1 Samuele 2:25 - Tonga Bible 1986

²⁵ Asani munthu walakwiya munyake, Chiuta wakamuŵiyanga mwenda-pakati; kweni asani munthu walakwiya Ambuya, ndiyani yo wakamuŵeyeriyanga iyo?” Kweni ndipuuli kuti ŵanguvwiya mazu gha auskeu cha; pakuti linguŵa khumbu la Ambuya kuŵabaya.

1 Samuele 2:25 Referans Kwoze

ŴaHebere 10:26

Chifukwa asani tilakwiya ncheni pavuli pa kuronde mziŵiru wa uneneska wo, kuti ujako so cha mpasku wapa chifukwa cha vilakwa,

1 Samuele 3:14

Pa chifukwa ichi ndarapa ku nyumba yake Eli kuti uheni wapa nyumba yaku Eli kuti ukatozgekanga ndi sembe pamwenga mpasku cha muyaya.”

Yoswa 11:20

Pakuti yenga nchitu ya Ambuya kunonopeska mitima yawo kuti ŵazichirwanga ndi ŵaYisraele mu nkhondo, mwakuti ŵaparghanikiye limu tetete, kuti ŵaronde lisungu cha kweni kuti ŵadumulikiye limu, nge ndimo Ambuya angulanguliya Mosese.

Maŵerengedu 15:30

Kweni munthu yo walakwiya dara, manyi ndi mweni charu pamwenga mlendo wakuja namwe, ndiyo wanyoza Ambuya, munthu yo watuzgikeko, kumutuzgamo mu ŵanthu ŵake.

Nthanthi 15:10

Pe kulangika kuzitu kwaku yo wareka nthowa; mweniyo watinkha kuchenyeka wakafwanga.

1 Timote 2:5

Chifukwa kwe Chiuta, ndi mwendapakati yumoza, pakati paku Chiuta ndi ŵanthu, Munthu Kristu Yesu.

ŴaHebere 7:25

Viyo ndimo ngwanthazi kukutaskiya kose limu wo ŵatuziya kwaku Chiuta mwaku iyo, pakuŵa wamoyo nyengo zose kwachiŵeyere pa chifwa chawo.

Sumu 51:4

Imwe, imwe pe, ndanangiya, ndipo cho nchiheni mu maso ghinu ndachita, viyo, murunjika pa kunderuzga ndi ambura kalema mu cheruzgu chinu.

2 Mikoka 25:16

Kweni weche kukamba, karonga wanguti kwaku iyo, “Kumbi takumika kuŵa mpangi-fundu wa karonga? Chetama! Vinu ungabayika?” Viyo mchimi wanguchetama, kweni wanguti, “Ndaziŵa kuti Chiuta wadumuwa kukubaya chifukwa wachita ichi ndipo kuti wavwiya fundu yangu cha.”

Marangu 1:17

Mungalereskanga chisku cha munthu, muvwe mumana kwakulingana ndi mura. Mungopanga chisku cha munthu, chifukwa kweruzga nkhwaku Chiuta. Kweni asani mrandu ngunonono kwaku imwe, zani nawo kwangu, Ine ndazakuwuvwa.’

Sumu 51:16

Chifukwa kuti mukondwa ndi sembe cha; asani ndingupereka mpasku wakocha imwe kuti mwatinge mukondwenge cha.

Marangu 2:30

Kweni Sihoni fumu yaku Heshiboni yinguzomera cha kuti tikiye kwake, pakuti Ambuya Chiuta widu wangunonopeska mtima wake mwakuti wamupereke mu janja linu, nge ndimo kulili zuŵa lino.

ŴaHebere 10:27

kweni chilereze chakofya chakuti e cha cheruzgu, ndi ukari wa moto wo upirizgenge wamawongu wo.

Jobu 9:33

Palivi yumoza yo wangateruzga pakati paku ifwe, yo wanguziŵa kuŵika janja lake paku ifwe taŵaŵi.

Nthanthi 29:1

Mweniyo wasuskika kaŵikaŵi kweni wangangamika mbwenu khosi lake wakaswekanga kwamabuchibuchi wambura machizgika.

Chiyambo 38:7

Kweni Ere waumwali waku Yuda, wenga muheni mu maso gha Ambuya; ndipo Ambuya angumubaya.

Chiyambo 38:10

Ndipo cho wanguchita chenga chambura kukondweska mu maso gha Ambuya, ndipo nayo angumubaya.

1 ŴaKaronga 8:31

“Asani munthu walakwiya muzengezgani wake ndipo waneneke kuti wachiti rapu, ndipo watuza ndi warapa rapu lake paurongo pa chiguŵa chinu mu nyumba iyi,

1 ŴaKaronga 8:32

iku vwani imwe kuchanya ko, ndipo chitani, muŵeruzge ŵaŵanda ŵinu, kususka wakulakwa yo pakutole pa mutu wa mwenecho vyo wachita, ndi kupaska chirewa ku wakurunjika yo pakumupaska mwenera wa urunji wake.

2 Mikoka 10:15

Viyo karonga kuti wanguvwa gha ŵanthu cha, fundu iyi yinguturiya kwaku Chiuta mwakuti Chiuta wafiske mazu ghake gho wangukamba ndi Ahija mu Shiloni kwaku Yereboamu mwana waku Nebati.

Nthanthi 13:1

Mwana wazeru watuvwa kurunguchizga kwa awiske, kweni wakuyeya kuti wategherezga ku kuchenya cha.

Wakutaula 3:3

nyengo yakubayiya, ndi nyengo yakuchizgiya; nyengo yakubwanganduliya pasi, ndi nyengo yakuzenge;