1 Samuele 16:5 - Tonga Bible 1986

⁵ Iyo wanguti, “Muchimangu; ndaziya kwazipereka sembe ku Ambuya; jipaturiskeni mwaŵeni, ndipo muzi pamoza nane ku sembe.” Ndipo wangupaturiska Jese ndi ŵana ŵake ŵanthurumi wanguŵadaniya ku sembe.

1 Samuele 16:5 Referans Kwoze

Yoswa 3:5

Yoswa wangunene ŵanthu kuti, “Mujipatuwe mwaŵeni; chifukwa mawa Ambuya akachitanga vyakuziziswa mukati mwinu.”

Chituwa 19:10

ndipo Ambuya anguti kwaku Mosese, “Rutanga ku ŵanthu wo ndipo ukaŵapatuwe msana wale ndi la mawa, ndipo ukaŵachapiske vyakuvwara vyawo,

1 ŴaKorinte 11:28

Kweni wadange wajesa munthu ndi viyo warghepo chiŵande cho, ndi wamweko nkhombo yo.

Yoswa 7:13

Soka, uŵatozge ŵanthu, ukambe kuti, ‘Jitozgeni mwaŵeni lamawa, pakuti ndimo Ambuya ŵanene Chiuta waku Yisraele, “Mwe vyakukanizgika mukati mwinu, Owe Yisraele; kuti muziŵa kuma paurongo pa ŵarwani ŵinu cha, mpaka po mwatuzgamo vinthu vyakubisika vyo vye mukati mwinu.”

Yoele 2:16

unjikani ŵanthu. Patuwani umba, unjikani ŵaraŵara; unjikani ŵana, chingana mba mjedu. Mweni nthengwa watuwe mu chipinda chake, ndi mwali nayo muchipinda chake.

Jobu 1:5

Ndipo ghanguti ghamara mazuŵa gha dghera, Jobu wanguziŵiriya kutuma ndi kuŵapatuwa mukuŵatoweska, wayukanga ndi mlenjilenje kwachipereka sembe zakocha kwakuyana ndi unandi wawo, pakuti Jobu wanguti, “Vinu ŵana ŵangu ŵananga ndi kutemba Chiuta mu mitima yawo.” Viyo ndimo Jobu wanguchitiya mazuŵa ghose.

Maŵerengedu 11:8

Ŵanthu ŵangwenda uku ndi uku kughayora ndi kughapera pa mphe pamwenga kughapuwa mu thuli, ndi kughabika mu mimphika nge ndi sima, ndipo kawonekedu kake kenga nge nkhachiŵande ka mafuta.

Chiyambo 35:2

Viyo Yakobe wanguti ku ŵamu nyumba yake ndi kwaku wose ŵeniwo ŵenga nayo, “Tayani ŵachiuta ŵalendo wo ŵe mukati mwinu, ndipo mujiphoto, ndipo musinthe vyakuvwala vinu;

1 Samuele 20:26

Kweni ndipuuli pa zuŵa liya Sauli kuti wangukamba kanthu cha, chifukwa wangupima kuti, “Kanthu kanyake kamuwiya; ngwambura kutozgeka, nadi ngwambura kutozgeka.”

Zefaniya 1:7

Uje chete paurongo pa Ambuya Chiuta! Chifukwa zuŵa la Ambuya laŵandika; Ambuya arongoso kubaya sembe ndi apatuwa ŵakudanika ŵawo.

1 ŴaKaronga 2:13

Sono Adoniya mwana waku Hagiti wanguza kwaku Betesheba nyina waku Solomoni. Iyo Betesheba wanguti, “Kumbi waza ndi chimangu?” Iyo wanguti, “Ndi chimangu.”

1 Mikoka 12:18

Penipo Mzimu unguza kwaku Amasai mura waku ŵa machumi ghatatu ndipo wanguti, “Te winu, A Davidi; ndi tekumoza nawe, mwana waku Jese! Chimangu, chimangu kwaku imwe, ndi chimangu ku ŵavwiri ŵinu! Chifukwa Chiuta winu watukovyani”. Ndipo Davidi wanguŵaronde ndi kuŵaŵika kuŵa ŵarongozgi ŵa maŵanja gha ŵankhondo ŵake.