1 Samuele 18:16 - Tonga Bible 1986

¹⁶ Kweni Yisraele yose ndi Yuda ŵangumwanja Davidi; pakuti wanguŵarongozga pakutuwa ndi pakusere.

1 Samuele 18:16 Referans Kwoze

1 Samuele 18:5

Davidi wangutuwa kuruta ndipo wanguchita umampha kose ko Sauli wangumutuma, rekani Sauli wangumuŵika pachanya pa ŵankhondo. Ndipo ichi chinguŵa chakunozga mu maso gha ŵanthu wose ndipo ndi mu maso gha ŵateŵeti ŵaku Sauli.

Luka 20:19

Ndipo ŵalembi ndi ŵazukuru ŵara ŵangulembe kumko ku manja mu ora leniliya; ndipo ŵangopa khamu lo; chifukwa ŵanguziŵa kuti paku iwo wangutayiya ntharika yeniyi:

Luka 19:48

ndipo kuti ŵangusaniya cha cho ŵangachita; chifukwa khamu lo lose lingugomekezga mwake lakutegherezga.

1 ŴaKaronga 3:7

Ndipo sono, Ambuya Chiuta wangu, mwamuchita muŵanda winu kuŵa karonga mu malo ghaku Davidi ada, chingana nde mwana mumana; kuti ndiziŵa cha pakutuwa ndi pakusere.

2 Samuele 5:2

Mu nyengo zaruta, po Sauli wenga karonga pachanya pidu, ndimwe mungurongozga Yisraele kutuwa ndi kuwe nayo; Ambuya angukamba namwe, ‘Ukaliskanga khamu langu Yisraele, ndipo ukaŵanga karonga pa ŵaYisraele.’ ”

Maŵerengedu 27:17

mweniyo wakaŵadanjiriyanga ŵachiruta ndi wachisere; mwakuti mpingu wa Ambuya ureke kuŵa nge ndi mberere Zambura mliska.”

1 Samuele 18:13

Viyo Sauli wangumutuzgako kwake, ndi kumuŵika nduna pa ŵankhondo chikwi; wangutuwako ndi wanguza paurongo pa ŵanthu.

1 Samuele 18:15

Po Sauli wanguwona kuti wachita ndi kufiska umampha vyose, wangumopa.

Estere 10:3

Pakuti Mordikayi muYuda wenga wachiŵi ku karonga Ahaswerusi ndi wapachanya mukati mu ŵaYuda, ndipo ŵangumuzomera ŵabali ŵake ŵanandi chifukwa ŵaŵapenjiyanga umampha ŵanthu ŵa mtundu wake ndi kukamba vya chimangu ku mbeu yake yose.