1 Mikoka 6:15 - Tonga Bible 1986

¹⁵ Yehozadaki wanguruta ku umkoli pa nyengo yo Ambuya angutumiya ku umkoli Yuda ndi Yerusalemu ndi janja laku Nebukadanezara.

1 Mikoka 6:15 Referans Kwoze

Hagayi 2:2

“Kamba sono kwaku Zerubabele mwana waku Shealtiele, nduna yikuru ya charu cha Yuda, ndi kwaku Yoswa mwana waku Yehozadaka, mzukuru mura, ndi ku ŵanthu wose ŵakujaliya vuli, kuti,

Hagayi 1:1

Mu chirimika cha chiŵi cha karonga Dariusi, mu mwezi wa chinkhonde ndi chimoza pa zuŵa la chimoza la mwezi, mazu gha Ambuya ghanguza kwaku Hagayi mchimi kwaku Zerubabele mwana waku Shealtiele, nduna yikuru ya charu cha Yuda; ndi kwaku Yoswa mwana waku Yehozadaka, mzukuru mura, kuti,

2 ŴaKaronga 25:18

Ndipo nduna ya ŵalonda yinguto Seraya mzukuru mura ndi Zefaniya mzukuru wa chiŵi, ndi ŵakusunga mbuli ŵatatu,

Hagayi 1:14

Ndipo Ambuya anguyuska mzimu waku Zerubabele mwana waku Shealtiele, nduna yikuru ya charu cha Yuda, ndi mzimu waku Yoswa mwana waku Yehozadaki mzukuru mura ndi mzimu wa ŵanthu wose ŵakujaliya vuli; ndipo ŵanguza ndi ŵangutakataka pa nyumba ya Ambuya ŵa maŵanja,

2 ŴaKaronga 25:21

Ndipo karonga wa Babiloni wanguŵabaya pa Ribla mu charu chaku Hamati. Viyo Yuda wanguyoleke ku umkoli kumutuzga mu charu chake.

ŴaRoma 15:18

Chifukwa kuti ndamgangiya kurongoro kanthu cha, kweni kaku vyo Kristu wangutataliya mwaku ine, kuti ŵamuvwiye ŵaMitundu mu mazu ndi milimu,

Machitidu gha Ŵakutumika 14:27

Ndipo ŵati ŵafikako ndi kuwunganiska mpingu wo, ŵangukonkhoma vyenivyo vyose Chiuta wanguchita nawo, ndi mo wangujuriya ŵaMitundu likomo la chivwanu.

Hagayi 1:12

Viyo Zerubabele mwana waku Shealtiele, ndi Yoswa mwana waku Yehozadaka, mzukuru mura, ndi ŵanthu wose wo ŵangujaliya vuli, ŵanguvwiya mazu gha Ambuya Chiuta wawo, ndi mazu ghaku Hagayi mchimi, nge ndimo Ambuya Chiuta wawo wangumutumiya; ndipo ŵanthu ŵangopa pa maso pa Ambuya.

Yeremiya 52:28

Uwu mbunandi wa ŵanthu wo Nebukadanezara wanguruta nawo mu umkoli: mu chirimika cha vinkhonde ndi viŵi ŵaYuda vikwi vitatu ndi machumi ghaŵi pachanya ŵatatu (3,023);

Yeremiya 39:9

Sono Nebuzaradani, nduna ya ŵalonda wanguyola ŵanthu wose wo ŵangusiyika mu msumba, ŵeniwo ŵanguthaŵiya kwaku iyo, ndi wose wo ŵangujamo kuya ku umkoli ku Babiloni.

Ezra 5:2

Ndipo Zerubabele mwana waku Sealatiele ndi Yeshua mwana waku Yozadaka ŵangusoka, ŵangwamba kuzenga nyumba yaku Chiuta mu Yerusalemu; ndi ŵamchimi ŵaku Chiuta ŵenga pamoza nawo kuŵawovya.

2 ŴaKaronga 14:27

Kweni Ambuya kuti ŵangukamba cha kuti akazimwiyanga limu zina laku Yisraele pa charu chapasi, viyo anguŵataska ndi janja laku Yeroboamu mwana waku Yoashi.

Chituwa 4:13

Kweni iyo wanguti, “Owe Ambuya, ndipempha, tumani munthu munyake.”

1 Mikoka 6:14

Azariya waku Seraya, Seraya waku Yehozadaki;

1 Mikoka 6:16

Ŵana ŵaku Levi: Gershomu, Kohati, ndi Merari.