1 Mikoka 21:17 - Tonga Bible 1986

¹⁷ Ndipo Davidi wanguti kwaku Chiuta, “Kumbi kuti ndine cha ndingulangula kuti ŵanthu ŵaŵerengeke? Ndalakwa ndine, ndipo ndachita uheni. Kweni mberere izi zachita chine? Ndimurombani Ambuya Chiuta wangu kuti janja linu limikani ndi ine ndi nyumba ya ada; kweni ŵanthu ŵareke kukomwa ndi nthenda ya chigodora.”

1 Mikoka 21:17 Referans Kwoze

Ezekiele 16:63

mwakuti ukumbukenge ndi kuchita soni, ndipo kuti ukajuranga so mlomo wako cha chifukwa cha kulengeskeka kwako, penipo nditikugowoke paku vyose vyo wachita, atiti Ambuya Chiuta.”

1 Yohane 3:16

Mwaku chenichi tiziŵiya chanju, mwakuti Yuwa wanguŵikiya pasi umoyo wake pa chifwa chidu: ndipo titenere ifwe kuŵikiya pasi maumoyo ghidu pa chifwa cha ŵabali wo.

ŴaRoma 9:3

Chifukwa ndingakhumba mphanyi kuti ine ndamweni ndiŵe wakutembeka kwaku Kristu pa chifukwa cha ŵabali ŵangu, ŵachikazi ŵanyangu kuchiri ku liŵavu:

Sumu 74:1

A Chiuta, mwatijowoliyanji viyo muyaya? Kasunkhiyanji kandundu kinu pa mberere za uliska winu?

Sumu 51:14

Ndipozomoskeni ku mlandu wa ndopa, A Chiuta, imwe ndimwe Chiuta mpozomoski wangu, ndipo lilime langu likamburiyenge imwe chifukwa mwanditaska.

Sumu 51:4

Imwe, imwe pe, ndanangiya, ndipo cho nchiheni mu maso ghinu ndachita, viyo, murunjika pa kunderuzga ndi ambura kalema mu cheruzgu chinu.

Sumu 44:11

Mwatipereka nge ndi mberere zakubayika, ndipo mwatimbininiskiya mukati mu mitundu,

1 Mikoka 21:8

Ndipo Davidi wanguti kwaku Chiuta, “Ndalakwa ukongwa, chifukwa ndachita chinthu ichi, kweni sono ndimuŵeyani kuti mutuzgepo kwananga uku kwa mteŵeti winu, pakuti ndachita kwakupusa.”

1 ŴaKaronga 22:17

Mikaya wanguti, “Ndinguwona ŵaYisraele wose ŵajaka balali mu mapiri, nge ndi mberere zambura muliska; ndipo Ambuya anguti, ‘Aŵa ŵalivi mbuyawo; we yose wawere ku nyumba yake mu chimangu.’ ”

2 Samuele 24:17

Davidi wanguti wawona mungelo yo wakosonga ŵanthu wangunena ndi Ambuya, wanguti, “Wonani, ndananga, ndipo ndachita uheni; kweni nanga mberere izi, kumbi zachitanji? Janja linu, ndi murombani, limikani ndi ine ndipo limikani ndi nyumba ya ada.”

2 Samuele 24:1

Ndipo ukari wa Ambuya ungukore so pa ŵaYisraele, angusoska Davidi kumikana nayo, akuti, “Ruta, ukaŵerenge ŵaYisraele ndi ŵaYuda.”

2 Samuele 12:10

Sono pa chifukwa ichi lipanga kuti lituwengepo cha pa nyumba yako, chifukwa wayeya ine, ndipo watomuwoli waku Uriya muHiti kuŵa muwoli wako.’

2 Samuele 7:8

Mu chifukwa ichi ukambenge ndi mteŵeti wangu Davidi, ‘Viyo atiti Ambuya ŵa maŵanja, ndingukuto ku uliska, ku kulondo mberere, mwakuti uŵi mwana wa karonga pa khamu langu Yisraele;

Yoswa 22:18

kuti imwe msana wale mureke kurondo Ambuya? Ndipo asani imwe mugarukiya Ambuya msana wale iwo ŵakakwiyiyanga mpingo wose wa ŵaYisraele la mawa.

Chituwa 20:5

kuti ukavilambiyanga chingana nkhuvitataliya cha; pakuti ine Ambuya Chiuta wako ndine Chiuta wa sanji, wakusiskiya pa ŵana uheni wa auskeu, mpaka ku mwandanu wa chitatu ndi wachinayi waku wo ŵatinditinkha;

Chiyambo 44:33

Viyo, sono, nditumuŵeyani, zomerani kuti Ine mteŵeti winu ndije nge ndi muŵanda winu, mbuya wangu, mu malo gha mhurwa uyu, ndipo zomerani kuti mhurwa uyu wawere vuli pamoza ndi ŵana ŵanyake.

Yona 1:12

Ndipo wanguti kwaku iwo, “Ndinyamuweni, ndipo ndipong'eni mu nyanja; viyo nyanja yimuŵiyeninge bata; chifukwa ndiziŵa kuti nchifukwa changu leka lirondo ili lamuwiyani.”