1 Samuele 20:5 - Tonga Bible 1986

⁵ Davidi wanguti kwaku Jonafani, “Awona, mawa ndi mwezi ufya, ndipo ine nditenere kwachija pa gome pamoza ndi karonga; zomera ndirute, ndamubisama kudondo mpaka ku mazulo gha zuŵa la chitatu.

1 Samuele 20:5 Referans Kwoze

Maŵerengedu 10:10

Ndipo so mu zuŵa linu lalikondwa, ndi pa madghera ghakutemeka, ndi pa kwamba kwa myezi yinu, mukambanga zimbata pa mipasku yinu yakocha ndi pa sembe zinu za mipasku ya chimangu; vikuŵiyeni chikumbusku paurongo pa Ambuya: Ine ndine Ambuya Chiuta winu.”

1 Samuele 19:2

Jonafani wanguti kwaku Davidi, “Ada a Sauli ŵapenja kukubaya; viyo la mawa ujichenjere, uje mu malo ghakubisika ndipo ujibise;

Maŵerengedu 28:11

“Pakwamba kwa myezi, mukaperekanga mipasku yinu yakocha ku Ambuya: nkhuzi ziŵi zimana zimana, bira yumoza, ŵana ŵamberere ŵankhonde ndi ŵaŵi ŵa chirimika chimoza wambura kalema;

Sumu 81:3

Mbani mbata pa nyengo ya dghera; pa zuŵa la mwezi ufya, ndi pa baraŵara.

ŴaKolose 2:16

Viyo wareke munthu kumweruzgiyani kuchiri ku kurgha, pamwenga kukumwa, pamwenga ku dghera, pamwenga ku mwezi ufya, pamwenga ku masabata.

Machitidu gha Ŵakutumika 17:14

Ndipo sosonukweni ŵabali wo ŵangutuma Paulo kuruta mpaka ku nyanja: kweni Sila ndi Timote ŵajaririyanga kweniko.

Yohane 8:59

Viyo ŵangusoska mya kuti ŵampong'e: kweni Yesu wangubisama, ndipo wangutuwako ku kasopi.

Nthanthi 22:3

Munthu wakuphwere wawona urwani ndipo wabisama; kweni munthu wauliuli wakiyakiya, ndipo wakomwiyapo.

Sumu 55:12

Yo watindinyoza kuti ndi murwani cha, asani kwenga viyo mphanyi ndakunthiyapo; kuti ngwakupindikana cha yo watindisunjizga, asani kwenga viyomphanyi ndingubisama kwaku iyo.

1 Samuele 20:19

Ndipo pa zuŵa la chitatu ukasoŵanga ukongwa; utenere kuruta ku malo kuwa ungubisama pa nyengo yiya makani yagha ghanguŵiyako, ukaje pamphepete pa rweka la muru wa mya.

1 Samuele 20:6

Asani ausu ŵawona kuti ine palivi, iwe ukambe kuti, Davidi wangundiŵeyere kundipempha kuti ndimuzomerezge wachimbiriye kwake ku Betelehemu; pakuti kwe sembe ya chirimika ndi chirimika ya mbumba yose!

2 ŴaKaronga 4:23

Ndipo iyo wanguti, “Chifukwa nchine chakurutiya kwake msana wale? Kuti mphaliŵali pamwenga pa sabata cha.” Iyo wanguti, “Kukaŵanga kwamampha.”

1 Samuele 20:4

Sono Jonafani wanguti kwaku Davidi, “Chose cho ukambenge nkhakuchitiyanga.”

1 Samuele 20:18

Sono Jonafani wangunena nayo, “Mawa ndi mwezi ufya; iwe pakaŵangavi, chitengo chako chikaŵanga cha mwazi.

1 Samuele 20:24

Viyo Davidi wangubisama mudondo, mwezi ufya unguti wafika karonga wanguja pasi kurgha.

1 Samuele 20:27

Kweni pa zuŵa la chiŵi ku mlenji pavuli pa mwezi ufya, malo ghaku Davidi ghenga mwazi. Ndipo Sauli wangufumba Jonafani mwana wake, “Chifukwa nchine mwana waku Jese walivi kufika ku chakurgha, zana ndi msana wale?”

Amosi 8:5

mutiti, “Mwezi uwu waŵalikaukabilanga zukwanji, ndi sabata, mwakuti tiguliskenge trigu mwakuti tichepeske mweso ndi kukuzga shekelo, ndi kusanduska vipimukuŵa vyakupusika,