1 Samuele 15:3 - Tonga Bible 1986

³ Sono rutanga ukaŵathereske Amaleke, kwachinangiya limu vyose vyo ŵenavyo; kuŵagowoke cha, kweni kubaya wose munthurumi ndi munthukazi, litema ndi wakonkha, ng'ombe ndi mberere, gamila ndi mbunda.’ ”

1 Samuele 15:3 Referans Kwoze

Maŵerengedu 24:20

Ndipo wangulereska ku Amaleke, wangukamba ntharika yake, wanguti, “Amaleke ndiyu wenga wakudanga wamitundu, kweni ku umali wakaphwanyikanga,”

1 Samuele 22:19

Ndipo Nobo, msumba wa ŵazukuru, wanguwuŵika ku lipanga; wose ŵanthurumi ndi ŵanthukazi, ŵana ndi ŵakonkha, ng'ombe, mbunda ndi mberere, wanguviŵika ku lipanga.

Maŵerengedu 31:17

Viyo sono, bayani munthurumi we yose mu malitema gho, ndipo bayani munthukazi we yose yo waziŵa munthurumi pa kula nayo.

Chituwa 20:5

kuti ukavilambiyanga chingana nkhuvitataliya cha; pakuti ine Ambuya Chiuta wako ndine Chiuta wa sanji, wakusiskiya pa ŵana uheni wa auskeu, mpaka ku mwandanu wa chitatu ndi wachinayi waku wo ŵatinditinkha;

Chiyambo 36:12

(Timina wenga chidandanu chaku Elifaza, mwana munthurumi waku Esau; wangupapa Amaleke kwaku Elifaza.) Yaŵa ndiwo ŵana ŵanthurumi ŵaku Ada, muwoli waku Esau.

Chituwa 17:14

Ndipo Ambuya anguti kwaku Mosese, “Lemba ichi nge nchikumbusku mu buku, ndipo uchikambe mu makutu ghaku Yoswa kuti ndisisistiyanga limu chikumbusku chaku Amaleke mu charu chose chapasi.”

1 Samuele 14:48

Wangukuwa mu nthazi, wanguthereska Amaleke, ndipo wangupozomoska ŵaYisraele mu manja ghaku wose wo ŵanguŵakandirizga.

1 Samuele 15:9

Sauli pamoza ndi ŵanthu ŵake ŵangusiya Agagi, ndi mberere zamampha ndi ng'ombe ndi vyakututuŵa, ndi twana twa mberere, ndipo ndi chose cho chinguŵa chakunozga, kuti ŵangukhumba kuvimariya limu cha, vyo vyenga vya kuyeyeka ndi vyambura kwene ŵanguvinanga vyose.

1 Samuele 15:18

Ndipo Ambuya angukutuma, kuti, ‘Ruta, ukapasuliye limu teteti ŵanthu ŵaheni wo, Amaleke, urwani nawo mpaka po ŵamara.’

1 Samuele 27:9

Davidi wangupasuwa charu, wengavi kusiyapo munthurumi pamwenga munthukazi wamoyo, wanguskoŵa mberere, ng'ombe, zimbunda, ŵagamila, ndi vyakuvwara, wanguwere kwaku Akishi.

1 Samuele 30:17

Davidi wanguŵapuma kwamba ndi chivivivi mpaka ku mazulo gha zuŵa linyake; ndipo kuti wangupozomokapo waku iwo nanga njumoza cha, kupatuwako ŵanthu machumi pe chumi ghanayi (400) wo ŵanguthaŵa pa ŵagamila.

2 Samuele 1:8

Wangunena, ‘Ndiwe yani?’ Ndingumwamuka, ‘Ndine muAmaleke.’

Yoswa 10:39

wanguwupoka pamoza ndi karonga wake, ndi mizi yake yose, wanguwakoso ndi lipanga wangumara wose tete, kwambura wakujapo, mo wanguchitiya ku Elebroni, ndi ku Libina ndi karonga wake, ndimo wanguchitiya ku Debiri ndi karonga wake.