1 Mikoka 28:8 - Tonga Bible 1986

⁸ Viyo sono paurongo paku Yisraele yose khamu la Ambuya, ndi mu makutu ghaku Chiuta widu, sungani ndi penjani marangu ghose gha Ambuya Chiuta winu mwakuti charu ichi chamampha chiŵi chinu, chiŵenge chihara cha ŵana ŵinu muyaya pavuli pinu.

1 Mikoka 28:8 Referans Kwoze

Marangu 4:1

“Avwani sono, imwe ŵaYisraele, vyakulayizga ndi vyeruzgu vyo ndikusambizgani kuti muvichite, mwakuti muŵe ŵamoyo, mukasere ndikuronda charu kuŵa chinu cho Ambuya Chiuta wa auskemwe ŵamupaskani.

Yesaya 34:16

Penjani ndipo ŵerengani mu buku la Ambuya: Palivi nanga nchimoza chikaŵanga chambura muwoli wake. Pakuti mlomo wa Ambuya walangula, ndipo Mzimu wake waviwunjika.

Nthanthi 13:22

Munthu wamampha wasiya chihara ku ŵazuku ŵake, kweni uromba wa muheni uwunjikikiya murunji.

Ezra 9:12

Chifukwa ichi rekani kuzomerezga ŵana ŵinu ŵanthukazi kutorana ndi ŵana ŵawo ŵanthurumi, chingana nkhuzomerezga ŵana ŵinu ŵanthurumi kuto ŵana ŵawo ŵanthukazi; mureke kupenja chimangu chingana mbusambasi wawo. Viyo muŵenge ŵanthazi, murghenge vyamampha vya charu ndi kuchisiyiya ŵana ŵinu, chiŵenge chihara chawo muyaya.

Marangu 5:32

Viyo muŵe ŵakuphwere kuchita nge ndimo Ambuya Chiuta winu wakulanguliyani, mungang'anamukiyanga ku marghe pamwenga ku maze cha.

Machitidu gha Ŵakutumika 17:11

Ndipo yaŵa ŵenga ŵaulemu kwakuruska ŵamu Tesalonika, wose ŵangugharonde mazu ndi pamphu lose, ndipo ŵangupenjapenjamo mu malembo zuŵa ndi zuŵa, asani vyenivivyenga vyaviyo.

Machitidu gha Ŵakutumika 10:33

Sosonukweni viyo ndingutuma kwako; ndipo wachita umampha kutifika. Viyo sono tose tiripo paurongo paku Chiuta kuvwa vyose vyo walangulikiya ndi Chiuta.”

Nthanthi 3:1

Wa mwana wangu, ungaruwanga cha kusambizga kwangu, kweni mtima wako usungenge marangu ghangu;

Sumu 119:44

Ndikasunganga dangu linu nyengo yose, muyaya ndi muyaya!

Sumu 119:4

Imwe mwatipaska marangu ghinu kuti tighavwiye ndi chivwanu.

Marangu 29:15

Kweni ndi yo so kuti walipo pano pamoza nafwe cha msana wale, ndi yo watuma pamoza nafwe pano paurongo pa Ambuya Chiuta winu msana wale.

Marangu 29:10

“Mose mutuma paurongo pa Ambuya Chiuta winu msana wale, mitu ya makhamu ghinu, ŵara ŵinu, ndi ŵamazaza ŵinu ndi ŵaYisraele wose,

Marangu 4:26

zuŵa lino ndidana kuchanya ndi charu chapasi kuŵa ŵakaboni paku imwe kuti mwamuparghang'ika sosonukweni mu charu cho mutambukiyamo Yordane kwachironda kuŵa chinu, kuti mwamujamo nyengo yitali cha, kweni mwamupasuka.

Marangu 4:6

Mughasunge ndi kughachita, pakuti ivi ndi zeru zinu ndikuziŵiska kwinu panthazi pa mitundu. Po Yivwenge visambizgo vyose ivi, yamukuti, ‘Nadi ŵanthu ŵa mtundu ukuru uwu mbazeru ndi ŵakuwamo.’

Sumu 119:27

Ndiziŵiskeni nthowa ya malangulu ghinu, ndipo ndirungurukenge ndi nchitu zinu zakuziziswa.

1 Mikoka 28:7

Nkhakhozganga ufumu wake muyaya asani wakarutiriyanga kusunga marangu ghangu ndi vyeruzgu uli ndimo wachitiya le.’

1 Mikoka 28:9

“Ndipo iwe Solomoni mwana wangu umuziŵe Chiuta wa ausu, umutatariye ndi mtima wakufikapo, ndi umoyo wakuzomera; chifukwa Chiuta wapenjapenja mitima yose, ndipo waziŵa lunguluku le lose. Asani utumpenja umusaniyenge; kweni asani utumureka wakutayenge muyaya.

Chituwa 23:13

Phwereni vyose vyo ndakamba namwe; ndipo mungazumbuwanga mazina gha ŵachiuta ŵanyake cha, chingana nkhughazomerezga kuvwika mu mlomo winu cha.

Marangu 5:33

Mwendenge mu nthowa zose zenizo Ambuya Chiuta winu wamulanguliyani, kuti muŵe ndi umoyo, ndi kuti kuŵenge kwamampha kwaku imwe, ndi kuti muje nyengo yitali mu charu cho mwamuronda.

Marangu 27:1

Sono Mosese ndi ŵara ŵa ŵaYisraele ŵangulanguliya ŵanthu kuti, “Sungani marangu ghose gho nditukulanguliyani msana wale.

Yoswa 24:20

Asani musiyenge Ambuya ndi kutataliya ŵachiuta ŵachilendo, po ndipo wakang'anamukanga ndi ku muchitiyani urwani, kukumarani, pavuli pakukuchitiyani umampha.”