1 Mikoka 29:3 - Tonga Bible 1986

³ Ndipo so chifukwa ndikondwa ndi nyumba yaku Chiuta wangu ndisazgiyako kwaku vyo vyose ndalongosole nyumba yakupaturika, nge ndi vyuma vya golide ndi vya siliva vyakundamweni vyo ndipereka ku nyumba yaku Chiuta wangu:

1 Mikoka 29:3 Referans Kwoze

1 Mikoka 21:24

Kweni karonga Davidi wanguti kwaku Ornani, “Awa, kweni nkhagulanga pa mtengo wakukwana; kuti nkhatoliyanga Ambuya cho nchako cha, pamwenga kupereka sembe yakocha yaku cho kuti ndagula cha.”

Sumu 84:10

Kutandara zuŵa limoza mu nyumba yinu yakupaturika nkhwamampha, kwakuruska kutandara kunyake mazuŵa chikwi. Ine mphanyi ndinguwa wakuma pa likomo la nyumba yaku Chiuta kwakuruska kuja mu mahema gha ŵaheni.

Sumu 84:1

Nako nkhutowa kwa chakujamo chinu, Ambuya ŵa maŵanja!

Sumu 27:4

Chinthu chimoza ndafumba ku Ambuya, chenicho ndicho ndikapenjanga; kuti ndijaririye mu nyumba ya Ambuya mazuŵa ghose gha umoyo wangu, kudaŵira kunozga kwa Ambuya, ndi kupenjeska mu nyumba yawo yakupaturika.

Sumu 26:8

A Chiuta, nditanja kajariro ka nyumba yinu, ndi malo gho unkhankhu winu ujamo.

Chituwa 25:2

“Kakambe ku ŵaYisraele kuti ŵanditore mpasku, kutuwa ku munthu yose mweniyo mtima wake utimutuma kukhumba kupaska, ukarondangako mpasku wangu.

2 ŴaKaronga 12:4

Yehoyashi wangunena ndi ŵazukuru, “Toni ndrama zose za vinthu vyakupaturika zo zikutoreke ku nyumba ya Ambuya ndrama zo munthu yose wapereka kwakuyana ndimo wakujiteme mweneko, ndrama zo zikutemeke pa ŵanthu, ndi ndrama zo munthu wapereka ku nyumba ya Ambuya kwakuyana ndimo mtima wake wamupamphuskiya,

1 Mikoka 29:2

Viyo ndalongosole nyumba yaku Chiuta mo ndinguziŵiya, golide ku vinthu vyagolide, siliva ku vinthu vya siliva, mkuŵa ku vinthu vya mkuŵa, visulo ku vinthu vya visulo, ndi mathabwa ku vinthu vya mathabwa, pamoza ndi mya yakuzirwa, ndi so mya yakuzenge, ndi myayakung'anima, mya yakuŵa ndi mitundu yinandi, ndi mya yakuzirwa ya mitundu yose, ndi mya yasangalawe.

1 Mikoka 29:4

vikwi vitatu (3,000) vya matalente gha golide laku Ofiri, ndi vikwi vinkhonde ndi viŵi (7,000) vya matalente gha siliva lakwengeka umampha, lakumatiya viliŵa vya nyumba,

Luka 7:5

pakuti watanja mtundu widu, ndi wangutizenge sinagoge yo.”