1 Mikoka 19:18 - Tonga Bible 1986

¹⁸ Ndipo ŵaSiriya ŵanguthaŵa pa maso pa ŵaYisraele; Davidi wangubaya ŵaSiriya ŵapa magareta vikwi vinkhonde ndi viŵi (7,000) ŵasilikali ŵakwenda pasi vikwi machumi ghanayi (40,000) ndiso wangubaya Shofaki wakulamula nkhondo yawo.

1 Mikoka 19:18 Referans Kwoze

2 Samuele 10:18

ŴaSiriya ŵanguthaŵa pa maso pa ŵaYisraele; ndipo Davidi wangubaya ŵaSiriya ŵapa magareta machumi pe chumi ghankhonde ndi ghaŵi (700), ŵapa kavalo vikwi machumi ghanayi (40,000) wangumlasa Shobaka nduna yankhondo yawo, mwakuti wangufwiya penipa.

Sumu 46:11

Ambuya ŵa maŵanja we pamoza nafwe; Chiuta waku Yakobe nchakudingang'amo chidu.

Sumu 33:16

Palivi karonga wakutaskika ndiukuru wa nkhondo yake; ngwazi kuti yingataskika chifukwa cha nthazi yake yikuru cha.

Sumu 18:32

Chiuta yo wakundichinyiriya ndi nthazi, ndi kuchita nthowa yangu kuŵa yamampha.

1 Mikoka 19:17

Ndipo penipo Davidi wanguziŵiskika ndi ichi wanguwunganiska ŵaYisraele wose pamoza, ndi wangwambuka msinji wa Yordane, ndi wanguza kwaku iwo, ndi wangujarika umampha nkhondo kurwana nawo. Penipo Davidi wangundandiska ŵankhondo ŵake umampha kuthyana ndi ŵaSiriya, ŵangurwana nayo.

1 Mikoka 19:19

Penipo ŵateŵeti ŵaku Hadadezere ŵanguwona kuti ŵangupundika ndi ŵaYisraele, ŵanguchita chimangu ndi Davidi, ndi ŵanguŵa ŵanthu ŵake, viyo ŵaSiriya ŵangukhumba cha kuŵawovya so ŵaAmoni.