya chirepa chawo kwambura kafukwa; ŵangukumbiya mbuna umoyo wangu kwambura kafukwa.

Jobu 10:16

Ndipo asani nditijikwezge pachanya, imwe mutindiŵinga nge ndi nkharamu ndi kuchita vyakuziziswa kumikana nani;

1 Samuele 18:27

Davidi wangusoka wanguruta pamoza ndi ŵanthu ŵake, wangubaya ŵaFilisti machumi pe chumi ghaŵi (200); ndipo Davidi wangupinga makhungu ghawo gha kusongo, kwakulingana ndimo ghanguŵiya unandi wangupereka ku karonga mwakuti waŵe mkosano wa karonga. Viyo Sauli wangumpaska mwana wake Mikala kuŵa muwoli wake.

1 Samuele 25:28

Ndipempha ndigowokeyeni kwananga kwangu ndamteŵeti munthukazi winu, pakuti nadi Ambuya amuchitiyenge mbuyangu nyumba yakukho, chifukwa mbuyangu waturwa nkhondo za Ambuya; ndipo uheni kuti usanirikengemo mwinu cha mu umoyo winu wose.

Sumu 59:3

Chifukwa, awonani, ŵaraliya umoyo wangu; ŵanthu ŵakofya ŵachome paku ine. Kuti nkhupuruka pamwenga kunanga kwangu cha, Ambuya,

Sumu 119:161

Ŵanthu ŵanthazi ŵandizingizga kwambura kafukwa, kweni ine mtima wangu utuma pakutumbika dangu linu.

1 Samuele 12:3

Ndepano, ndisimikizgiyeni paurongo pa Ambuya ndi pa wakupakika wake. Ndato ng'ombe yaku yani? Pamwenga ndato mbunda yaku yani? Ndapusika yani? Ndakandirizga yani? Pamwenga nkhu janja laku yani ko ndaronde chimbundi kuti ndijari nacho maso ghangu? Ndisimikizgiyeni ndipo ndikawerezgiyangapo.”

1 Samuele 26:23

Ambuya awerezgiyepo pa munthu yose chifukwa cha umampha wake ndi chigomezgu chake; pakuti Ambuya angumpaskani mu janja langu zuŵa linu, ndipo kuti ndingukhumba kunyoroske janja langu pa wakupakika waAmbuya cha.

2 Samuele 1:14

Davidi wanguti, “Chifukwa nchine wengavi mantha kutambasuriya janja lako kunanga wakupakika wa Ambuya?”

Sumu 7:5

iko murwanni wangu wandindondoroske ndi wandisaniye, wawuphwatiye pasi umoyo wangu, ndi kugoneka mzimu wangu mu fuvu.