1 Mikoka 20:1 - Tonga Bible 1986

¹ Mu maliwondwe ku umari wa chirimika, pa nyengo yeniyo ŵakaronga ŵarutiya ku nkhondo, Yoabu wangurongozga nkhondo ndi wanguparghang'a charu cha ŵaAmoni, ndipo ŵanguza ndi kugoŵe Raba. Kweni Davidi wanguja ku Yerusalemu, Yoabu wangukoso Raba ndi wanguŵathereska.

1 Mikoka 20:1 Referans Kwoze

2 Samuele 11:1

Mu chirimika pa maliwondwe nyengo yo ŵakaronga ŵatuliyanga ku nkhondo, Davidi wangutuma Yoabu, ndi ŵanyamata ŵake pamoza nayo, ndi Yisraele yose; ndipo ŵanguphwanya ŵaAmoni, ŵanguko Raba. Kweni Davidi wangujaririya mu Yerusalemu.

Amosi 1:14

Viyo ndipembenge moto mu linga la Raba ndi ukawochanga malinga ghake, ndikamphomezi mu zuŵa la nkhondo; ndi chimphupuru mu zuŵa la kanthenga;

Marangu 3:11

(Wangujako wamoyo Ogi pe, karonga waku Bashani, mu ŵaRefa. Chita chake chenga chavisulo, che mu Raba msumba ŵina Amoni. Utali wake wenga mikono yinkhonde ndi yinayi, usani wake mikono yinayi, nge nchipimo cha mkono wa munthu.)

Ezekiele 25:5

Ndikachitanga Raba waŵe chipozwa cha ŵagamila ndi misumba ya ŵaAmoni liŵe khola la vyakuŵeta. Po ndipo ukaziŵanga kuti ndine Ambuya.

Ezekiele 21:20

lemba nthowa chifukwa cha lipanga lakutuwa ku Raba wa ŵaAmoni ndi ku Yuda ku Yerusalemu walinga.

Yesaya 54:16

Ehe, ndalenga msuzi mweniyo wavukuta moto wa maka, ndipo wapanga chidya cha nchitu yake. Ndalenga so wakunanga kuti wanange;

Yesaya 6:11

Sono ine ndinguti, “Mpaka zuŵanje, Ambuya?” Ndipo iwo anguti: “Mpaka penipo mizi yaŵa mapopa mwambura ŵakujamo, ndi zinyumba zambura ŵanthu, ndipo charu chaŵiya limu uyiku.

2 ŴaKaronga 13:20

Viyo Elisha wangufwa, ŵangumuŵika. Kweni tumabungwi twa ŵaMoabu twachitanga vivwamba mu charu cho mu nyengo ya chifuku ya chirisika.

1 ŴaKaronga 20:26

Mu nyengo ya maliwondwe Benehadadi wanguwungang'a ŵa Siriya, ndi kukwere ku Afeke, kwachirwana ndi ŵaYisraele.

1 ŴaKaronga 20:22

Ndipo mchimi wangundere kufupi ndi karonga wa ŵaYisraele, wangunena nayo, “Zanga jikhomeske, ndipo ughanaghane umampha cho ukachitanga; pakuti mu nyengo ya maliwondwe karonga waku Siriya waka kweriyanga paku iwo.”

2 Samuele 17:27

Davidi wanguti wafika ku Mahanaimi; Shobi mwana waku Nahasha waku Raba mwina Amoni, ndi Midiri mwana waku Amiele waku Lodebara, ndi Berezilai mu Gileada waku Rogelimi,

1 Mikoka 19:19

Penipo ŵateŵeti ŵaku Hadadezere ŵanguwona kuti ŵangupundika ndi ŵaYisraele, ŵanguchita chimangu ndi Davidi, ndi ŵanguŵa ŵanthu ŵake, viyo ŵaSiriya ŵangukhumba cha kuŵawovya so ŵaAmoni.