1 Samuele 12:3 - Tonga Bible 1986

³ Ndepano, ndisimikizgiyeni paurongo pa Ambuya ndi pa wakupakika wake. Ndato ng'ombe yaku yani? Pamwenga ndato mbunda yaku yani? Ndapusika yani? Ndakandirizga yani? Pamwenga nkhu janja laku yani ko ndaronde chimbundi kuti ndijari nacho maso ghangu? Ndisimikizgiyeni ndipo ndikawerezgiyangapo.”

1 Samuele 12:3 Referans Kwoze

Machitidu gha Ŵakutumika 20:33

Kuti ndaunukiya cha siliva, pamwenga golide, pamwenga chivwaru cha munthu yumoza.

Maŵerengedu 16:15

Ndipo Mosese wangukwiya ukongwa, wanguti ku Ambuya, “Mungaphwerenga mpasku wawo. Ndirivi kutoko mbunda nanga njimoza kwaku iwo, chingana nkhuti ndapwetekako yumoza waku wo cha.”

1 Petro 5:2

liskani muskambu waku Chiuta wo we mwinu, pakuulereze kwakupemberezgeka cha, kweni kwakukhumba, kwakuyana ndi kukhumba kwaku Chiuta; kwaupiripiri nako cha, kweni kwaphamphu;

1 Samuele 24:6

Wanguti ku ŵanthu ŵake, “Ambuya akana kuti ndichiti chinthu ichi ku mbuyangu kuti ndimusoske janja langu kumikana nayo, pakuti ngwakupakika wa Ambuya.”

Marangu 16:19

Mungayeruzganga uheni cha. Mungawonanga chisku cha munthu cha; ndipo mungarondenga vinda, chifukwa vinda yijalamaso gha ŵazeru ndipo yinanga ŵarunji.

1 ŴaTesalonika 2:10

Mwe ŵakaboni imwe, ndi Chiuta viyo, mo tingujaririya kuchiri kwaku imwe mwaŵakuvwana, kwakupaturika, ndi kwaurunji, ndi kwambura kalema:

1 Samuele 12:5

Ndipo wanguŵamuka, “Ambuya ndi kaboni paku imwe, wakupakika wake ndi kaboni pa zuŵa linu, kuti imwe mulivi kusaniya kaheni mu janja langu.” Ŵanthu ŵanguti, “Mba kaboni.”

1 Samuele 10:1

Sono Samuele wanguto supa ya mafuta wangupunguliya pa mutu wake, wangumufyofyontha ndi wanguti, “Asi ndi Ambuya wo akupaka mwakuti uŵe chirongozgi wa ŵanthu ŵake ŵaYisraele? Ndipo ukawusanga pa ŵanthu ŵa Ambuya ndi kuŵapozomoska mu janja la ŵarwani ŵawo ŵakuŵazingirizga. Ndipo ichi chiŵenge chisimikizgu kwaku iwe kuti Ambuya akupaka kukupatuwa uŵe fumu pa ŵanthu ŵake.

Chituwa 23:8

Ndipo mungarondanga vinda chifukwa vinda yiburumutizga maso gha ŵeruzgi, ndipo yibendezga mrandu waku wo mbarunji.

1 ŴaTesalonika 2:5

Chifukwa, uli ndimo muziŵiya, chingana nkhuti kosekose tinguŵa ŵakukamba utesi mu mazu cha, chingana nkhuti tinguŵa ŵarghargha mu bina cha, Chiuta ndiyo kaboni;

Chituwa 20:17

“Ungaŵiniwanga nyumba ya munyako; ungaŵiniwanga muwoli wa munyako, pamwenga wachitu wake munthurumi, pamwenga wanchitu wake munthukazi, pamwenga ng'ombe yake, pamwenga mbunda yake, pamwenga kanthu ke kose ka munyako.”

Luka 19:8

Kweni Zakeyu wanguma, wanguti ku Mbuya, “Awonani Ambuya, chigaŵa cha viŵetu vyangu ndiŵapaska ŵakavu; ndipo asani ndamuphanga yumoza kanthu, ndimwerezgiyapo kanayi.”

