1 Samuele 1:2 - Tonga Bible 1986

² Wenga ndi ŵawoli ŵaŵi; zina laku yumoza lenga Hana, zina la munyake lenga Penina. Ndipo Penina wenga ndi ŵana, kweni Hana wengavi ŵana.

1 Samuele 1:2 Referans Kwoze

Luka 1:7

Ndipo ŵengavi mwana, chifukwa Elizabeti yo wenga chumba, ndipo ŵaŵi viyo ŵenga ŵakugonera mu mazuŵa ghawo.

Mateyu 19:8

Watiti kwaku wo, “Po chifukwa cha unononu winu wamtima Mosese wanguzomerezga imwe kupata ŵawoli ŵinu: kweni kutuwa ku mtendeku kuti kwaŵa viyo cha.

Ŵeruzgi 13:2

Ndipo wengapo munthu waku Zora wa mtundu waku Dani, mweniyo zina lake lenga, Manowa; muwoli wake wenga chumba.

Ŵeruzgi 8:30

Sono Gideoni wenga ndi ŵana machumi ghankhonde ndi ghaŵi (70) wa mphapu yake, pakuti wenga ndi ŵanthukazi ŵanandi.

Chiyambo 29:31

Penipo Ambuya anguwona kuti Leya wangutinkhika, angujura chibali chake; kweni Rakelo wenga chumba.

Chiyambo 25:21

Ndipo Yisaki wangurombe muwoli wake ku Ambuya, chifukwa wenga chumba; ndipo Ambuya angumupaska cho wanguromba, ndipo Rebeka muwoli wake wanguzuwuka.

Chiyambo 4:23

Lameke wanguti ku ŵawoli ŵake: “Ada ndi Zila, vwani mazu ghangu, imwe mwawoli ŵaku Lameke, tegherezgani kwaku cho ndinena: Ndabaya munthu chifukwa chakundilasa, munyamata chifukwa chakundipuma.

Luka 2:36

Ndipo kwenga Anna, mchimikazi, mwana munthukazi waku Panuele, wamu fuku laku Ashere wenga wakugonera mazuŵa ghanandi, wakujaririya ndi mrumi virimika vinkhonde ndi viŵi kutuwa ku umwali wake,

Chiyambo 4:19

Ndipo Lameke wanguto ŵawoli ŵaŵi; zina la yumoza lenga Ada, ndi zina la munyake Zila.

Chiyambo 11:30

Kweni Sarai wenga chumba; wengavi mwana.