1 Samuele 12:9 - Tonga Bible 1986

⁹ Kweni ŵanguruwa Ambuya Chiuta wawo; rekani anguŵaguliska mu janja laku Sisera, nduna ya nkhondo yaku Yabini karonga waku Hazoro, ndimu janja la ŵaFilisti, ndimu janja la karonga waku Moabu; wangurwa kwakumikana nawo.

1 Samuele 12:9 Referans Kwoze

Ŵeruzgi 13:1

ŴaYisraele ŵanguwerezgapo kuchita uheni mu maso gha Ambuya; ndipo Ambuya anguŵapereka mu janja la ŵaFilisti kwa virimika machumi ghanayi (40).

Ŵeruzgi 10:7

Ndipo ukari wa Ambuya ungukole pa ŵaYisraele, ndipo anguŵaguliska mu janja la ŵaFilisti ndi mu janja la Amoni,

Ŵeruzgi 4:2

Ndipo Ambuya anguŵaguliska mu janja laku Yabini karonga wa ŵaKanani, yo wawusanga mu Hazoro; wakurongozga liŵanja lake la nkhondo, wenga Sisera, mweniyo wajanga mu Harosheti-hagoimi.

Ŵeruzgi 3:12

Ndipo ŵaYisraele ŵanguwerezgapo kuchita uheni mu maso gha Ambuya, ndipo Ambuya angukhozga Egloni karonga wa Moabu kumikana ndi Yisraele, chifukwa ŵanguchita uheni mu maso gha Ambuya.

Marangu 32:18

Mwengavi kughanaghanako ndi jarawe lo lingumupapani, ndipo munguruwa Chiuta yo wangumulengani.

Yeremiya 2:32

Kumbi mwali wangaruwa vyakujizganga navyo vyake, pamwenga mwali wanthengwa vyakuvwara vyake? Kweni ŵanthu ŵangu ŵandiruwa mazuŵa ghambura maŵerengeka.

Yesaya 63:10

Kweni ŵangugaruka ndi kukaraliska Mzimu wake wakupaturika; viyo ŵangung'anamuka wanguŵa mphindikwa yawo, ndipo iyo mweneko wangurwana nawo.

Sumu 106:21

Ŵanguruwa Chiuta mtaski wawo yo wanguchita vikuru mu Egipiti,

Ŵeruzgi 3:31

Pauvli paku iyo wenga Shamgara mwana waku Anata, yo wangubaya ŵanthu machumi pe chumi ghankhonde ndi limoza (600) gha ŵaFilisti ndi mujokong'o wa ng'ombe. Iyo nayo wangupozomoska Yisraele.

Ŵeruzgi 2:14

Viyo ukari wa Ambuya ungukole paku Yisraele, ndipo anguŵapereka ku ŵamawongo wo ŵanguŵayora; ndipo anguŵaguliska ku nthazi ya ŵakupindikana ŵawo ŵakuŵazunguliya, alinga kuti ŵangalimbana nawo so cha ŵakupindikana ŵawo.

Marangu 32:30

Kumbi yumoza waziŵa uli kudikiska chikwi chimoza, ndi ŵaŵi kudikiska vikwi chumi kwambura kuti jarawe lawo lingaŵaguliska, ndipo Ambuya angaŵapereka?

1 Samuele 12:15

kweni asani murekenge kuvwiya mazu gha Ambuya, ndi kuthaŵako ku marangu gha Ambuya, janja la Ambuya liŵenge lakumikana namwe, imwe ndi karonga winu.

2 Samuele 7:11

kutuliya pa nyengo yo ndingumikiya ŵeruzgi pa khamu langu Yisraele; ndipo ndikupumuzgeninga ku ŵarwani ŵinu wose. Ndipo so Ambuya asimikizgiya iwe kuti Ambuya akakuchitiyanga nyumba.