1 Mikoka 29:9 - Tonga Bible 1986

⁹ Ŵanthu ŵangukondwa chifukwa vyose ivi vinguperekeka kwa wanangwa, pakuti ndi mtima wose ŵangupereka ndi likondwa ku Ambuya. Davidi karonga nayo wangukondwa ndi chimwemwe chikuru.

1 Mikoka 29:9 Referans Kwoze

2 ŴaKorinte 8:3

Pakuti ndisimikizga kuti kwakuyana ndi nthazi yawo, ndipo nadi kwakuruska nthazi yawo, mu wanangwa wawo,

1 ŴaKaronga 8:61

Muchite mitima yinu kuŵa yakuneneska kwakufikapo pa Ambuya Chiuta widu, kwenda mu marangu ghake ndi kusunga malangulu ghake, nge ndi zuŵa lino.”

ŴaFilipi 4:10

Kweni ndikondwere ukongwa muMbuya, kuti sono ndipo mwawerezga so kwakurutizga kurunguruka vya paku ine; vyenivyo nadi kali munguvirunguruka, kweni mwasoŵanga nyengo yakuchitiya.

Yohane 15:11

Vyenivi ndakukambiyani, alinga kuti chimwemwe changu chiŵe mwinu, ndi kuti chimwemwe chinu chifiskike.

1 Mikoka 29:17

Ndiziŵa Chiuta wangu kuti mutesa mtima ndipo mukondwa nako kunyoroka; mu kunyoroka kwa mtima wangu, ndapereka kwinu ivi vyose kwawanangwa ndi mu chimwemwe.

ŴaFilipi 4:1

Viyo, mwa ŵabali ŵangu, ŵakwanjiwa ndi ŵakunwekeka, chimwemwe changu ndi chifuku changu ngangamikani viyo mu Mbuya, mwaŵakwanjiwa.

2 ŴaKorinte 8:12

Chifukwa asani upusuwo ulipo, mpasku ngwamarondeka uli ndimo munthu waliri nacho, uli ndimo wauriyavi cha.

Luka 15:6

Ndipo wati waza kwake, waŵadaniya pamoza ŵabali ŵake ndi ŵanase, wakuŵanene, ‘Kondwereni pamoza nane, pakuti ndabowozga mberere yangu yakutayika yo.’

Sumu 110:3

Wanthu ŵako ŵakajiperekanga ndi mtima mu zuŵa lo urwani ndi ŵakupindikana ŵako. Nge ndi dungwi la kumatandakucha, ŵanyamata ŵako ŵakakuziyanga pa mitunthu yakupaturika.

Ŵeruzgi 5:9

Mtima wangu utuliya ku ŵakulangula ŵaku Yisraele wo ŵangujipereka ndi mtima wose mukati mu ŵanthu. Tumbikani Ambuya.

Chituwa 35:29

Ŵanthurumi wose ndi ŵanthukazi, ŵaYisraele, wo ŵangukhumba kuza ndi kanthu ke kose ku mlimu wo Ambuya angulanguliya mwaku Mosese kuchitika ŵanguza nako kuŵa mpasku wa khumbu lawo ku Ambuya.

1 Mikoka 29:10

Viyo Davidi wangutumbika Ambuya paurongo pa wumba wose, wanguti: “Mwakutumbikika ndimwe, Ambuya, Chiuta waku Yisraele auskefwe, muyaya ndi muyaya.

2 Mikoka 17:16

wachitatu wenga Amasia mwana waku Zikri, yo wangujipereka yija mwawanangwa ku nchitu yaku Chiuta; pamoza ndi iyo ŵankhondo vikwi machumi pe chumi ghaŵi (200,000)

2 ŴaKaronga 12:5

wangulanguliya ŵazukuru, nawo so, kuti yose waperekepo kanthu kutuliya paku vyo wenavyo, ndikuti nyumba yirongosoleke po pose pengakhumbikwa chirongoso.”

2 Mikoka 24:10

Ndipo mafumu ghose ndi ŵanthu wose ŵangusekere ndi ŵanguza ndi muthulu yawo ndi ŵanguyiŵika mu bokosi mpaka penipo wose ŵangufiska.

2 Mikoka 31:8

Penipo karonga Hezekiya ndi mafumu ghake ŵanguza kuzachiwona zindundu, ŵanguthamika Ambuya ndi ŵanthu ŵawo ŵaYisraele,

Ezra 1:6

Ŵazengezgani ŵawo wose ŵanguŵawovya pakuŵapaska viyaŵi vya siliva, ndi golide, ndi vyuma ndi vyakuŵeta, ndi vinthu vya mtengo, pade paku vyose vyo vinguperekeka kwawanangwa.