1 Mikoka 19:17 - Tonga Bible 1986

¹⁷ Ndipo penipo Davidi wanguziŵiskika ndi ichi wanguwunganiska ŵaYisraele wose pamoza, ndi wangwambuka msinji wa Yordane, ndi wanguza kwaku iwo, ndi wangujarika umampha nkhondo kurwana nawo. Penipo Davidi wangundandiska ŵankhondo ŵake umampha kuthyana ndi ŵaSiriya, ŵangurwana nayo.

1 Mikoka 19:17 Referans Kwoze

1 Mikoka 19:9

ŴaAmoni ŵangutuwa ndi ŵangujalika umampha nkhondo panthazi pa likomo la msumba, ndipo ŵakaronga wo ŵanguza ŵanguŵa pakuŵija ku dondo.

1 Mikoka 19:16

ŴaSiriya ŵanguti ŵawona kuti ŵapundika ndi ŵaYisraele wangutuma mathenga kwachito ŵaSiriya wo ŵenga kusirgha kwa msinji wa Efrate, ndi Shofaki wakulamula nkhondo yapa Hadadezere ndiyo so wenga murongozgi wawo.

1 Mikoka 19:18

Ndipo ŵaSiriya ŵanguthaŵa pa maso pa ŵaYisraele; Davidi wangubaya ŵaSiriya ŵapa magareta vikwi vinkhonde ndi viŵi (7,000) ŵasilikali ŵakwenda pasi vikwi machumi ghanayi (40,000) ndiso wangubaya Shofaki wakulamula nkhondo yawo.

2 Samuele 10:17

Ichi chinguti chavwika kwaku Davidi, wanguwunganiska pamoza ŵaYisraele wose, ŵangwambuka Yordane, ŵanguza ku Helama. Ndipo ŵaSiriya ŵangujijarika kumikana ndi Davidi, ndipo ŵangurwa nayo.