1 Mikoka 21:13 - Tonga Bible 1986

¹³ Ndipo Davidi wanguti kwaku Gadi, “Ndafyekeka ukongwa; ndiwe mu janja la Ambuya, chifukwa lisungu lawo ndikuru ukongwa; kweni kuwiya mu janja la munthu ndiko cha.”

1 Mikoka 21:13 Referans Kwoze

Sumu 130:7

A! Yisraele, gomekezga mu Ambuya! Chifukwa mwaku iwo mwe chifundu cha muyaya, mu Ambuya mwe uwombozi wakuzara.

ŴaHebere 10:31

Nkhwakofya kuwa mu manja ghaku Chiuta wamoyo.

ŴaFilipi 1:23

Kweni nde mu gangang'u pakugho ghaŵi. Linweka langu nda kuruta ndi kujariya pamoza ndi Kristu; chifukwa ichi nchamampha ukongwa kwakuruska:

Yesaya 55:7

muheni wareke nthowa yake, ndi wakuwura urunji maghanaghanu ghake; wawere ku Ambuya, kuti amuŵiye ndi lisungu, ndi kwaku Chiuta widu, pakuti wagowokiyenge kwakuzala.

Yohane 12:27

“Sono usuzgika mzimu wangu; ndipo ndikambengenji? ‘Ada, nditaskeni ku ora lenili?’ Awa pakuti pa chifwa chenichi ndikuziya ku ora lenili.

Yesaya 63:7

Ndikakambanga so za chanju chizirima cha Ambuya, marumbu gha Ambuya, kwakulingana ndi vyose vyo Ambuya atipaska, ndi umampha ukuru ku nyumba yaku Yisraele, weniwo apaska kwakulingana ndi lisungu lawo, kwakulingana ndi chanju chawo chizirima.

Yesaya 47:6

Ndingukaripa ndi ŵanthu ŵangu wo ndinguŵasankha, ndi ndinguŵakazuzga. Ndinguŵapereka mu janja linu, kuti munguŵarongo lisungu cha; pa makhongwe munguŵikapo goŵa lizitu kwakurutiriya.

Yesaya 46:7

Ŵatimunyamuliya pa mapheŵa ghawo, ŵatimupinga, ŵatimuŵika pa malo ghake, ŵatuma penipo; kuti ŵaziŵa cha kunderepo, pa malo ghake. Asani munthu watimuliriya, kuti watamuka pamwenga ku mutaska ku suzgu yake cha.

Nthanthi 12:10

Munthu murunji waphwere umoyo wa chiŵetu chake, kweni lisungu la wamphulupulu ndi nkhaza.

Sumu 130:4

Kweni mutitigowoke, alinga kuti timopeni imwe.

Sumu 106:7

Po auskefwe ŵenga mu Egipiti kuti ŵanguwamo cha ndi nchitu zakuziziswa zaku Chiuta; ŵanguruwa unandi wa zinyengo zo wanguŵarongo chanju chake, ndipo ŵangumugarukiya ŵanthazi zose pa Nyanja Yiyera.

Sumu 103:8

Mba chitima ndi ŵawezi Ambuya, mba chizita mu kukaripa, kweni mbakuzala ndi chanju chakufikapo.

Sumu 86:15

Kweni imwe, Ambuya, mwe Chiuta walisungu ndi wakwanja, wachizita ku ukari, nyengo yose waulemu ndi ukongorekwa.

Sumu 86:5

Pakuti mwe amampha, Ambuya, ndi akugowoke; mwaŵakuzara chanju chakufikapo kwaku wose wo ŵadana kwaku imwe.

Sumu 69:16

Chifukwa cha umampha wa chifundu chinu, Ambuya, mundamuke; mu chisungu-sungu chinu chikuru, ng'anamukiyani kwangu.

Sumu 69:13

Kweni ine, ndirombenge kwaku imwe, Ambuya. Panyengo yo mwasankha, A Chiuta, chifukwa cha chifundu chinu chikuru, mundamuke, chifukwa musunga phanganu linu la kutaska.

Sumu 5:7

Kweni ine, mu unandi wa vya chifundu vinundiserenge mu nyumba yinu, ndisopenge kurazga ku nyumba yinu yakupaturika mu kumopani imwe.

