1 Mikoka 22:13 - Tonga Bible 1986

¹³ Ndipo viyo ukasakatanga asani uphwerenge kusunga vilayizgu ndi vyeruzgu vyenivyo Ambuya angupangizga Mosese vyaku Yisraele. Uŵe wanthazi ndi wachiganga chamampha. Reka kopa, chingana nkhudezuka nthazi.

1 Mikoka 22:13 Referans Kwoze

1 Mikoka 28:20

Ndipo Davidi wanguti kwaku Solomoni mwana wake. “Uŵe wanthazi ndi ukhwimi, ndi uyichiti, ungopanga chingana nkhutenthema cha chifukwa Ambuya Chiuta yo ndi Chiuta wangu we namwe. Kuti wakujowonge chingana nkhukusiya cha mpaka penipo mlimu wa nyumba yaku Chiuta wamara.

1 Mikoka 28:7

Nkhakhozganga ufumu wake muyaya asani wakarutiriyanga kusunga marangu ghangu ndi vyeruzgu uli ndimo wachitiya le.’

ŴaEfeso 6:10

Pakumariya, muŵe ŵanthazi mu Mbuya, ndi mu likongono la ukhomi wake.

1 ŴaKaronga 2:3

ndipo usunge dangu la Ambuya Chiuta wako, kwenda mu nthowa zake, ndi kusunga marangu ghake, malangulu ghake, vyeruzgu vyake, ndi visimisimi vyake, nge ndimo kwalembeke mu dangu laku Mosese, alinga kuti usakatenge mwaku chose cho uchita ndi kose ko urata;

Yakobe 2:8

Kweni asani mulifiska dangu laufumu, kwakuyana ndi lembo lo, “Wanjenge mwanase wako uli ndi wamweni,” muchita umamphavi:

2 Timote 2:1

Viyo iwe, wamwana wangu, jikhomeske mu wezi wamwaku Kristu Yesu.

ŴaGalatia 6:2

Nyamuliranani mphingu za ŵanyinu, ndipo viyo fiskani dangu lo laku Kristu.

Sumu 119:6

Asani ndiphwere visimisimi vinu vyose, ipo kuti ndikalengeskekanga cha.

1 Mikoka 28:10

Chenje sono chifukwa Ambuya akusankha kuŵazenge nyumba ya malo ghakupaturika, ukhome kuyichita.”

1 ŴaKorinte 16:13

Khazgani, ngangamikani mu chivwanu chinu muŵe ulaka mbanthurumi.

Machitidu gha Ŵakutumika 13:22

ndipo wati wamtuzgapo, wanguŵayuskiya Davidi, kuŵa karonga kwaku mweniyo wangusimikizga, wakuti, ‘Ndamsaniya Davidi, mwana waku Jese, munthu wakuyana ndi mtima wangu, yo wamchita makhumbu ghangu ghose.’

Mateyu 3:15

Kweni wakwamuka Yesu wangumunene, “Inya kuŵi viyo: chifukwa nkwakwenere ifwe kufiska urunji wose.” Sono wangumzomerezga.

2 Mikoka 20:20

Ndipo ŵangucherera ndi chivivivi wanguruta ku bozwa laku Tekoa; ŵachiruta, Yehosafati wanguma wanguti, “Mundivwe, mwa ŵaYuda ndi Yerusalemu! Vwanani mwaku Chiuta widu, ndipo mukhozgekenge; gomezgani ŵamchimi ŵake ndipo mupundenge.”

Yoswa 1:18

Yo yose wakagarukiyanga dangu lako ndi kureka kuvwiya mazu ghako, mwaku chose cho wamulanguliya, wabayike. Uŵi ŵaka wanthazi ndi wakukhwima.”

2 Mikoka 32:7

“Khomani ndi kukhwima mtima, mungopanga pamwenga kutenthema chifukwa cha karonga wa Asiriya ndi chiliŵanja chose cho wenacho; chifukwa kwe yumoza pamoza nafwe yo ngwanthazi kuruska yo wendi iyo.

Sumu 72:1

A Chiuta, sambizgani karonga kweruzga mu urunji winu, vyeruzgu vinu musangani nayo,

Hagayi 2:4

Kweni sono khwima Zerubabele, atiti Ambuya, khwima Yoswa mwana waku Yehozadaki mzukuru mura, khwimani mose mwa mu charu, atiti Ambuya; takatakani chifukwa nde namwe, atiti Ambuya ŵa maŵanja,

Zekariya 8:9

Viyo ndimo anene Ambuya ŵa maŵanja; “Manja ghinu ghakhome, imwe mu mazuŵa yagha mwavwa mazu mu mlomo wa ŵamchimi, kutuwa ku zuŵa lo chiŵanja cha nyumba ya Ambuya ŵa maŵanja chinguzengeke; kuti kasopi wazengeke.

1 ŴaKaronga 2:2

“Nde pafupi kuruta mu nthowa ya charu chose chapasi. Uti gwa, ndipo ujirongo kuti we munthu,

2 Mikoka 14:6

Ndipo wanguzenga mizi ya malinga mwaku Yuda, chifukwa charu chingupumuwa. Wengavi nkhondo mu virimika viya chifukwa Chiuta wangumpumuzga.

2 Mikoka 26:5

Wangupenja Chiuta mu mazuŵa ghaku Zekariya yo wangumsambizga kopa Chiuta; ndipo nyengo yose yo wangupenje Ambuya, Chiuta wangumutumbika.

Sumu 1:3

Wakozgana ndi muti wakupandika pa mphepete pa misisi ya maji, weniwo upasa vipasi vyake mu nyengo yake, jani lake kuti lifota cha; mwaku chose cho wachita, wasakata.