1 Mikoka 22:7 - Tonga Bible 1986

⁷ Davidi wanguti kwaku Solomoni, “Mwana wangu, chenga mu mtima wangu kuzenge nyumba zina la Ambuya, Chiuta wangu.

1 Mikoka 22:7 Referans Kwoze

Sumu 132:5

mpaka penipo ndaŵasaniriya malo Ambuya, malo ghakujamo wanthazi zose waku Yakobe.”

Marangu 12:11

Viyo malo ghenigho Ambuya Chiuta winu wamusankha ndi kurembamu zina lake, kweniko ndiko mukatoliyanga vyose vyo ndimulanguliyani, sembe zinu zakocha, ndi sembe zinu zakwachibaya, ndi vyachichumi, ndi mpasku yeniyo mwamupereka ndi marapu gho murapa ku Ambuya.

Marangu 12:5

Kweni mukapenjanga malo ghenigho Ambuya Chiuta winu wakasankhanga mukati mu mafuku ghinu kuŵikamo zina lake ndi kuŵa malo ghake ghakujamo;

Ezra 6:12

Chiuta, yo wajariska zina lake kwenikuwa, waparghang'e ŵakaronga wose ndi ŵanthu wo ŵaŵikengeko janja lawo kung'anamuliya panyake mazu yagha, pamwenga kubwanganduwa nyumba iyi yaku Chiuta yo yemu Yerusalemu. Ine Dariusi ndaŵika dangu, lichitike kwambura kutondeka.”

2 Mikoka 2:4

Awonani sono nde pafupi kuzenge zina la Ambuya Chiuta wangu nyumba ndi kuyipaturiya kwaku Iyo kochiyamo vyakununkhira, vyachema chamampha paurongo pake, ndiso hakuperekiyamo ruturuta mpasku wa chiŵande-chakulongo, ndi yakuperekiyamo sembe zakocha ndi mlenji ndiso ndi mazulo, pa masabata ndi pa kuŵalika kwa mwezi, ndi madghera ghakunozgeka gha Ambuya Chiuta widu, nge ndimo ghakumikikiya Yisraele muyaya.

1 Mikoka 29:3

Ndipo so chifukwa ndikondwa ndi nyumba yaku Chiuta wangu ndisazgiyako kwaku vyo vyose ndalongosole nyumba yakupaturika, nge ndi vyuma vya golide ndi vya siliva vyakundamweni vyo ndipereka ku nyumba yaku Chiuta wangu:

1 ŴaKaronga 9:3

Ndipo Ambuya anguti kwaku iyo, “Ndavwa rombu lako ndi kuŵeyere kwako, ko wachita paurongo pangu; ndayituŵiska nyumba yo wazenga, ndipo ndaŵika zina langu mwenimo muyaya, maso ghangu ndi mtima wangu vikaŵanga mwenimo nyengo yose.

1 ŴaKaronga 8:29

kuti maso ghinu ghaŵe ghakujurika usiku ndi msana pa nyumba iyi, malo ghenigho imwe mwaghakamba kuti, ‘Zina langu likajanga mwenimo,’ alinga mutegherezgenge ku rombu lenilo wapereka muŵanda winu pa malo agha.

Marangu 12:21

Asani malo gho Ambuya Chiuta winu wakasankhanga kuŵikamu zina lake ghe kutali ndi imwe, iku mungabaya ng'ombe yose chingana ndi mberere yose yamu mskambo winu zenizo Ambuya Chiuta winu wamupaskani, nge ndimo nditumulanguliyani; ndipo murghiyenge mu mizi yinu che chose cho munweke.

1 Mikoka 22:19

Sono khozgani mitima ndi umoyo winu kupenja Ambuya Chiuta winu. Sokani ndi muzenge nyumba ya kupaturika ya Ambuya Chiuta, mwakuti bokosi la phanganu la Ambuya ndi viyaŵi vyakupaturika vyaku Chiuta vitoleke mu nyumba yakuzengeke zina la Ambuya.”

2 Samuele 7:1

Sono karonga wanguti waja mu nyumba yake, Ambuya anguti amupumuzga ku ŵarwani ŵake wose ŵakumuzingirizga,