1 Samuele 12:11 - Tonga Bible 1986

¹¹ Ambuya angutuma Yerubala, Baraki, Yefta, ndi Samuele, ŵangumupozomoskani ku janja la ŵarwani ŵinu kwakuzunguliya; ndipo munguja umamphavi.

1 Samuele 12:11 Referans Kwoze

Ŵeruzgi 6:32

Chifukwa cho pa zuŵa liya wangudanika Yerubalalo ling'anamuwa kuti, “Murekeni Bala warwani nayo,” chifukwa wangubwangaduliya pasi jochero lake.

Ŵeruzgi 4:6

Wangutuma kwachidana Baraki mwana waku Abinamu waku Kedeshi mu Naftali, wanguti kwaku iyo, Ambuya Chiuta waku Yisraele, watikulanguliya, “Ruta, kawunjike ŵanthu ŵako pa phiri Taboro, uruti ndi ŵanthu vikwi chumi (10,000) kutuwa ku fuku laku Naftali ndi fuku laku Zebuluni.

Ŵeruzgi 6:14

Ndipo Ambuya angung'anamukiya kwake, anguti, “Ruta mu kulimba uku ukapozomoske Yisraele ku janja laku Midiyani; Ndine nditukutuma.”

1 Samuele 7:13

Viyo ŵaFilisti ŵangupundika, ndipo kuti ŵangusere so mu charu cha Yisraele cha. Janja la Ambuya lenga lakumikana ndi ŵaFilisti mu mazuŵa ghose ghaku Samuele.

Ŵeruzgi 8:35

ndipo ŵengavi kurongo wezi ku mbumba yaku Yerubala (yo ndi Gideoni) kumuwonga chifukwa cha umampha wose wo wanguchitiya Yisraele.

Ŵeruzgi 8:29

Yerubala mwana waku Joashi wanguruta kwachija mu nyumba yake yapa mtima wake.

Ŵeruzgi 6:31

Kweni Joashi wanguti kwaku wose wo ŵangumikana nayo, “Kumbi mukarwiyanga Bala? Kumbi mukavikiriyanga mrando wake? We yose yo wakarwiyanga iyo wakabayikanga ndi mlenji. Asani ndi chiuta, murekeni wajirwiye mweniko, chifukwa jochero lake labwangandulika.”

Ŵeruzgi 7:1

Sono Yerubala (yo ndi Gideoni) ndi ŵanthu wose wo ŵenga pamoza nayo ŵangusoka ndi mlenjilenji ŵangugoŵa pafupi ndi chisima chaku Harode, po ugoŵi waku Midiyani wenga ku nkhonde kwawo, pafupi ndi mtunthu wa More, mu dambo.

1 Samuele 3:20

Viyo ŵaYisraele wose kutuliya ku Dani mpaka ku Beresheba ŵanguziŵa kuti Samuele wasankhika kuŵa mchimi wa Ambuya.

2 ŴaKaronga 13:5

(Chifukwa cho Ambuya angupaska Yisraele utaski, viyo kuti ŵanguthaŵako ku janja la ŵaSiriya; ndipo ŵanthu ŵaku Yisraele ŵajanga mu mizi yawo uli mphakudanga.

1 Mikoka 7:17

Ŵana ŵaku Ulamu: Bedani. Yaŵa ŵenga ŵana ŵaku Gileadi mwana waku Makiri, mwana waku Manase.