Estere 4:16

“Ruta ukawunganiske ŵaYuda wose wo ŵemu msumba wa Susa, mufunge kurgha ndi kumwa mazuŵa ghatatu, usiku ndi msana. Ine ndi ŵateŵeti ŵangu ŵanthukazi nafwe tikafunganga kwakulingana ŵaka. Sono pavuli ndamsere ku karonga nanga ichi nchakupambana ndi dangu; ndipo asani nkhufwa, ndifwenge ŵaka.”

Estere 4:11

kuti, “Ŵa nchitu wose ŵa karonga ndi vyaru vyose vya karonga ŵaziŵa kuti munthu yose, munthurumi pamwenga munthukazi, yo wasere ku luluwa la mkati wambura kudanika dangu ndimoza ndakuti wabayike, asani karonga walivi kumsoske nthonga ya ufumu ya golide kuti waŵe ndi umoyo. Ndipo ine ndirivi kudanika kwachisere ku karonga mazuŵa machumi ghatatu.”

2 Mikoka 28:9

Kweni mchimi wa Ambuya wenga kweniko, zina lake lenga Odedi; ndipo wanguruta kwachikumana ndi liŵanja la nkhondo lo linguza ku Samaria, ndi wanguti kwaku wo, “Wonani, chifukwa Ambuya, Chiuta wa auskemwe wangukaripa ndi Yuda, wanguŵapereka mu janja linu, kweni imwe mwaŵabaya ndi ukari wo wafika mpaka ku chanya.

2 ŴaKaronga 7:4

Asani tinganena kuti, ‘Tiyeni tisere mu msumba,’ mu msumba mwe nja, tamufwiya mwenimo, ndipo asani taja penipano napo tikafwanga mbwenu. Iku tiyeni, tirutenge ku ugoŵi wa ŵaSiriya, asani ŵamukutisunga ŵamoyo tamuja ŵamoyo, ndipo asani wamukutibaya mbwenu tikafwanga.”

2 ŴaKaronga 6:15

Penipo mteŵeti wa munthu waku Chiuta wanguyuka ndi mlenjilenji kutuliya kubwaro, awonani, liŵanja la ŵankhondo ndi ŵakavalo ndi magareta linguzinga msumba wo. Ndipo mteŵeti yo wanguti, “Karonga ine, mbuyangu! Tikachitanganji?”

Habakuku 3:2

Ambuya, ndavwa mbiri yinu, ndipo mlimu winu, Ambuya nthopa nade. Yuskani mlimu winu mukati mu virimika; mukati mu virimika uziŵikwe; mu ukari kumbukani lisungu.

Mika 7:18

Ndi yani Chiuta yo wenge ndimwe, wakugowoke maubendezi ndi kureke maulakwi gha ŵakujako ŵa ŵanthu ŵake? Kuti watufya mtima kwakukiyakiya cha, chifukwa wakondwa mu chanju chake.

Yona 4:2

Ndipo wanguromba ku Ambuya ndi wanguti, “Ndimurombani, Ambuya, ndatinge uku ndiko kunguŵa kukamba kwangu, penipo ndenga ndeche mu charu changu? Pa chifukwa cho ndinguthaŵiya ku Tarshishi; chifukwa ndinguziŵa kuti ndimwe Chiuta walisungu, ndi wawezi, wachizita kukalipa, ndipo wakuzala chanju, ndi wakugowoke uheni.

Yona 3:9

Ndiyani waziŵa, pamwenga Chiuta wangagowoka, ndi wangareka, ndi kuweko ku ukari wake wakofya, mwakuti tireke kuyowa?”

Chitenje 3:32

chingana angapaska chitima, akaŵanga ndi lisungu, kwakuyana ndi uzari wa chifundu cha wo;

Yesaya 63:15

Lereskani pasi kutuliya kuchanya, muwone, kutuliya uja winu utuŵa ndi wa unkhankhu. Kumbi lepani phamphu linu, ndi kulimba kwinu? Linweka la mtima winu ndi chifundu chinu, vyatuzgikako kwangu.

Sumu 119:156

Kweni chisungusungu chinu, Ambuya, nchikuru ukongwa, viyo nditaskeni kwakuyana ndi cheruzgu chinu.