1 Mikoka 7:29 - Tonga Bible 1986

²⁹ ndipo so ndi mumphaka za ŵina Manase, Betesheani ndi misumba yake, Tanaka ndi misumba yake, Megido ndi mizi yake, Doro ndi mizi yake. Mwaku iyi ndimo mwajanga ŵana ŵaku Yosefe mwana waku Yisraele.

1 Mikoka 7:29 Referans Kwoze

Chivumbuzi 16:16

Ndipo wanguŵaunjika ku malo ghakuzumbulika, mu chiHebere, Hara-Magedone.

Zekariya 12:11

Mu zuŵa lo muŵenge chitenje chikuru mu Yerusalemu nge nchitenje cha Hadadirimoni mu dambo la Megido.

2 Mikoka 35:22

Kweni Josiya wangukhumba kureka cha, wangujibisa mwakuti wavwani nayo. Kuti wanguvwiya cha mazu ghaku Neko gho ghangutuwa mu mlomo waku Chiuta, ndi ŵangurwana nkhondo pa dambo laku Megido.

2 ŴaKaronga 23:29

Mu mazuŵa ghaku Farao-Neko karonga wa Egipiti wangukwere ku Karonga wa Asiriya ku msinji Efrate. Karonga Josiya wanguruta kwachikumana nayo, ndipo Farao-Neko wangumubayiya pa Megido, wati wamuwona.

2 ŴaKaronga 9:27

Ahaziya karonga waku Yuda wanguti wawona ichi, wanguthaŵiya kuchiri ku Betehagani. Ndipo Yehu wangumundondoloska, ndi watinge, “Mulaseni nayo,” ndipo ŵangumulasiya mu magareta pakukwere ku Gura, yo we pafupi ndi Iblamu wanguthaŵiya ku Megido, ndipo wangufwiya kwenikuwa.

1 ŴaKaronga 9:15

Ndipo uku ndiku kukokhoska kwa ŵanthitu ŵakuchichizgika wo karonga Solomoni wangulembela kuzenga nyumba ya Ambuya ndi nyumba ya mwenecho ndi Milo ndi linga la Yerusalemu ndi Hazoro ndi Megido ndi Gezeri.

1 ŴaKaronga 4:12

Bana mwana waku Ahiludi, mu Tanaka, Megido, ndi Betesheani yose yo wa pafupi ndi Zaretani pasika pa Yezerele, kutuwa Betesheani kwachifika ku Abelemehola kwachifika kusirgha kwa Jokumeamu;

1 Samuele 31:10

ŵanguŵika vidya vyake mu nyumba yaku Ashitaroto; ndipo ŵangukhoma liŵavu lake pa chimati cha Beteshani.

Ŵeruzgi 5:19

“Ŵakaronga ŵanguza, ŵangurwa; pavuli ŵangurwa ŵakaronga ŵaKanani, pa Tanaka, pafupi ndi maji gha Megido; ŵengavi kuto miskowo ya siliva.