1 Samuele 19:4 - Tonga Bible 1986

⁴ Sono Jonafani wangukamba umampha gha kurumba Davidi kwa wiske a Sauli, wanguti, “Rekani kughanaghaniya uheni pa mteŵeti winu Davidi; chifukwa iyo walive kumunangiyani kanthu, ndipo nchitu zake zaŵa zamampha kwaku imwe.

1 Samuele 19:4 Referans Kwoze

Yeremiya 18:20

Kumbi uheni ndi mphoto ya umampha? Kweni iwo ŵakumbiya mbuna umoyo wangu. Kumbukani mo ndingumiya paurongo pinu kuŵakambiya umampha iwo, kutuzgako ukari winu kwaku iwo.

Chiyambo 42:22

Ndipo Rubene wangwamuka kuti, “Kumbi ndengavi kukuneniyani ine kuti mungananga pa mhurwa yo cha? Kweni mungukana kundivwa. Viyo sono patuza chilangu cha ndopa zake.”

Nthanthi 17:13

Asani munthu wawezge uheni pa umampha, uheni kuti ukatuwangako cha ku nyumba yake.

1 Samuele 20:32

Jonafani wanguŵamuka awiske, “Wakafwiyanganji? Wachitanji?”

Sumu 35:12

Watindiwezge uheni pa umampha; mzimu wanguuyuzgika.

1 Samuele 22:14

Sono Ahimeleke wangwamuka karonga, “Ndiyani mukati mu ŵateŵeti ŵinu wose yo ngwamagomekezgeka nge ndi Davidi yo ndi mkosanu wa karonga, nduna ya liŵanja lo lisunga imwe, ndipo waulemu mu nyumba yinu?

1 ŴaKorinte 8:12

Ndipo pakulakwiya ŵabali wo, ndi pakulasa njuŵi zawo zakutomboloka, mulakwiya Kristu,

2 Mikoka 6:22

“Asani munthu wanangiya mwanasi wake, ndipo wamuchitiska kuti warapi rapu ndipo watuza ndi kurapa rapu lake paurongo pa jochero linu mu nyumba iyi,

1 Samuele 2:25

Asani munthu walakwiya munyake, Chiuta wakamuŵiyanga mwenda-pakati; kweni asani munthu walakwiya Ambuya, ndiyani yo wakamuŵeyeriyanga iyo?” Kweni ndipuuli kuti ŵanguvwiya mazu gha auskeu cha; pakuti linguŵa khumbu la Ambuya kuŵabaya.

Chiyambo 9:6

We yose wakudira ndopa za munthu, ndopa zake nazo zidikenge ndi munthu munyake; pakuti Chiuta wangulenga munthu mu chikozgu chake.

1 Yohane 3:15

Munthu yose yo watinkha mbali wake ngwambanda: ndipo muziŵa wambanda kuti wendi umoyo wa muyaya mwaku iyo cha.

Sumu 59:4

kuti nkhunanga kwangu cha, nanga ŵachimbiya ndi kujirongoso. Sokani, muzichindovya, ndipo wonani!