1 Mikoka 18:13 - Tonga Bible 1986

¹³ Ŵanguŵikamo ŵasilikali ŵa nkhondo ŵanandi mu Edomu, ndipo ŵaEdomu wose ŵanguŵa ŵanthu ŵaku Davidi. Ndipo Ambuya angupaska upundi kwaku Davidi kose ko wanguruta.

1 Mikoka 18:13 Referans Kwoze

1 Mikoka 18:6

Viyo Davidi wanguŵika mzinda wa ŵasilikali ŵankhondo mu Siriya wa Damasko ndipo ŵaSiriya ŵanguŵa ŵanthu ŵaku Davidi, ndi ŵamuthuliyanga vithulu, Ambuya angupaska upundi kwaku Davidi kose ko wanguruta.

Chiyambo 27:37

Yisaki wangwamuka Esau, “Nadi ndamuchita iyo kuŵa mbuya wako, ndipo ŵana ŵanyake wose ndamupaska kuŵa ŵaŵanda ndipo ndi chakurgha ndi vinyo ndamukhozga. Na nchine cho ndingakuchitiya iwe, wa mwana wangu?”

2 ŴaKorinte 11:32

Mu Damasko nduna yaku Areta karonga yo yingukhazgiya msumba wa Damasko, pakukhumba kundiko,

Sumu 144:10

mupaska upundi ku ŵakaronga, ndi kuwombo mteŵeti winu Davidi.

Sumu 121:7

Ambuya akuvikiriyenge ku urwani wose; asungenge umoyo wako.

2 Samuele 23:14

Davidi pa nyengo iyi wenga mulinga; ndipo linga la ŵaFilisti lenga pa Betelehemu.

1 Samuele 14:1

Zuŵa limoza Jonafani mwana waku Sauli wangunena ndi munyamata wakupinga vidya vyake, “Tiye, tirute ku linga la ŵaFilisti pa sirgha,” kweni awiske kuti wanguŵanene cha.

1 Samuele 13:3

Jonafani wangupunda linga la ŵaFilisti lenga mu Gibea; ndipo ŵaFilisti ŵanguchivwa ichi. Ndipo Sauli wangumba mbata mu charu chose, wakuti, “Mwa ŵaHebere vwani.”

1 Samuele 10:5

Pavuli pake mwa mufika ku Gibea-telohimi ko kwe linga la ŵaFilisti, ndipo kwenikuwa, muchiza ku msumba, mwamukumana ndi mpingu wa ŵamchimi ŵachisika kutuwa ku malo gha pachanya, ŵakuŵa ndi bangwi, ng'oma, khweru ndi kaligu paurongo pawo, uku ŵachima.

Maŵerengedu 24:18

Edomu wakapokekanga, Seiri nayo, ŵakupindikana ŵake, ŵakapokanga, penipo Yisraele wakachitanga ndi nthazi.

Chiyambo 27:40

Ukaŵanga ŵankhondo, ndipo ukatataliyanga mwana munyako; kweni asani wafwanthamuka Ukafyonga chipingu chake ku khosi lako.”

Chiyambo 27:29

Mitundu ya ŵanthu yikutataliye, ndi mutundu yilambiye iwe. Uŵe wakutufuliya ŵana ŵanyako ndipo ŵana ŵanyako ŵalambiye iwe. Watembeke we yose yo watikutemba, ndi watumbikike we yose yo watikutumbika.”

Chiyambo 25:23

Ndipo Ambuya ŵanguti kwaku iyo, “Mwe mitundu yiŵi mu chibali chako; Ndipo ŵanthu ŵaŵi wo ukapapanga ŵakagaukananga. Yumoza wakaŵanga wakulimba kwakuruska munyake: mura wakatataliyanga mumana.”

1 ŴaKaronga 11:15

Chifukwa penipo Davidi wenga mu Edomu, Yoabu wakulangula ŵankhondo wanguruta kwachiŵika, ŵakubayika wangubaya munthurumi yose

1 Mikoka 18:12

Ndipo Abishai, mwana waku Zeruya wangubaya ŵaEdomu vikwi chumi pachanya vinkhonde ndi vitatu (18,000) mu dambo la mche.

1 Mikoka 18:14

Viyo Davidi wanguwusa Yisraele yose; ndi wangweruzga ndi urunji ndi uneneska ŵanthu ŵake wose.

1 Samuele 18:14

Ndipo Davidi wanguchita umamphavi nchitu zose zo zingupaskika kwake; chifukwa Ambuya ŵenga nayo.