1 Mikoka 28:2 - Tonga Bible 1986

² Ndipo karonga Davidi wanguma ndi wanguti, “Ndivweni mwa ŵabali ŵangu, ndi mwa ŵanthu ŵangu. Ndenga nacho kali mu mtima wangu kuzenge bokosi la phanganu la Ambuya nyumba yakujamo ndi chitengo cha malundi ghaku Chiuta widu ndipo ndarongosonga vyakuzenge nyumba,

1 Mikoka 28:2 Referans Kwoze

Yesaya 66:1

Viyo atiti Ambuya: “Kuchanya nchitengo changu charu chapasi ndi mpando wa marwayo ghangu; ndi nyumba uli yo mungandizenge ine, ndipo ndi malo uli gha chipumulu changu?

Sumu 99:5

Tumbikani Ambuya Chiuta widu; sopani paurongo pa chitengo chake! Wakupatruika ndiyo!

Chitenje 2:1

Ambuya mu ukari wawo ŵapong'a ŵanthu ŵaku Zioni mu mdima! Apong'a, kutuwa kuchanyakuza pa charu chapasi, kunozga kwaku Yisraele; akumbuka cha chitengo cha phazi lawo mu zuŵa la ukari wawo.

Machitidu gha Ŵakutumika 7:49

‘Kuchanya nchitengu changu chaufumu, ndipo charu nchitambaliru cha marundi ghangu. Mwamzenge ine nyumba yakutinji? atiti Ambuya, pamwenga ngane malo gha chipumulu changu?

Sumu 132:14

“Apa ndipo ndikajanga muyaya; apa ndipo ndikajanga chifukwa ndakhumbapo.

Sumu 22:22

Ndikonkhomenge vya zina linu ku ŵabali ŵangu; mukati mu ungano ndikurumbeninge:

1 Mikoka 22:14

Mu visungu vikuru ndarongosole nyumba ya Ambuya usambasi wa golide vikwi machumi chumi (100,000) usambasi wa siliva vikwi machumi pe chumi (1,000,000) ndi mkuŵa ndi visulo vyambura kupimika uzitu wake, chifukwa vinandi ukongwa; mathabwa ndi mya navyo ndanozga. Usazgiyeko kwaku yivi.

1 Mikoka 6:31

Yaŵa mbanthu wo Davidi wangumika nge mbarongozgi ŵa nchitu yakumba sumu mu nyumba ya Ambuya, po linguti laja muwa, bokosi la phanganu la Ambuya.

1 ŴaKaronga 1:47

Ndipo so ŵaŵanda ŵa karonga ŵanguza kuzachirumba mbuyafwe karonga Davidi, kuti, ‘Chiuta wako wachite zina laku Solomoni kuŵa lambiri yakuruska yinu, ndipo wakuzge chitengo chake chiruske chitengo chinu.’ Ndipo karonga wangukotama mutu wake pa chita.

Marangu 17:20

Viyo mtima wake ureke kujikwezga pachanya pa ŵabali ŵake, ndi kuti wareke kusere pa dondo kupatukako ku dangu, manyi nkhu janja la marghe pamwenga ku la maze, alinga kuti wagonere ukongwa mu ufumu wake, iyo ndi ŵana ŵake, mu Yisraele.

Marangu 17:15

Mujiŵikiye karonga mweniyo Ambuya Chiuta winu wakasankhanga, mukamikanga yumoza wakutuwa mu ŵabali ŵinu kuŵa karonga. Mungamikanga mlendo cha paku imwe mweniyo kuti ndi wa fuku linu cha.

Chiyambo 48:2

Ndipo ŵangumunene Yakobe, “Mwana wako Yosefe waza kwako”; sono Yisraele wangujikhomeska ndi wanguja songa pa chita.

1 ŴaKaronga 5:3

“Uziŵa kuti Davidi ada ŵangutondeka kuzenge nyumba zina la Ambuya Chiuta wawo chifukwa cha zinkhondo zo ŵakupindikana ŵawo ŵanguŵazinga nazo, mpaka penipo Ambuya anguŵapwatiya pasi pa marwayo ghawo.

1 Mikoka 17:4

“Ruta kamunene mteŵeti wangu Davidi kuti, ‘Ambuya atiti: Ungazengiyanga ine nyumba yakujamo cha.

2 Mikoka 6:7

Ndipo chenga mu mtima waku Davidi ada kuzenge nyumba zina la Ambuya, Chiuta waku Yisraele.

Yesaya 60:13

Unkhankhu wa Lebanoni ukazanga kwaku imwe muti wa mlombwa, mbaŵa, ndi milanji, kunozeska malo ghangu ghakupaturika; ndikachitanga malo gha marundi ghangu kuŵa gha unkhankhu.

1 Mikoka 22:6

Wangudana mwana wake Solomoni, ndi wangumunene kuŵazenge nyumba Ambuya Chiuta waku Yisraele.

1 Mikoka 22:7

Davidi wanguti kwaku Solomoni, “Mwana wangu, chenga mu mtima wangu kuzenge nyumba zina la Ambuya, Chiuta wangu.

Sumu 110:1

Ambuya angunene ambuyangu, “Uje ku janja langu la kurghiya, mpaka po ndaŵika ŵamawongo ŵako kusi ku marwayo ghako.”

Sumu 132:2

Kumbukani, Ambuya, cho wangupangana, rapu lo wangurapiya ku wanthazi zose waku Yakobe,

Ezekiele 43:7

wakuti, “Mwana wa munthu, yagha ndigho malo gha chitengo changu ndi gha chitambaliro cha marundi ghangu, mwenimo nkhajanga mukati mu ŵaYisraele muyaya. Ndipo ŵaYisraele kuti ŵakafipiskanga so zina langu lituŵa cha, iwo, nanga ndi mafumu ghawo, chifukwa cha maubendezi ghawo, ndipo ndi viŵanda vya ŵakaronga ŵawo,

Mateyu 25:16

Sono yo wanguronde matalente ghankhonde wanguruta ndi wangutataliya nagho, ndipo wangwanduwa matalente ghanyake so ghankhonde.