1 Mikoka 20:7 - Tonga Bible 1986

⁷ wachitonyora ŵaYisraele, Yonafani mwana waku Shimaya, mbali waku Davidi wangumubaya.

1 Mikoka 20:7 Referans Kwoze

1 Mikoka 2:13

Jese wangupapa Eliabu wa umwali, Abinadabu wachiŵi, Shimeya wachitatu,

1 Samuele 16:9

Jese wangujumphiskapo Shama, Samuele wanguti, “Nanga ndi uyu kuti Ambuya amusankha cha.”

Yesaya 37:23

“ ‘Njani mweniyo wayeya ndi kulambwaza? Mphaku yani po wasoske mazu ghako ndipo wasoskiyapo maso ghako ndi kujikuzga? Mpha Mtuŵa Yumoza yo waku Yisraele!

1 Samuele 17:36

Ndamteŵeti winu ndabayapo zinkharamu ndi ŵachipembere ndipo muFilisti uyu wambura kuchinjika wakaŵanga nge njimoza yaku zo, pakuti wanoza maŵanja ghaku Chiuta wamoyo.”

1 Samuele 17:26

Sono Davidi wangurongoro ndi ŵanthu wo ŵenga pafupi nayo, “Kukamuŵiyanganji munthu yo wangabaya muFilisti uyu, ndi kutuzgapo chitozeru pa Yisraele? Pakuti ndiyani nayo muFilisti wambura kuchinjika uyu, kuti wanyozenge maŵanja ghaku Chiuta wamoyo?”

1 Samuele 17:10

MuFilisti uyu wanguti, “Ndaŵaderera ŵamazaza ŵaku Yisraele, zuŵa linu ndipaskeni munthu kuti tipumane.”

1 Mikoka 20:6

Kunguŵa so nkhondo ku Gati kweniko kwenga munthurumi wa msinkhu utali, mweniyo wenga ndi minwe yinkhonde ndi umoza ku janja limoza ndi ku linyake nako viyo; ndi vikumbo vinkhonde ndi chimoza ku rundi limoza ndi ku linyake nako viyo, vyose pamoza vyenga machumi ghaŵi pachanya vinayi (24), ndipo nayo viyo wenga mphapu ya vinkhara vitali,

1 Mikoka 20:8

Yaŵa ŵenga mphapu ya vinkhara vitali vyamu Gati; ndipo ŵangubayika ndi janja laku Davidi ndi so janja la ŵateŵeti ŵake.

1 Mikoka 27:32

Yonafani msimbweni waku Davidi wenga mupifundu, wenga munthu wazeru ndi mlembi; iyo ndi Yehieli mwana waku Hakinoni wenga pamoza ndi ŵana ŵa karonga.