1 Samuele 18:5 - Tonga Bible 1986

⁵ Davidi wangutuwa kuruta ndipo wanguchita umampha kose ko Sauli wangumutuma, rekani Sauli wangumuŵika pachanya pa ŵankhondo. Ndipo ichi chinguŵa chakunozga mu maso gha ŵanthu wose ndipo ndi mu maso gha ŵateŵeti ŵaku Sauli.

1 Samuele 18:5 Referans Kwoze

1 Samuele 18:30

Ndipo mafumu gha ŵaFilisti ghazanga ku nkhondo, ndipo pose po ŵanguziya, Davidi wanguchita umampha kuruska ŵateŵeti wose ŵaku Sauli; mwakuti zina lake linguvwika ukongwa.

ŴaKolose 4:5

Mwendenge mu zeru kuchiri ku ŵakubwaro, fiskani kwakulingana ndi mwaŵi wo ulipo.

ŴaEfeso 5:17

Chifukwa chenichi mungaŵanga ŵakupusa cha, kweni ŵakuchiteska cho ndi khumbu la Ambuya.

Machitidu gha Ŵakutumika 7:10

ndipo wangumutaska ku masuzgu ghake ghose, ndipo wangumpaska wezi ndi zeru paurongo paku Farao karonga wa Egipiti mweniyo wangumumika mura pa Egipiti ndi panyumba yake yose.

Mateyu 10:16

“Awonani, ndikutumani imwe nge ndi mberere mukati mu zimphumphi. Viyo muŵe ŵachinjeru nge ndi zinjoka, ndi ŵakuzika nge ndi zinkhunda.

Sumu 1:3

Wakozgana ndi muti wakupandika pa mphepete pa misisi ya maji, weniwo upasa vipasi vyake mu nyengo yake, jani lake kuti lifota cha; mwaku chose cho wachita, wasakata.

1 Samuele 13:2

Sauli wangusankha ŵaYisraele vikwi vitatu (3,000); vikwi viŵi (2,000) ŵenga ndi Sauli mu Mikimasi, ndi mucharu cha mapiri cha Betele, ndi chikwi chimoza (1,000) ŵanga ndi Jonafani mu Gibeya waku Benjamini; ndipo wangutuma ŵanthu ŵanyake ŵakujapo ku muzi, munthu we yose ku hema lake.

Chiyambo 39:23

msungi wa nyumba ya ukaidi kuti waŵikangako so maso cha kwaku kose keniko kenga kakuphwerereka ndi Yosefe, chifukwa Ambuya ŵenga nayo; ndipo che chose cho wanguchita, Ambuya anguchisakatiska.

1 Samuele 14:52

Ndipo kwenga nkhondo yinonono ndi ŵaFilisti mu mazuŵa ghose ghaku Sauli, asani wanguwona munthu wanthazi; pamwenga yo wenga ngwazi, Sauli wangumuto kuti wajenge nayo.

1 Samuele 18:4

Jonafani wanguzuwa munjirira wake, vidya vyake, lipanga lake, uta wake ndi ramba wake wangupaska Davidi.

1 Samuele 18:6

Davidi wachiwe kukubaya mu Filisti, wachiza ku muzi ŵanthukazi ŵangutuwa mu misumba yose ya ŵaYisraele, ŵambanga ndi kuvina, kwachikumana ndi karonga Sauli, ndi zing'oma ndi sumu za chimwemwe, ndi virumbu vya kumbiya sumu.

1 Samuele 18:16

Kweni Yisraele yose ndi Yuda ŵangumwanja Davidi; pakuti wanguŵarongozga pakutuwa ndi pakusere.

2 Samuele 5:2

Mu nyengo zaruta, po Sauli wenga karonga pachanya pidu, ndimwe mungurongozga Yisraele kutuwa ndi kuwe nayo; Ambuya angukamba namwe, ‘Ukaliskanga khamu langu Yisraele, ndipo ukaŵanga karonga pa ŵaYisraele.’ ”

Sumu 101:2

Ndikajisunganga mu nthowa yambura kalema. A, kumbi muzenge zuŵanji kwaku ine? Ndendenge ndi mtima wakutowa mu nyumba yangu;

Ŵeruzgi 1:19

Ambuya ŵenga ndi Yuda, ndipo wanguto charu cha mtunthu, kweni wangutondeka kudikiska ŵakuja mu charu chachidika chifukwa ŵenga ndi magareta gha visulo.

1 Samuele 3:19

Ndipo Samuele wangukuwa, Ambuya ŵenga nayo ndipo kuti anguzomerezga cha kuti mazu ghawo ghareke kufiskika.

2 Samuele 5:10

Davidi wangurutiliya-rutiliya mukukuwa, chifukwa Ambuya, Chiuta wamaŵanja, wenga nayo.

2 Mikoka 17:3

Ndipo Chiuta wenga nayo Yehosafati chifukwa wendanga mu nthowa zakudanga, wengavi kupenja ŵaBala.