1 Mikoka 22:16 - Tonga Bible 1986

¹⁶ ng'ombwa za milimu ya golide, siliva, mkuŵa, ndi visulo, soka uchitenge? Ambuya aŵe nawe.”

1 Mikoka 22:16 Referans Kwoze

1 Mikoka 22:11

Sono wamwana wangu, Ambuya aŵe nawe, mwakuti ufiske kuzenga nyumba ya Ambuya Chiuta wako, nge ndimo wakambiya ndi zaku iwe.

ŴaFilipi 4:13

Ndiziŵa kuchitiya vyose mwaku Kristu mweniyo watindikhomeska.

ŴaEfeso 5:14

Viyo watiti, “Yuka iwe, wakura tulo, ndipo yukanga ku ŵakufwa, ndi wakuwaliyenge Kristu.”

1 ŴaKorinte 15:58

Viyo na, mwa ŵabali ŵangu ŵakwanjiwa, muŵe ŵakuti gwa, ŵambura manderezgeka, ŵakufurwiya nyengo zose mu nchitu ya Ambuya, pakuziŵa kuti mu Mbuya mlimu winu kuti ngwawaka cha.

Yoswa 7:10

Ndipo Ambuya angunena ndi Yoswa, “Soka, wawiyanji kavunama?

Yoswa 1:9

Asi ndakulanguliya? Uŵi wanthazi, khwima; ungopanga cha, nanga nkhufipa mtima; pakuti Ambuya Chiuta wako we pamoza nawe ko ukayanga.”

Yoswa 1:5

Paulengevi munthu mweniyo wakaziŵanga kuma paurongo pako mu umoyo wako wose; nge ndimo ndinguŵiya pamoza ndi Mosese, ndimu ndikaŵiyanga ndi iwe, kuti ndikakujowonga cha.

1 Mikoka 22:14

Mu visungu vikuru ndarongosole nyumba ya Ambuya usambasi wa golide vikwi machumi chumi (100,000) usambasi wa siliva vikwi machumi pe chumi (1,000,000) ndi mkuŵa ndi visulo vyambura kupimika uzitu wake, chifukwa vinandi ukongwa; mathabwa ndi mya navyo ndanozga. Usazgiyeko kwaku yivi.

1 Mikoka 22:3

Davidi wangunozga so chuma chinandi cha visulo vya mzumali ya visasa vya malikomo ndi yakupapikiya pamoza ndi mkuŵa uzitu wake wambura mapimika,

1 Samuele 20:13

Ndipo asani chingaŵakondweska, ada kukuchitiya uheni, Ambuya andichitiye kwakulingana ndipo asazgiyepo so, asani ndireka kukukambiya, kuti utuwepo, ndi kuti mphanyi wenda mu chimangu. Ambuya aŵenge nawe nge ndimo aŵiya ndi ada.

1 Samuele 17:37

Davidi wanguti, “Ambuya wo angunditaska mu chikufi cha nkharamu ndimu chikufi chaku chipembere, akandipozomoskanga mu janja la muFilisti uyu.” Sauli wanguti kwaku Davidi, “Ruta, Ambuya aŵe nawe!”

Ŵeruzgi 4:14

Ndipo Debora wanguti kwaku Baraki, “Kwera! Pakuti ili ndi zuŵa lo Ambuya apereka Sisera mu janjo lako. Asi Ambuya atikudanjiriyani?” Viyo Baraki wangusika ku phiri Taboro pamoza ndi ŵanthu vikwi chumi (10,000) ŵakumulondo.

Yoswa 1:2

“Mosese mteŵeti wangu wafwa; viyo sono usoke, wambuke, Yordane uyu, iwe ndi ŵanthu wose yaŵa, murutenge ku charu cho ndituŵapaska ŵaYisraele.

2 Mikoka 20:17

Kuti nkhwinu kwachipota nkhondo cha, khwimani mtima, mwamkuma ŵaka jo, kuwona chipozomosko chaku Chiuta chakwaku imwe mwa ŵaYuda ndi Yerusalemu.’ Mungopanga chingana nkhutenthema, mawa rutaninge, chifukwa Chiuta waŵenge namwe.”

1 Mikoka 22:15

Wendi ŵanchitu ŵanandi: ŵakuswa mya, ŵakusema mya, ŵakupara mathabwa ndi ŵanthu wose ŵanchitu za manja ŵambura maŵerengeka,

1 ŴaKaronga 2:2

“Nde pafupi kuruta mu nthowa ya charu chose chapasi. Uti gwa, ndipo ujirongo kuti we munthu,

1 ŴaKaronga 7:47

Viyaŵi vyose ivi Solomoni wanguvijowo vyambura kupimika uzitu, chifukwa vyenge vinandi weniukongwa; uzitu wa mkuŵa kuti ungusanirika cha.

1 Mikoka 28:10

Chenje sono chifukwa Ambuya akusankha kuŵazenge nyumba ya malo ghakupaturika, ukhome kuyichita.”

1 Mikoka 29:2

Viyo ndalongosole nyumba yaku Chiuta mo ndinguziŵiya, golide ku vinthu vyagolide, siliva ku vinthu vya siliva, mkuŵa ku vinthu vya mkuŵa, visulo ku vinthu vya visulo, ndi mathabwa ku vinthu vya mathabwa, pamoza ndi mya yakuzirwa, ndi so mya yakuzenge, ndi myayakung'anima, mya yakuŵa ndi mitundu yinandi, ndi mya yakuzirwa ya mitundu yose, ndi mya yasangalawe.

2 Mikoka 1:1

Solomoni mwana waku Davidi wanguchinthiskika mu ufumu wake, ndipo Ambuya, Chiuta wake wenga nayo ndipo wangumukuzga ukongwa.