Mateyu 22:21

Ŵamnene, “Vyaku Kaisare.” Sono waŵanene, “Wezgani viyo vyaku Kaisare kwaku Kaisare; ndi vyaku Chiuta kwaku Chiuta.”

ŴaLevi 6:4

Munthu yo walakwa wakawezganga chenicho wangutole mu unkhungu, pamwenga mu kuyuzga, pamwenga cho wangusungizgika pamwenga chakusoŵa cho iyo wangubowozga,

Chituwa 22:4

kweni asani lumwi latuliyako paku iyo, pakaŵanga kalema ka ndopa chifukwa chaku iyo.

2 ŴaKorinte 12:14

Awonani kachitatu yaka ndirongosole kuza kwinu. Ndipo kuti nkhamzitiskaninga cha, chifukwa kuti ndipukwa vinu cha, kweni ndipukwa imwe: chifukwa kuti kuyiyamu ŵana kuŵikiya ŵapapi ŵawo mbiku cha, kweni ŵapapi ku ŵana.

1 Samuele 2:35

Ndipo nkhajiyuskiyanga mzukuru wa chivwanu, mweniyo wakachitanga kwakuyana ndi mtima wangu ndi zeru zangu; ndikamuzenganga kuŵa nyumba yakukho, wakaserenga ndipo wakatuwanga paurongo pa ŵakupakika ŵangu kwamuyaya.

1 Samuele 12:4

Ŵanthu ŵanguti, “Kuti mwatipusika chingana nkhutikandirizga cha, kuti mwatoko kanthu ku janja la munthu cha.”

Nthanthi 15:27

Yo ngwa kasu chifukwa cha kwanduwa kwakupusika watole suzgu pa ŵanyumba yake, kweni mweniyo watinkha vinda wakaŵanga wamoyo.

ŴaLevi 6:5

pamwenga che chose cho iyo wangurapa kwakupusika. Wakawezganga chose chizirima, ndipo wakasazgangako kwaku cho chigaŵa cha chinkhonde ndi kuchipaska ku mweneko, pa zuŵa la kupereke mpasku wapa ulakwi wake.

1 Samuele 24:7

Viyo Davidi wangukanizga ŵanthu ŵake ndi mazu yagha, ndipo kuti wanguŵazomerezga cha kuti ŵamubaye Sauli. Sauli wangusoka kutuwa mu mphanji, wanguruta munthowa yake.

1 Samuele 24:11

Awonani ada, wonani mkono wa khanju linu mu janja langu; pakuti ndadumuwako mkano ku khanju linu, kweni kumbayani cha, mtenere kuziŵa ndi kuwona kuti mu manja ghangu mulivi kaheni chingana nkwananga. Palivi cho ndamunangiyani, chingana imwe mupenja umoyo wangu kuwuto.

1 Samuele 26:9

Kweni Davidi wangunena ndi Abishai, “Reka ku mubaya; pakuti njani yo wangaŵika janja lake pa wakupakika wa Ambuya, ndi kureka kusanirika ndi mlando?”

1 Samuele 26:11

Ambuya akana kuti ndisoske janja langu pa wakupakika wa Ambuya; kweni iwe uto mkondo wo we kumutu, ndi msuku wa maji, tirutenge.”

2 Samuele 22:22

Pakuti ndasunga nthowa za Ambuya, ndi kuti ndachita uheni kutuwako kwaku Chiuta wangu cha.

Nehemiya 5:11

wezgiyani kwaku iwo msana wale minda yawo, minda yawo ya mphereska, miti yawo ya mafuta gha olive ndi nyumba zawo, ndi cha chichumi pe chumi cha ndrama, kurgha, vinyo, ndi mafuta vyenivyo mwaŵapananga.”

Sumu 15:5

yo ndrama zake kuti wakongoreske chifukwa cha chanduwu cha, ndipo kuti waronde vinda pa munthu wambura mlando cha. Wakuchita ivi kuti wasukuniskikenge cha.