1 Samuele 10:12 - Tonga Bible 1986

¹² Ndipo munthu yumoza wapa malo gha wangufumba, “Kumbi auskeu mbayani?” Mu chifukwa ichi yinguŵa nthanthi, “Kumbi Sauli nayo so we mukati mu ŵamchimi?”

1 Samuele 10:12 Referans Kwoze

Yohane 6:45

Kwalembeka mu ŵamchimi, ‘Ndipo ŵaŵenge wose ŵakusambizgika ndi Chiuta.’ Yose yo wavwa ndi wasambira ku Dada, watuza kwaku ine.

Yesaya 54:13

Ŵana ŵako wose ŵakasambizgikanga ndi Ambuya, ndipo kusakata kwa ŵana ŵako kukaŵanga kukuru.

Yakobe 1:17

Mpasku wose wamampha ndi chawezi chose chizirima nchakutuwa kuchanya chakusika kutuwa ku Dada wa maukweru, mwaku mweniyo mulive ching'anamuka chingana nchiduzi cha ching'anamuka.

Yohane 7:16

Yesu wanguŵamuka, “Chisambizgu changu kuti nchangu cha, kweni ncha Wakundituma.

1 Samuele 10:13

Wanguti wamara kuchima, wanguza ku malo gha pachanya.

1 Samuele 19:23

Kutuwa pa wanguruta ku Nayoti mu Rama; ndipo mzimu waku Chiuta unguwiya so paku iyo, ndipo wachiruta wachimanga, mpaka po wangufika pa Nayoti mu Rama.

1 Samuele 19:24

Ndipo nayo so wanguzuwa vivwaro vyake, wanguchima paurongo paku Samuele, ndipo wangugona nkhuli zuŵa liya lose ndi usiku wase uwa. Chifukwa ichi ŵatiti, “Kumbi Sauli nayo so we mukati mu ŵamchimi?”