1 Mikoka 28:21 - Tonga Bible 1986

²¹ Ndipo awona vigaŵa vya ŵazukuru ndi ŵaLevi vyakuwuteŵete wose wa nyumba yaku Chiuta. Ndipo pamoza nawe mu nchitu yose mukaŵanga munthu yose waphamphu yo ndi fundi mu mlimu we wose, ndipo so zinduna ndi ŵanthu wose ŵakawanga pasi pa malamulu ghako.”

1 Mikoka 28:21 Referans Kwoze

Tito 3:1

Ŵakumbuske kujithereske ku ŵara, ku mitufu, kuvwiya ŵeruzgi, kuŵa ŵakufongosoleke nchitu yose yamampha,

ŴaRoma 13:1

Mzimu wose uthere ku mitufu yira: chifukwa kulive mtufu kwambura kuti we pasi paku Chiuta: ndipo mitufu yo yiripo, yatemeka ndi Chiuta.

Sumu 110:3

Wanthu ŵako ŵakajiperekanga ndi mtima mu zuŵa lo urwani ndi ŵakupindikana ŵako. Nge ndi dungwi la kumatandakucha, ŵanyamata ŵako ŵakakuziyanga pa mitunthu yakupaturika.

1 Mikoka 28:13

ndi vigaŵa vya ŵazukuru ndi ŵaLevi, ndi nchitu yose ya uteŵeti mu nyumba ya Ambuya.

Chituwa 35:25

Ndipo ŵanthukazi wose wo ŵenga ŵakuziŵa, ŵanguwomba ndi manja ghawo, ndi ŵanguza ndi vyo ŵanguwomba vya bulu ndi vyakufyuŵara, ndi viyera, ndi saru yakuwolofoka yakutowa;

Chituwa 31:3

ndipo ndamuzaza ndi Mzimu waku Chiuta, ndi mziŵiru ndi chinjeru, ndi kuziŵa ndi umisiri,

Chituwa 36:1

“Bezalele ndi Oholiaba ndi we yose yo Ambuya amupaska chinjeru ndi kuwamo kuziŵa nchitu ye Yose ya kuzenga nyumba yakupaturika wakatatanga kwakulingana ndi vyose vyo Ambuya alangula.”

Chituwa 36:2

Ndipo Mosese wangudana Bezalele ndi Oholiba ndi munthurumi we yose wakwenere ndipo Ambuya angumupaska chinjeru, we yose yo wangukhumba kuza kwachichita nchitu yo:

1 Mikoka 25:25

ya chumi pachanya zinkhonde ndi zitatu kwaku Hanani, ŵana ŵake, ndi ŵabali ŵake, chumi pachanya ŵaŵi;

1 Mikoka 26:26

Uyo Shelmoti ndi ŵabali ŵake ŵenga ŵakusunga vyuma vyakupaturika vyose vyo karonga Davidi ndi ŵara ŵanyumba za auskeu ndi ŵarongozgi ŵa vikwi, ndi machumi pe chumi, ndi ŵakulamula ŵa nkhondo ŵanguvipatuwa.