1 Mikoka 28:7 - Tonga Bible 1986

⁷ Nkhakhozganga ufumu wake muyaya asani wakarutiriyanga kusunga marangu ghangu ndi vyeruzgu uli ndimo wachitiya le.’

1 Mikoka 28:7 Referans Kwoze

1 Mikoka 22:13

Ndipo viyo ukasakatanga asani uphwerenge kusunga vilayizgu ndi vyeruzgu vyenivyo Ambuya angupangizga Mosese vyaku Yisraele. Uŵe wanthazi ndi wachiganga chamampha. Reka kopa, chingana nkhudezuka nthazi.

1 ŴaKaronga 8:61

Muchite mitima yinu kuŵa yakuneneska kwakufikapo pa Ambuya Chiuta widu, kwenda mu marangu ghake ndi kusunga malangulu ghake, nge ndi zuŵa lino.”

Danyele 2:44

Ndipo mu mazuŵa gha ŵakaronga wo, Chiuta wa kuchanya wakamikanga ufumu wo kuti ubwangandulikenge cha, nanga nkhuti mazaza ghake ghapere ku fuku linyake cha. Ubwanganduwenge maufumu ghose yagha kughamara; ndipo ukaŵangako muyaya;

Sumu 132:12

Asani ŵana ŵako ŵasungenge phanganu langu, ndi malangulu gho ndiŵasambizgenge, ŵana ŵawo, nawo, ŵakajanga pa chitengo chako muyaya.”

1 Mikoka 28:10

Chenje sono chifukwa Ambuya akusankha kuŵazenge nyumba ya malo ghakupaturika, ukhome kuyichita.”

1 ŴaKaronga 11:4

Chifukwa penipo Solomoni wangukota ŵawoli ŵake ŵangupuruskiya mtima wake kukurondo ŵachiuta ŵamwenga; ndipo mtima wake kuti wenga wakuneneska kwakufikapo cha ku Ambuya Chiuta wake, nge ndi mo wenge mtima waku Davidi awiske.

1 Mikoka 28:8

Viyo sono paurongo paku Yisraele yose khamu la Ambuya, ndi mu makutu ghaku Chiuta widu, sungani ndi penjani marangu ghose gha Ambuya Chiuta winu mwakuti charu ichi chamampha chiŵi chinu, chiŵenge chihara cha ŵana ŵinu muyaya pavuli pinu.

1 ŴaKaronga 3:14

Ndipo asani ukendanga mu nthowa zanga, kusunga marangu ghangu ndi malangulu ghangu, nge ndimo wangwende Davidi ausu po ndipo ndikuskiyengeko mazuŵa ghako.”