1 Mikoka 21:4 - Tonga Bible 1986

⁴ Kweni mazu gha karonga ghangumuthereska Yoabu. Viyo Yoabu wanguruta ndi wangwenda mu Yisraele yose, ndi wanguwere ku Yerusalemu.

1 Mikoka 21:4 Referans Kwoze

Machitidu gha Ŵakutumika 5:29

Kweni Petro ndi ŵakutumika ŵangwamuka, ndipo ŵanguti, “Kutenere kuvwiya Chiuta kwakuruska munthu.

Danyele 3:18

Ndipo nanga kuti kungaŵa viyo cha, imwe karonga muziŵe kuti tikateŵetiyanga ŵachiuta ŵinu cha chingana nkhusopa chikozgu cho mwamika.”

Wakutaula 8:4

Pakuti mazu gha karonga nga nthazi, ndipo ndiyani yo wanganena kwaku iyo, “Uchitanji?”

Chituwa 1:17

Kweni ŵazamba wo ŵawopanga Chiuta. Ndipo kuti ŵanguchita nge ndimo wanguŵalanguliya karonga wa Egipiti cha. Kweni ŵanguŵareka ŵamoyo ŵana ŵanthurumi.

1 Mikoka 21:3

Kweni Yoabu wanguti, “Ambuya andaniskiyeko ŵanthu ŵawo ndi machumi pe chumi (100) nge ndimo ŵalili! Kweni mbuya wangu karonga, kumbi wose kuti mbateŵeti ŵa mbuyangu cha? Nchifukwa uli nanga mbuya wangu mukhumba chinthu ichi? Chifukwa nchine mutoleyenge kwananga paku Yisraele?”

1 Mikoka 21:5

Ndipo Yoabu wangupereka kaŵerengedu ka unandi wa ŵanthu kwaku Davidi. Mu Yisraele yose mwenga vikwi-vikwi ndi vikwi machumi pe chumi (1,100,000) ŵanthu ŵakuwewepuwa malipanga, ndi mu Yuda vikwi machumi pe chumi ghanayi, pachanya vikwi machumi ghankhonde ndi ghaŵi (47,000) ŵakuwewepuwa malipanga.