1 Mikoka 21:12 - Tonga Bible 1986

¹² Pamwenga virimika vitatu vya chilala, pamwenga myezi yitatu kuparghang'ika paurongo pa ŵamawongo ŵako, ndipo penipo ŵamawongo ŵako ŵakukosonge ndi malipanga ghawo, pamwenga mazuŵa ghatatu gha lipanga la Ambuya, cho nchideru chakupopeska pa charu, ndi mungelo wa Ambuya wakuparghang'a mu charu chose cha ŵaYisraele.’ Sono ughanaghane ndi mazu uli gho ndi wezgiyenge kwaku yo wandituma.”

1 Mikoka 21:12 Referans Kwoze

Machitidu gha Ŵakutumika 12:23

Kweni sosonukweni mungelo wa Mbuya wangumkoso, chifukwa kuti wagupaska unkhankhu kwaku Chiuta cha; ndipo pakunyakata ndi fusi, wanguziririka.

Luka 4:25

Kweni kwakuneneska ndikuneniyani, mwenga vyoko vinandi mu Yisraele mu mazuŵa ghaku Eliya penipo kuchanya kungujarika virimika vitatu ndi myezi yinkhonde ndi umoza, po chinguŵiyapo chilala chikuru pa charu chose.

Chitenje 4:9

Wo ŵangubayika ndi lipanga ŵangufwa umampha, kwakuruska ŵakubayika ndinja, ŵeniwo ŵangusuzgika chifukwa cha kusoŵa vyakurgha vyamu minda.

Yeremiya 47:6

Aha, walipanga la Ambuya! Mpaka zuŵanji weche kuja cheti? Jiserezgi wija mu chibazi, pumuwa uje chisisi!

Yeremiya 42:16

po ndipo lipanga lo mutopa likamusaniyaninga kwenikuwa mu charu cha Egipiti: chilala cho mutopa chikandondoloskanga ndi nthazi pavuli pinu ku Egipiti; ndipo mwamufwiya kwenikuwa.

Yeremiya 12:12

Pa mitunthu yose ya chipalamba mu bozwa paza ŵaphasulu; pakuti lipanga la Ambuya limeza kutuwa ku chigoti chimoza cha charu kwachifika ku chigoti chinyake mu charu chose, kulivi chimangu.

Yesaya 66:16

Pakuti ndi moto Ambuya akachitanga cheruzgu, ndipo ndi lipanga lawo, pa nyama yose; wo ŵakabayikanga ndi Ambuya ŵakaŵanga ŵanandi.

Sumu 91:6

ku videru vyo vikhazga mu mdima, pamwenga maurwani gho ghabaya ndimsana.

2 ŴaKaronga 19:35

Ndipo usiku weniwuwa mungelo wa Ambuya wanguruta ndipo wangubaya vikwi machumi pe chumi pachanya machumi ghankhonde ndi ghatatu ndi vinkhonde mu ugoŵi wa ŵaAsiriya; ndipo ŵanthu ŵanguti ŵayuka ndi mlenji-lenji, ehe, yaŵa wose ŵenga viŵanda.

2 ŴaKaronga 8:1

Sono Elisha wanguti ku munthukazi yuwa mwana wake wangumuyuskiya ku umoyo, “Soka, urutenge ndi ŵa nyumba yako ukaje kweniko kose ungakhumba pakuti Ambuya arongoso chilala, ndipo chikazanga pa charu kwa virimika vinkhonde ndi viŵi.”

1 ŴaKaronga 17:1

Sono Eliya mu Tishibe waku Tishibe mu Gileada, wanguti kwaku Ahabu, “Ulaka ndimo aliri amoyo Ambuya Chiuta waku Yisraele, paurongo paku mweniyo ine ndituma, kuti kukaŵanga dungwi chingana ndi vuwa cha virimika ivi, kweni pa mazu ghangu pe.”

2 Samuele 21:1

Ndipo kunguwa chilara mu mazuŵa ghaku Davidi kwa virimika vitatu, chirimika kulondo chirimika; ndipo Davidi wangupenja chisku cha Ambuya. Ambuya anguti, “Pe mrandu wa ndopa paku Sauli ndi pa nyumba yake, chifukwa ŵanguŵika ku nyifwa ŵaGibeoni.”

Marangu 28:35

Ambuya akamupumaninga pa makongono ndi pa musolonthi ndi mapumba ghakuŵaŵa ukongwa kwaku gho kuti mungaziŵa kuchizgika cha, kutuwa ku phazi la rundi linu kufika pachanya pa mutu winu.

Marangu 28:27

Ambuya akamupamaninga ndi nthenda ya mapumba ghaku Egipiti; ndi vironda, ndi viphere, ndi kamukono, kwaku zo kuti muziŵa kuchizgika cha.

Marangu 28:25

“Ambuya akamuchitaninga kuti mupundike paurongo pa ŵamawongo ŵinu, mukaŵayukiyanga nthowa yimoza ndipo mukathaŵanga nthowa zinkhonde ndi ziŵi paurongo pawo, ndipo mukagwedukiyanga pasi pa maufumu ghose gha charu chapasi.

Marangu 28:22

Ambuya akamupumaninga ndi nthenda ya kamphumu, ndi ya kufunda mu liŵavu, ya kutupa, ndi yakocha ukongwa liŵavu, ndi chilangalanga, chimphunga, ndi chuku. Ivi vikamurondoninga mpaka mumare.

Marangu 28:15

“Kweni asani kuti mukavwiyanga cha mazu gha Ambuya Chiuta winu, pamwenga kuphwere kuchita marangu ghake ghose ndi malangulu ghake gho ndikutauliyani zuŵa ili, iku matembo ghose yagha ghakazanga paku imwe ndi kumunangani.

ŴaLevi 26:17

Ndikapindikananga namwe, ndipo mukapumikanga paurongo pa ŵamawongo ŵinu; ŵanthu ŵakumutinkhani ndiwo ŵakakuwusaninga, inya mwazamuthaŵa ndi penipo palivi wakumudikiskani.

ŴaLevi 26:10

Mukarghanga vyakulonga vya kale, ndipo mukatuzgangamo vyakale kusiyiya malo vyakurgha vifya.

Chituwa 12:23

Pakuti Ambuya akaporotangamo kubaya ŵaEgipiti; ndipo ŵachizamuwona ndopa pa mugoro ndi pa nchindamiru ziŵi zapa khomo, Ambuya azamujumphapo pa khomo, ndipo kuti ŵakazomerezganga wakubaya yo kusere mu nyumba zinu cha kwachikubayani.

1 Mikoka 21:11

Viyo Gadi wanguza kwaku Davidi ndi wanguti kwaku iyo, “Ambuya atiti, ‘To chenicho unkhumba.