1 Mikoka 23:4 - Tonga Bible 1986

⁴ Davidi wanguti, “Vikwi machumi ghaŵi ndi vinayi (24,000) ŵaku wo, Ŵakaŵanga ŵakuwona kendeskedu ka nchitu mu nyumba ya Ambuya, vikwi vinkhonde ndi chimoza (6,000) ŵakaŵanga ŵarongozgi ndi ŵeruzgi,

1 Mikoka 23:4 Referans Kwoze

2 Mikoka 19:8

Ndipo Yehosafati wangumika so mu Yerusalemu ŵaLevi ndi ŵazukuru ndi ŵara ŵa nyumba za ŵaYisraele, kweruzgiya Ambuya ndi kudumuwa milando. Ndipo ŵenga ndi vitengo vyawo mu Yerusalemu.

Marangu 16:18

“Muŵike ŵeruzgi, ndi ŵarongozgi mu misumba yinu yose yo Ambuya Chiuta winu wakupaskani, kwakuyana ndi mafuku ghinu, iwo ŵakayeruzganga ŵanthu ndi cheruzgu chakurunjika.

Machitidu gha Ŵakutumika 20:28

Viyo jiphwereni mwaŵeni ndi mskambu wose, paku weniwo Mzimu Wakupaturika wangukuŵikani ŵaliska, kwachiliska eklesiya laku Chiuta, lenilo wangujiguliya ndi ndopa zaku iyo mweneko.

Malaki 2:7

Pakuti mlomo wa mzukuru utenere kusunga zeru, ndipo ŵanthu ŵatenere kupenja zeru pakumuvwa, chifukwa iyo ndi thenga la Ambuya ŵa maŵanja.

Nehemiya 11:22

Ŵakuŵawona wa ŵaLevi mu Yerusalemu wenga Uzi mwana waku Bani, mwana waku Hashabia, mwana waku Mataniya, mwana waku Mika, wa ŵana ŵanthurumi ŵaku Asafi, wakumba wakutufuliya nyumba yaku Chiuta.

Nehemiya 11:9

Yoele mwana waku Zikri wenga wakuŵawona wawo; ndi Yuda mwana waku Hasemuya wenga wachiŵi pa mtufu wa msumba.

1 Mikoka 6:48

ŵabali ŵawo ŵaLevi ŵangutemeke ku uteŵeti wose wa chihema chakuwunganamo cha nyumba yaku Chiuta.

Ezekiele 44:24

Asani pe kususkana iwo ŵakaŵanga ŵeruzgi, ŵeruzgenge kwakulingana ndi cheruzgu changu. Ŵakasunganga marangu ghangu ndi virunguchizgu vyangu mu madghera ghangu ghose ghakutemeka, ndipo ŵasungenge ghatuŵa masabata ghangu.

2 Mikoka 23:18

Ndipo Yehoyada wanguŵika ŵalinda ŵa nyumba yaku Chiuta pasi pa ŵaLevi wo Davidi wanguŵapatu riya ku uteŵeti wa nyumba yaku Chiuta kupereka sembe zakocha kwaku Chiuta nge ndimo kukulembeke mu marangu ghaku Mosese, ndi Kusekere ndi kumba nge mo kungumikikiya ndi Davidi.

2 Mikoka 34:13

ŵenga nge mbakuwona ŵakatundu, ŵangulonda wose wo ŵachitanga nchitu yose kaya njakutinji, ŵanyake ŵa ŵaLevi ŵenga ŵalembi, ndi ŵachirongozgi ndi ŵalinda pa malikomo.