1 Samuele 19:21 - Tonga Bible 1986

²¹ Kunguti kwakambikiya Sauli, wangutuma so mathenga ghanyake, iwo nawo ŵanguchima. Sauli wangutuma mathenga ghanyake ka chitatu, ndipo nawo so ŵanguchima.

1 Samuele 19:21 Referans Kwoze

Yoele 2:28

“Ndipo kuŵenge kuti pavuli, ndipunguliyenge mzimu wangu pa ŵanthu wose; ndipo ŵana ŵinu ŵanthurumi ndi ŵana ŵinu ŵanthukazi ŵachimenge, ndipo ŵaraŵara ŵalotenge maloto, ŵanyamata ŵawonenge chiwona.

Yeremiya 13:23

Kumbi mu Etiopia wangaziŵa kusintha liŵavu lake, pamwenga nyalubwe maŵanga ghake? Ipo namwe so mungaziŵa kuchita umampha mwa ŵakuziŵiriya kuchita uheni.

Nthanthi 27:22

Umudini mubereŵeza mu dule ndi musu pamoza ndi kurgha kwakupulika, ubereŵeza wake kuti ukamutayanga cha.

1 Samuele 19:20

Sauli wangutuma mathenga kwachimuto Davidi; ndipo po wanguwona, mzinda wa ŵamchimi uchichima, ndi Samuele wakuma nge ndi mura pachanya pawo, mzimu waku Chiuta unguwiya pa mathenga ghaku Sauli nawo so ŵanguchima.

1 Samuele 19:22

Pavuli iyo mweneko wanguruta ku Rama, ndipo wangufika pa chisima chikuru cho che mu Seku; wangufumba, “Wepani Samuele ndi Davidi?” Yumoza wanguti, “Onani, ŵe pa Nayoti mu Rama.”