1 Mikoka 19:7 - Tonga Bible 1986

⁷ zakubwereke magareta vikwi machumi ghatatu pachanya viŵi (32,000) ndi karonga waku Maka ndi ŵankhondo ŵake, wo ŵanguza ndi kugoŵa paurongo pa Medeba. Ndipo ŵaAmoni ŵanguwungana pamoza kutuwa ku misumba yawo, ndi ŵanguza kunkhondo.

1 Mikoka 19:7 Referans Kwoze

Yoswa 13:9

kutuwa ku Aroere, yo we mumphepeti mu dambo la Arnoni, ndi msumba wo we pakatikati pa dambo, ndi chose chidika cha Medeba mpaka ku Diboni,

Maŵerengedu 21:30

Viyo migonezi yawo ya pavuli yingumariya limu kutuwa ku Heshiboni kurutiliya mpaka ku Diboni, ndipo tingupasuwa mpaka po moto ungusapaliya ku Medeba.”

Yoswa 13:16

Viyo chigaŵa chawo chingutuwa ku Aroere wo ŵemu mphepete mwa dambo la Arnoni, ndi msumba wo we pakatikati pa dambo, ndi chidika chose chaku Medeba;

Yesaya 15:2

Ŵanthu ŵaku Diboni ŵakwere ku malo gha visopo kwachitenje, paku Nebo ndi paku Medeba, Moabu watenje. Pa mutu wose pe phara, mwembe wose wameteka,

2 Mikoka 14:9

Ndipo kunguza Zera waku Etiopia ndi ŵanthu vikwi machumi pe chumi kwazirwa nkhondo (1,000,000), ndi magareta machumi pe chumi ghatatu (300), ŵangufika ku Meresha.

1 Mikoka 18:4

Ndipo Davidi wanguronda magareta kwaku iyo chikwi chimoza (1,000); ŵanthu ŵapa ŵakavalo vikwi vinkhonde ndi viŵi (7,000) ndi ŵasilikali ŵakwenda pasi vikwi machumi ghaŵi (20,000) Davidi wangudumuwa misipi ya ŵakavalo wose ŵa magareta, kweni wangusungako ŵakavalo ŵakuyana ndi magareta machumi pe chumi (100).

2 Samuele 10:6

Ŵanguti ŵawona ŵaAmoni kuti ŵamusosomo Davidi, wangutuma kwachiŵarembe mwa mphoto ŵaSiriya ŵaku Betehobo, ndi ŵaSiriya ŵaku Zoba, ŵankhondo ŵakwenda pasi machumi ghaŵi (20,000) ndi karonga waku Maka pamoza ndi ŵanthu chikwi chimoza (1,000) ndi ŵanthu ŵaku Tobo, vikwi chumi ndi viŵi (12,000).

1 Samuele 13:5

ŴaFilisti ŵanguwungana kuti ŵarwi nkhondo ndi ŵaYisraele magareta, vikwi machumi ghatatu (30,000) ŵanthu vikwi vinkhonde ndi chimoza (6,000) ŵakukwera pa ŵakavalo, ndipo ŵanthu ŵanguŵa nge ndi mchenga wapa likumba la nyanja mu unandi; ŵangukwera ndi kugoŵa mu Mikimasa ku vuma Bete-avene.

Ŵeruzgi 4:3

Sono ŵaYisraele ŵangubongole ku Ambuya kupempha chovyo; pakuti Sisera wenga ndi magareta gha chisulo machumi pe chumi ghankhonde ndi ghanayi (900) wanguyuzga ŵaYisraele ndi nkhaza kwa virimika machumi ghaŵi.

Chituwa 14:9

ŴaEgipiti ŵanguŵandondoloska, ŵakavalo wose ndi magareta ghose ghaku Farao ŵankhondo ŵapa ŵakavalo ndi liŵanja lake la nkhondo ndipo wanguŵasaniya ŵakugoŵa pa nyanja, pa Pihahiroto ku maso kwa Balizefoni.

1 Mikoka 19:8

Penipo Davidi wanguvwa ichi, wangutuma Yoabu, ndi nkhondo yose ya ŵanthu ŵakulimba.