1 Mikoka 28:5 - Tonga Bible 1986

⁵ ndipo mu ŵana ŵangu wose (chifukwa Ambuya andipaska ŵana ŵanandi) asankha Solomoni mwana wangu kuja pa chitengo cha ufumu wa Ambuya paku Yisraele yose.

1 Mikoka 28:5 Referans Kwoze

1 Mikoka 23:1

Penipo mazuŵa ghaku Davidi ghanguŵa ghanandi ndi wangukota, wangumika Solomoni mwana wake kuŵa karonga waku Yisraele.

1 Mikoka 29:23

Viyo Solomoni wanguja pa chitengo cha Ambuya nge ndi karonga mu malo ghaku Davidi awiske. Ndipo wangutumbikika ndipo ŵaYisraele wose ŵangumuvwiya.

1 Mikoka 29:1

Ndipo Davidi karonga wanguti ku wumba wose, “Solomoni mwana wangu, mweniyo yija Chiuta wasankha, ndi mwanamana, ndi wambura kuwamo, ndipo nchitu njikuru; chifukwa nyumba iyi kuti yikaŵanga ya munthu cha, kweni ya Ambuya Chiuta.

1 Mikoka 17:14

kweni ndikamukhozganga mu nyumba yangu ndi mu ufumu wangu muyaya, ndipo chitengo chake chikakhozgekanga muyaya.’ ”

1 ŴaKaronga 2:15

Wanguti, “Uziŵa kuti ufumu wenga wangu ndi kuti ŵaYisraele wose ŵangugomekezga ine kwakufikapo kuti ndikawusanga; ndipuuli ufumu wang'anamukiya kunyake, ndipo waŵa wa mwana munyangu, chifukwa wenga wake wakutuliya ku Ambuya.

1 ŴaKaronga 8:20

Sono Ambuya afiska phanganu lawo lo anguchita, chifukwa ine ndayuka mu malo ghaku Davidi ada, ndipo ndija pa chitengo chaku Yisraele, ulaka ndimo Ambuya angupangirana, ndipo ndalizenge nyumba zina la Ambuya, Chiuta waku Yisraele.

2 Mikoka 9:8

Atumbikike Ambuya Chiuta mweniyo wakondwa namwe, ndi wamujarikani pa chitengo cha ufumu wake kuŵa karonga mu malo gha Ambuya Chiuta winu! Chifukwa Chiuta winu watanja ŵaYisraele kuŵakhozga muyaya, chifukwa ichi ŵamumikani kuŵa karonga wawo, mwakuti mweruzgi ndi urunji.”

Marangu 17:15

Mujiŵikiye karonga mweniyo Ambuya Chiuta winu wakasankhanga, mukamikanga yumoza wakutuwa mu ŵabali ŵinu kuŵa karonga. Mungamikanga mlendo cha paku imwe mweniyo kuti ndi wa fuku linu cha.

1 ŴaKaronga 1:13

Ukasere kwambura kuswera ku karonga Davidi, ukamunene kuti, ‘Kumbi kuti ndimwe cha, mbuyangu karonga, mungurapa ku muŵanda munthukazi winu, munguti, Solomoni mwana wangu wawusenge pavuli pangu, ndipo wakajanga pa chitengo changu? Na chifukwa nchine cho Adoniya waŵiya karonga?’

1 ŴaKaronga 1:20

Ndipo sono, mbuyangu karonga, maso gha ŵaYisraele wose ghalereska pinu, kuti maŵanene njani yo wakajanga pa chitengo cha mbuya­ngukaronga pavuli pake.

1 ŴaKaronga 1:30

nge ndimo ndingurapiya kwako pa Ambuya, Chiuta waku Yisraele kuti, ‘Solomoni mwana wako wakawusanga pavuli pangu, ndipo wakajanga pa chitengo changu mu malo ghangu’; sono naku ndimu ndichitiyenge.”

1 ŴaKaronga 1:35

Pavuli pake mukazanga kuvuli kwake, ndipo wazamja pachitengo changu; chifukwa watakuŵanga karonga mu malo ghangu: ndipo ine ndamusankha kuŵa mweruzgi waku Yisraele ndi Yuda.”

1 Mikoka 29:28

Ndipo wangufwa pa unkhongwe wakufikapo, wa mazuŵa ghanandi, msambasi ndi wakutumbikika. Solomoni mwana wake wanguwusa mu malo ghake.