1 Mikoka 25:1 - Tonga Bible 1986

¹ Davidi ndi nduna za mlimu ŵangupatuliya so ku mlimu ŵana ŵanyake ŵaku Asafi, ndi ŵaku Henani, ndi waku Yedutuni, kuti ŵachimenge mukumba ŵabangwe, ŵazeze, ndi ŵafyolilo. Mundondomeko waku wo ŵanguchita nchitu ndi milimu yawo ndi uwu:

1 Mikoka 25:1 Referans Kwoze

1 Mikoka 6:33

Wo ŵateŵetanga ndi yaŵa ndi ŵana ŵawo. Ŵa ŵina Kohati: Hemani wakumba mwana waku Yoele, mwana waku Samuele,

2 ŴaKaronga 3:15

Kweni sono munditole ŵakukoŵera.” Ndipo penipo ŵakukoŵera ŵambanga nthazi ya Ambuya yinguza paku iyo.

1 Samuele 10:5

Pavuli pake mwa mufika ku Gibea-telohimi ko kwe linga la ŵaFilisti, ndipo kwenikuwa, muchiza ku msumba, mwamukumana ndi mpingu wa ŵamchimi ŵachisika kutuwa ku malo gha pachanya, ŵakuŵa ndi bangwi, ng'oma, khweru ndi kaligu paurongo pawo, uku ŵachima.

1 Mikoka 6:39

ndi mbali wake Asafi, yo wamanga ku janja lake lamarghe, uyu ndi Asafi mwana waku Berekiya, mwana waku Shimaya,

Nehemiya 12:27

Pa nyengo yakupaturiya linga la Yerusalemu ŵangupenja ŵaLevi mu malo ghawo ghose, kuŵatole ku Yerusalemu kuzachichita kapaturidu ka linea ndi likondwa ndi viwongu ndi kumba, ndi malipenga gha mkuŵa, ŵazeze ndi ŵakaligu.

2 Mikoka 34:12

Ndipo ŵanthu ŵanguchita ndichigomezgu. Ŵakurereska nchitu ŵenga Yahati ndi Obadiya ŵaLevi ŵa ŵaMerari: ndi Zekariya ndi Meshulamu ŵa ŵaKohati, ndiwo ŵenga ŵakuchiska. ŴaLevi, wose ŵazeru pa vyakumbiya sumu,

2 Mikoka 23:13

ndipo wanguti walereska, ehe, karonga wama pa nchingamira yake pakuserere, ndi zinduna ndi ŵa mbata pamoza ndi karonga ndi ŵanthu wose ŵamu charu, ŵakukondwa, ŵakumba mbata, ŵakumba, ndi vyakumbiya sumu vyawo, ŵakukuzga sekilesku. Ndipo Ataliya wanguparuwa vyakuvwara vyake, wanguti, “Chiŵembu, chiŵembu!”

1 Mikoka 25:3

ŴaYedutuni, ŵana ŵaku Yedutuni: Gedaliya, Zeri, Yeshaya, Shemei, Hashabiya, ndi Matitiya, ŵankhonde ndi yumoza, ŵakurongozgeka ndi auskeu Yedutuni, wo ŵanguchima mukumba ŵabangwe kuwonga ndi kuthamika Ambuya.

Sumu 81:2

Samphuskani nkhoŵera, mbani zing'oma; mbani sumu zakunozga pa bangwe ndikaligu.

Nehemiya 12:24

ndi ŵaraŵara ŵa ŵaLevi: Hashabia, Sherebia, ndi Yeshua mwana waku Kadmiele, pamoza ndi ŵabali ŵawo ŵakuŵa ndimtufu paku wo, kutumbika ndi kupaska, kuwonga, kwakuyana ndi langulu laku Davidi munthu waku Chiuta kulondana yaŵa pa ŵanyawo.

2 Mikoka 31:2

Ndipo Hezekiya wanguŵika vigaŵa vya ŵazukuru ndi ŵaLevi vigaŵa ndi vigaŵa, we yose kwakuyana ndi mlimu wake, ŵazukuru ndi ŵaLevi ku mlimu wasembe zakocha, ndi mpasku wa chimangu, kuteŵete mu malikomo gha malo gha Ambuya, kuwonga ndi kuthamika.

2 Mikoka 23:9

Ndipo Yehoyada mzukuru wangupereka mikondo ku ŵarongozgi ŵa machumi pe chumi, mikondo, ndi nguru ndi maraya gha chisulo vyo vyenga vya karonga Davidi vyajanga mu nyumba yaku Chiuta.

2 Mikoka 23:1

Ndipo kunguŵa mu chirimika cha chinkhonde ndi chiŵi Yehoyada wangujikondweska, wanguto ŵarongozgi ŵa machumi pe chumi, Azariya mwana waku Yerohamu, ndi Ishumaeli mwana waku Yehohanani ndi Azariya mwana waku Obadi, ndi Maseya mwana waku Adaya, ndi Elishafati mwana waku Zikri, kuti ŵapangani nayo.

1 Mikoka 23:2

Davidi wanguwunganiska ŵarongozgi wose ŵaku, Yisraele, ndi ŵazukuru ndi ŵaLevi.

1 Mikoka 12:28

Zadoki munyamata wachiganga ndi ŵachirongozgi machumi ghaŵi ndi ŵaŵi (22) ŵa nyumba ya awiske.

