1 Samuele 1:26 - Tonga Bible 1986

²⁶ Hana wanguti, “Ambuyangu! Po muliri wamoyo Ndine munthukazi mweniyo wanguma pano pa maso pinu, kuromba ku Ambuya.

1 Samuele 1:26 Referans Kwoze

2 ŴaKaronga 4:30

Sono nyina wa mwana wanguti, “Mo ajariya amoyo Ambuya, ndipo mo imwe muchalipo wamoyo, kuti ndikakujowoninga cha.” Viyo wangusoka ndi wangurondo munthukazi.

2 ŴaKaronga 2:6

Eliya wanguti kwaku Elisha, “Uje pano, nditukupempha, pakuti Ambuya andituma ku Yordane.” Kweni iyo wanguti, “Mo ajariya amoyo Ambuya, po uchalipo wamoyo iwe, kuti ndikajowonga cha.” Viyo wo ŵaŵi ŵangurutiriya.

2 ŴaKaronga 2:4

Eliya wanguti kwaku iyo, “Elisha, uje penipano, nditukupempha; pakuti Ambuya andituma ku Yeriko.” Kweni iyo wanguti, “Mo ajariya amoyo Ambuya, po iwe uchalipo wamoyo, kuti ndikakujowonga cha.” Viyo ŵanguza ku Yeriko.

2 ŴaKaronga 2:2

Ndipo Eliya wanguti kwaku Elisha, “Uje pano nditukupempha, pakuti Ambuya ŵandituma kwachifika ku Betele.” Kweni Elisha wanguti, “Mo ajariya amoyo Ambuya, po iwe uchalipo wamoyo, kuti ndikakujowonga cha.” Viyo ŵanguruta ku Betele.

2 Samuele 11:11

Uriya wanguti, “Bokosi la Ambuya ndi Yisraele ndi Yuda ŵaja mu misasa; ndipo mbuyangu Yoabu ndi ŵateŵeti ŵa mbuyangu wagona pa bwalo mu dondo; sono ine ndingaruta ku nyumba yangu, kwa chirgha ndi kumwa, ndi kugona ndi muwoli wangu? Po muliri ŵamoyo imwe, ndimo uliri wamoyo mzimu winu, kuti ndichitenge chinthu ichi cha.”

1 Samuele 20:3

Davidi wangwamuka wanguti, “Ausu ŵaziŵa umamphavi kuti, wareke Jonafani kuchiziŵa ichi, vinu wangaŵa ndi chitima! Kweni kwakuneneska, ndarapa Ambuya amoyo! Ndarapa umoyo wako, paja nthangara yimoza pe, pakati paku ine ndi nyifwa.”

1 Samuele 17:55

Po Sauli wanguwona Davidi waruta kwachimikana ndi muFilisti, wangufumba Abnere, nduna ya nkhondo, “Abnere, ndi mwana wakuyani mhurwa uyu?” Abnere wanguti, “Ndarapa umoyo winu, A! Karonga, nditumuziŵa cha.”

2 Samuele 14:19

Karonga wanguti, “Kumbi janja laku Yoabu le nawe paku chose ichi?” Munthukazi wangwamuka wanguti, “Ndarapa umoyo winu, mbuyangu karonga, pa ku chose cho karonga wakamba, palivi yumoza wakuti wang'anamukiye ku janja la marghe pamwenga ku lamaze. Ndi mteŵeti winu Yoabu yo wangundipempha; ndiyo wanguŵika mazu ghose yagha mu mlomo wa mteŵeti munthukazi.

Chiyambo 42:15

Pakuti chenichi mwesekenge, mo ulili umoyo waku Farao kuti mukatuwangapo pano cha mpaka penipo mwana munyinu wakumariya waza pano.

1 Samuele 25:26

Iko sono, mbuyangu, Ambuya amoyo, ndipo mo muliri amoyo pakuwona kuti Ambuya amukanizgani ku mlando wa ndopa, ndi kukuwezge nduzga mwaŵeni ndi janja linu, sono mphanyi wose ŵarwani ŵinu ndi wose wo ŵapenja kuchitiya uheni mbuyangu ŵaŵe nge ndi Nabala.

1 Mikoka 4:10

Ndipo Yabezi wadananga kwaku Chiuta waku Yisraele kuti, “Munditumbike ndi kukuzga charu changu, ndi kuti janja linu liŵenge nani, mundisunge ku uheni, mwakuti ureke kundipweteka,” ndipo Chiuta wangumupaska cho wanguromba.