1 Mikoka 2:55 - Tonga Bible 1986

⁵⁵ Ndi mbumba za ŵalembi wo ŵajanja ku Yabezi: ŵaTirati, ŵaSimeati, ndi ŵaSukati. Yaŵa ndiwo ŵaKeni wo ŵangutuwa ku Hamati, wiskeu wa nyumba yaku Rekabu.

1 Mikoka 2:55 Referans Kwoze

2 ŴaKaronga 10:15

Ndipo wanguti watuwa pa wangukumana ndi Yehonadabu mwana waku Rekabu yo wanguza kuzachikumana nayo, ndipo wangumutauzga ndi wanguti kwaku iyo, “Kumbi mtima wako nguneneska kwangu uli ndimo wangu uliri wa uneneska kwako?” Ndipo Yehonadabu wangwamuka, “Ndimu uliri.” Yehu wanguti, “Asani we viyo ndipaske janja lako.” Viyo wangumupaska janja lake. Ndipo Yehu wangumukwezga mugareta lake.

Ŵeruzgi 1:16

Ndipo ŵamphapu yaku Keni, msimbweni waku Mosese, ŵangukwera pamoza ndi ŵanthu ŵaku Yuda kutuwa ku msumba wa migwalangwa mu bozwa laku Yuda, wo we mu Negebe pafupi ndi Arada; ndipo ŵanguruta ndi ŵanguzenga pamoza ndi ŵanthu.

Yeremiya 35:19

chifukwa cho atiti Ambuya ŵa maŵanja, Chiuta waku Yisraele: Yonadabu mwana waku Rekabu kuti wakasoŵanga munthu cha wakuma paurongo pangu.”

Ŵeruzgi 4:11

Sono Heberi mu Keni wangujipatuwako ku ŵaKeni, mphapu yaku Hobabu msibweni waku Mosese, wangukhoma hema lake kutali ku chimiti cha mkundi mu Zananimu yo we pafupi ndi Kedeshi.

1 Samuele 15:6

Wangunena ndi ŵaKeni, “Rutani, tuwanimo, sikani kutuwa mukati mu Amaleke, vinu ndingamunangiyani pamoza ndi iwo; pakuti imwe mungurongo lisungu ku ŵaYisraele ŵachikwera kutuwa mu Egipiti.” Viyo ŵaKeni ŵangutuwamo mukati mu Amaleke.

Yeremiya 8:8

“Mungakamba uli, kuti, ‘Te ŵazeru ifwe, ndipo dangu la Ambuya le ndi ifwe’? Kweni ehe, peni yautesi ya ŵalembi yalemba utesi.

Ezra 7:6

Uyo Ezra wanguturiya ku Babiloni. Wenga mlembi waku ziŵiska vya dangu laku Mosese lo Ambuya Chiuta waku Yisraele wangupereka. Ndipo karonga wangumupaska vyose vyo wangupempha, chifukwa janja la Ambuya Chiuta wake lenga paku iyo.

1 Mikoka 2:54

Ŵana ŵaku Salma: Betelehemu, ŵana ŵaku Netofati, Atroti-beti-Joabu, ndi chigaŵa charwandi chaku Manahati mu Zoriti.

1 Mikoka 3:1

Yaŵa ndi ŵana ŵaku Davidi wo wangupapiya mu Hebroni: wa kudanga ndi Amnoni mwaku Ahinoamu muYezereli; wachiŵi Danieli mwaku Abigaili muKarmeli;