1 Mikoka 6:44

Kuchiri ku maze kwamanga ŵabali ŵake ŵana ŵaku Merari: Etani mwana waku Kishi, mwana waku Abidi; mwana waku Maluka,

1 Mikoka 9:33

Ŵakumba ndi yaŵa, mitu ya nyumba za auskeu ŵa ŵaLevi, ŵajanga mu vipinda vya kasopi, ŵangufwatulika ku nchitu zinyake pakuti ŵatewetanga msana ndi usiku.

1 Mikoka 25:2

ku ŵana ŵaku Asafi: Zakuni, Yosefe, Netaniya, ndi Asharela, ŵana ŵaku Asafi, pasi pa urongozgi waku Asafi, wo ŵanguchima kwakuyana ndi urongozgi wa karonga.

2 Mikoka 5:12

ndipo wose ŵaLevi ŵakumba, Asafi, Hemani, ndi Yedutuni ŵana ŵawo ŵanthurumi ndi ŵana ŵanyawo ŵanguvwara saru za bafuta, ŵenga ndi ŵabangwe, ndi ŵazeze ndi ŵafyoliro, ŵanguma ku vuma kwa jochero pamoza ndi ŵazukuru machumi pe chumi pachanya machumi ghaŵi ŵakumba mbata.

2 Mikoka 8:14

Kwakuyana ndi langulu laku Davidi awiske wanguŵika vigaŵa vya ŵazukuru ku milimu yawo ndi vigaŵa vya ŵaLevi ku nchitu yawo ya mathamiko ndi ya uliska pa maso pa ŵazukuru nge ndimo mlimu wa zuŵa weneriyanga; ŵalinda malikomo nawo mu vigaŵa vya wo pa malikomo ghose; chifukwa viyo ndimo karonga Davidi munthu waku Chiuta wangulanguliya.

2 Mikoka 23:18

Ndipo Yehoyada wanguŵika ŵalinda ŵa nyumba yaku Chiuta pasi pa ŵaLevi wo Davidi wanguŵapatu riya ku uteŵeti wa nyumba yaku Chiuta kupereka sembe zakocha kwaku Chiuta nge ndimo kukulembeke mu marangu ghaku Mosese, ndi Kusekere ndi kumba nge mo kungumikikiya ndi Davidi.

2 Mikoka 35:15

Ndipo ŵakumba ŵana ŵaku Asafi ŵenga mu malo ghawo kwakulingana ndi dangu laku Davidi, ndi Asafi, ndi Hemani, ndi Yedutuni muwona wa karonga, ŵalinda ŵa malikomo ghose ŵengavi kutuwapo pa nchitu yawo chifukwa ŵanyawo ŵaLevi ŵanguŵarongosore.

Ezekiele 40:44

Wanguza nane kutuwa kubwalo kundiserezga mu luluwa la mukati, awonani, mu luluwa la mukati, mwenga vipinda viŵi, chimoza chenga ku likomo laku nkhonde chalereskanga ku malaŵi, chinyake chenga ku likomo laku malaŵi chalereskanga ku nkhonde.

1 ŴaKaronga 10:12

Ndipo karonga wanguchita mizati ya nyumba ya Ambuya ndi nyumba ya karonga ndi miti ya muŵaŵa, ŵakaligu ndi ŵabangwi vya ŵakumba; palivi so miti yinyake ya muŵaŵa yo yikuza chingana nkhuwoneka, mpaka ku zuŵa lino.

1 Mikoka 6:16

Ŵana ŵaku Levi: Gershomu, Kohati, ndi Merari.

1 Mikoka 13:8

Davidi ndi ŵaYisraele wose ŵakondwanga paurongo paku Chiuta ndi nthazi zawo zose ndi kumba ndi zing'oma, ndi ŵazeze, ndi bangwe ndi mbata.

1 Mikoka 15:28

Viyo ŵaYisraele wose ŵanguto bokosi la phanganu la Ambuya ndi kukambura ndi kumba kwa mbata ndi malipenga, ndi vimbumbuli ndi ŵangumba ukongwa ndi ŵazeze ndi ŵabangwe.

1 Mikoka 25:9

Mphenduzga yakudanga yinguwiya mwaku Asafi, kwaku Yosefe; ya chiŵi kwaku Gedaliya, kwaku iyo ndi ŵabali ŵake, ndi ŵana ŵake, chumi pachanya ŵaŵi;

2 Mikoka 29:13

ndi ku ŵana ŵaku Elizafani, Shimri, ndi Yeuyeli, ndi ku ŵana ŵaku Asafi, Zekariya ndi Mataniya;

2 Mikoka 29:14

ndi ku ŵana ŵaku Hemani, Yehuyele ndi Shimei; ndi ku ŵana ŵaku Yedutuni, Shemayia ndi Uzieli.

Ezra 2:41

Ŵakumba: ŵaAsafi, machumi pe chumi pachanya machumi ghaŵi ndi ŵankhonde ndi ŵatatu (128).

Ezra 6:18

Ndipo ŵangumika ŵazukuru mu vigaŵa vyawo ndi ŵaLevi mu malo ghawo kuteŵete Chiuta mu Yerusalemu nge ndimo kungulembeke mu buku laku Mosese.

Nehemiya 11:17

ndi Mataniya mwana waku Mika, mwana waku Zabudi, mwana waku Asafi, mweniyo wenga murongozgi wakudanjiya kuwonga mu kuromba, ndi Bakabukiya, wachiŵa mu ŵabali ŵake; ndi Abuda mwana waku Shamua, mwana waku Galala, mwana waku Yedutini.

Sumu 81:3

Mbani mbata pa nyengo ya dghera; pa zuŵa la mwezi ufya, ndi pa baraŵara.