1 Mikoka 20:5 - Tonga Bible 1986

⁵ Kunguŵa so nkhondo ndi ŵaFilisti; Elhanani mwana waku Jairo wangubaya Lahimi, mbali waku Goliati muGiti mweniyo ruti la mkondo wake lenga nge ndi munthambi wa wakutunga.

1 Mikoka 20:5 Referans Kwoze

2 Samuele 21:19

Kwenga so nkhondo ndi ŵaFilisti pa Gobo, ndipo Elhanani mwana waku Yariorgini, muBetelehemu, wangukoso Goliati muGiti, mweniyo luti la mkondo wake lenga nge ndi mgolu wa muwomba salu.

1 Samuele 22:10

ndipo wangumufumbiya ku Ambuya wangumpaska kamba ndi lipanga laku Goliati muFilisti.”

1 Samuele 21:9

Mzukuru wanguti, “Lipanga laku Goliati muFilisti yuwa ukubaya mudambo la Ela, lepano, likukurungika mu saru kurweka kwa Efodo; asani ulitonge, lito, pakuti linyake palive kweni ndenilo pe.” Davidi wanguti, “Lakuyana ndi lo palivi; ndipaske.”

1 Samuele 17:7

Ndipo luti la mkondo wake lenga nge ndi mkoku wa muwomba-saru; chipapa cha mkondo wake chenga pa uzitu wa mashekelo machumi pe chumi ghankhonde ndi limoza (600) gha chisulu; ndipo wakupinga nguru yake wangudanjiya paurongo pake.

1 Samuele 17:4

Ndipo ku ugoŵi wa ŵaFilisti kungutuwa ngwazi zina lake Goliati, waku Gata, yo utali wake wenga mikono yinkhonde ndi umoza ndi nusu.

1 Mikoka 11:23

Wangubaya muEgipiti, munthu wa msinkhu utali wa mikono yinkhonde. MuEgipiti uyu wenga ndi mkondo mu janja lake weniwo luti lake lenga nge ndi mkoko wa wakuwomba saru; kweni Benaya wangusikiya kwaku iyo ndi ndodo, ndipo wangukwamphuwa mkondo mu janja la muEgipiti, ndi kumubaya ndi mkondo wa mweneko.

1 Mikoka 20:6

Kunguŵa so nkhondo ku Gati kweniko kwenga munthurumi wa msinkhu utali, mweniyo wenga ndi minwe yinkhonde ndi umoza ku janja limoza ndi ku linyake nako viyo; ndi vikumbo vinkhonde ndi chimoza ku rundi limoza ndi ku linyake nako viyo, vyose pamoza vyenga machumi ghaŵi pachanya vinayi (24), ndipo nayo viyo wenga mphapu ya vinkhara vitali,