1 Mikoka 29:12 - Tonga Bible 1986

¹² Usambasi ndi ulemu vituliya kwinu ndipo imwe muteruzga paku vyose. Mu janja linu mwe nthazi ndi mazaza; ndipo so ghemu janja linu kukuzga ndi kupereka nthazi ku vyose.

1 Mikoka 29:12 Referans Kwoze

ŴaEfeso 3:16

kwakulingana ndi usambasi wa unkhankhu wake, kukhomeskeka ndi nthazi mu Mzimu wake mu munthu wamukati:

Marangu 8:18

Mukumbuke Ambuya Chiuta winu, chifukwa ndiyo wamupaskani nthazi zakusaniriya usambasi, kuti wakhozge phanganu lenilo wangurapa kwa auskemwe, nge ndimo kulilizuŵa lino.

ŴaFilipi 4:13

Ndiziŵa kuchitiya vyose mwaku Kristu mweniyo watindikhomeska.

Danyele 6:26

Ndimika dangu kuti mu muwusu wangu wose ŵanthu ŵatenthemi ndi kopa paurongo paku Chiuta waku Danyele. Pakuti ndi Chiuta wamoyo, wajaririya muyaya; ufumu wake kuti umarenge cha ndi muwusu wake ngwambura chigoti.

2 Mikoka 20:6

Ndipo wanguti, “Ambuya, Chiuta wa ŵambuyafwe, kumbi imwe kuti ndimwe Chiuta wakuchanya cha? Kumbi kuti muwusa cha pa mafuku ghose gha ŵamitundu? Mu janja linu mwe nthazi ndi uchinkhara, mwakuti palive yumoza yo wangaziŵa kumikana namwe?

ŴaKolose 1:11

Mukhomeskeke mu nthazi yose, kwakulingana ndi nthazi yake ya unkhankhu, ku unkhunthiya wose ndi chilekerezga pamoza ndi chimwemwe;

ŴaEfeso 3:20

Sono kwaku mweniyo ngwanthazi kwachichita ukongwa limu kwakuruska vyose vyenivyo tipempha chingana nkhupima, kwakuyana ndi nthazi yo yakutataliya mwidu,

Yesaya 40:29

Wapaska nthazi ku wakugongowa ndipo kwaku yo walivi likongono wakuzgiyako nthazi.

2 Mikoka 1:12

Zeru ndi mziŵiru vyapaskika kwaku iwe. Ndikupaskenge so uromba, vyuma, ndi kutumbikika, vyo palivi yumoza wa ŵakaronga wo ŵanguŵako paurongo pako wanguŵa navyo, ndipo so pakaŵangavi yumoza waku wo ŵakazanga pavuli pako yo wakaŵanga navyo.”

Chivumbuzi 11:17

“Tikuwongani, Ambuya Chiuta, Mwaŵanthazizose, mwaŵakuŵapo ndi Mwenga; pakuti mwajitole nthazi yinu yikuru, ndipo mwausa.

Yesaya 43:13

“Ndine Chiuta, ndipo so kwamba sono ndine Iyo; palivi chingana njumoza mweniyo wangaziŵa kutaska ku janja langu; nditata ndipo njani wangakanizga ichi?”

Wakutaula 5:19

Munthu yose yo Chiuta wamupaska usambasi ndi vyuma ndi mazaza ghakukondwe navyo, kuronde phande lake ndi kusekere mu nchitu yake; ichi nchawezi chaku Chiuta.

Nthanthi 10:22

Chitumbiku cha Ambuya chisakatiska, ndipo kuti asazgiyako chitima cha kwaku cho.

Jobu 9:19

Asani tingakamba ndi za nthazi, iyo ndiyo wanthazi! Asani tinganena ndi za cheruzgu; ndiyani yo wangamudana?

Mateyu 28:18

Ndipo Yesu wanguza, wangurongoro nawo, wakuti, “Wapaskika kwaku ine mtufu wose kuchanya ndi panupasi.

Yesaya 46:10

kutaula vya umari kwamba ku vyaru mtendeko kutuliya ku vyanyengo zamwaka mpaka ku vinthu vyo vindachitike, kunena kuti, ‘Fundu yangu vikamanga, ndipo ndikafiskanga vyose vyo ndakhumba kufiska.’

Yesaya 45:24

“Mu Ambuya pe, ŵakakambanga gha paku ine, mburunji ndi nthazi; kwaku iyo wakazanga ndi kulengeskeka, wose ŵeniwo ŵangumuyukiya.

Nthanthi 8:18

Vyuma ndi ulemu vyendi ine, ulemelelo wakukiyakiya ndi kusakata.

Yohane 19:11

Yesu wangumwamuka, “Kuti ungaziŵa kuŵa ndi mtufu kose paku ine cha, kwambura kuti wapaskika kwako kutuwa kuchanya: chifukwa chenichi wakundikombole kwaku iwe we nawo ulakwi ukuru kwakuruska.”

Sumu 62:11

Kwakuruska kamoza ndavwa Chiuta watiti: nthazi ze kwaku Chiuta;

Sumu 29:11

Ambuya paskani nthazi ku ŵanthu ŵinu! Ambuya tumbikani ŵanthu ŵinu ndi chimangu!

Sumu 29:1

Paskani ku Ambuya mwa ŵakuchanya mwe, paskani ku Ambuya unkhankhu ndi nthazi.

Sumu 28:8

Ambuya ndi nthazi ya ŵanthu ŵawo nchakudingang'amo cha utaksi ku wakupakika wawo.

Jobu 42:10

Ndipo Ambuya angumuwezge Jobu mwaŵi wake penipo wangurombe mabwezi ghake, Ambuya angumpaska vinandi kuwerezga kaŵi kuruska vyo wanguŵa navyo pakudanga.

2 Mikoka 16:9

Pakuti maso gha Ambuya ghalereska uku ndi uku mu charu chose chapasi, ku jirongo nthazi kovya wo mitima yawo njakufikapo pa maso pake. Mwaku ichi wachita ubereŵeza; kwamba sono uŵenge ndi zinkhondo.”

Yoswa 4:24

mwakuti ŵanthu ŵa mitundu yose mu charu chapasi ŵaziŵe kuti janja la Ambuya ndanthazi; ndikuti imwe mopenge Ambuya Chiuta winu muyaya.”

1 Mikoka 29:13

Ndipo sono Chiuta widu timuwongane ndi kukankhuska zina linu lakutumbikika.

2 Mikoka 32:29

Wanguzenga so mizi ndi miskambu ya vyakuŵeta, chifukwa Chiuta wangumpaska vyuma vinandi.

Danyele 2:20

Danyele wanguti: “Lithamikike zina laku Chiuta muyaya ndi muyaya, chifukwa zeru ndi nthazi vyake.

Sumu 62:12

ndi kuti kwaku imwe, Ambuya, kwe chanju chikuru. Chifukwa imwe musuzula munthu kwakulingana ndi nchitu zake.

Sumu 103:19

Ambuya ajarika chitengo chawo kuchanya, ndi karonga waku wose.