1 Mikoka 21:2 - Tonga Bible 1986

² Viyo Davidi wanguti kwaku Yoabu, ndi ku ŵakulangula nkhondo, “Rutani mukaŵerenge Yisraele kutuwa ku Beresheba mpaka kufika ku Dani, ndi mukazi ndi chiziŵisku mo mwaŵerenge, alinga kuti ndiziŵi unandi wawo.”

1 Mikoka 21:2 Referans Kwoze

2 ŴaKorinte 12:7

Ndipo chifukwa cha mtaruliro wa mauvumbuzi gho, mwakuti ndireke kujikwezge pachanya ndi kujikuzga, kungupaskika kwaku ine urwirwi wakupweteka mu liŵavu, nthumi yaku Satana yingundipuma, kuti ndireke kutumphulika ukongwa.

Nthanthi 29:23

Kujikuzga kwa munthu kukamusiskiyanga pasi, kweni mweniyo ngwakujiyuyuwa mumzimu wakarondanga thumbiku.

2 Mikoka 30:5

Viyo ŵangukhozga fundu kumemeza mu Yisraele yose, kutuwa ku beresheba kufika ku Dani, kuti ŵanthu ŵaze ndi ŵazachichitiya phaska Ambuya, Chiuta waku Yisraele ku Yerusalemu pakuti ŵengavi kulichita pa mzinda ukuru nge ndimo likulangulikiya.

1 ŴaKaronga 4:25

Ndipo Yuda ndi Yisraele ŵanguja mwambura suzgu, kwamba ku Dani mpaka Beresheba, munthu yose wanguja pasi pa mphereska yake ndi pasi pa mkuyu wake, mazuŵa ghose ghaku Solomoni.

2 Samuele 24:15

Viyo Ambuya angutuma chideru pa ŵaYisraele kutuwa ndi mlenji mpaka pa nyengo yakutemeka; ndipo ŵangufwa ŵanthu vikwi machumi ghankhonde ndi ghaŵi (70,000) kutuliya ku Dani mpaka ku Beresheba.

2 Samuele 17:11

Kweni ine fundu yangu njakuti, ŵaYisraele wose ŵawungane kwako, kutuwa ku Dani mpaka ku Beresheba, nge ndi mchenga wapa likumba la nyanja unandi wawo, ndikuti imwe namwe mwaŵeni muruti ku nkhondo.

2 Samuele 3:10

kutuzga ufumu pa nyumba yaku Sauli ndi ku jarika chitengo chaku Davidi paku Yisraele ndi paku Yuda kutuliya ku Dani mpaka ku Beresheba.”

1 Samuele 3:20

Viyo ŵaYisraele wose kutuliya ku Dani mpaka ku Beresheba ŵanguziŵa kuti Samuele wasankhika kuŵa mchimi wa Ambuya.

Ŵeruzgi 20:1

Sono ŵaYisraele ŵangutuwa, kwamba ku Dani kufika ku Beresheba, ndi charu chaku Gileada, ndipo mpingu wo unguwungana uli ndi munthu yumoza ku Ambuya pa Mizipa.

Chiyambo 21:14

Viyo Abrahamu wangusoka ndi mlenjilenji wanguto chiŵande ndi thumba la chikumba cha maji, wanguvipaska kwaku Hagra, wanguŵika pa phewa lake, pamoza ndimwana, ndi wangumutuma kuti warutenge. Ndipo wanguruta, ndi wanguyingayinga mu bozwa la Beresheba.