1 Mikoka 17:23 - Tonga Bible 1986

²³ Sono Ambuya mazu ghenigho mwakamba ghakunena ndi za mteŵeti winu ndi ghakunena ndi za nyumba yake ghakhozgeke muyaya, chitani nge ndimo mwakambiya;

1 Mikoka 17:23 Referans Kwoze

Luka 1:38

Ndipo Mariya wanguti, “Awona, ndamuŵanda wa Mbuya; kundiŵiyenge uli ndi nkhani yako.” Ndipo wangutuwako kwake mungelo yo.

Yeremiya 11:5

mwakuti ndifiske rapu lo ndingurapiya ku auskemwe, kuŵapaska charu chakutaŵala mukaka ndi uchi, nge ndimo kuliri msana wale.” Sono ndinguŵamuka, “Viyo ndimu kuŵiye Ambuya.”

Sumu 119:49

Kumbukani phanganu linu, ku mteŵeti winu; pakuti landipaska chigomezgu.

Chiyambo 32:12

Kweni imwe mungukamba, ‘Ndikakuchitiyanga umampha, ndi kuchita mphapu yako kuŵa nge ndi mchenga wapa nyanja, wo kuti ungaŵerengeka cha chifukwa cha unandi.’ ”

1 Mikoka 17:22

Pakuti ŵanthu ŵinu ŵaYisraele mukuŵachita kuŵa ŵinu muyaya; ndipo imwe, Ambuya munguŵa Chiuta wawo.

1 Mikoka 17:24

ndipo zina linu likakhozgekanga ndi kukuzgika muyaya, kuti, “Ambuya ŵa maŵanja, Chiuta waku Yisraele, ndiyo Chiuta waku Yisraele”; ndipo nyumba ya mteŵeti winu Davidi yikakhozgekanga paurongo pinu.

1 Mikoka 28:4

Ndi kweni Ambuya, Chiuta waku Yisraele wangundisankha mu nyumba yose ya ada kuti ndiŵe karonga waku Yisraele muyaya; chifukwa wasankha Yuda kuŵa murongozgi, ndipo mu nyumba yaku Yuda, wasankha nyumba ya ada, ndi mukati mu ŵana, ŵa ada, ine ndingumunozge kundimika karonga waku Yisraele yose,

1 ŴaKaronga 8:26

Viyo sono, Chiuta mwe waku Yisraele, ghakhozgeke mazu ghinu, gho mungukamba kwaku Davidi ada.

2 Mikoka 1:9

Ambuya Chiuta, sono lifiskike phanganu linu kwaku Davidi, pakuti mwandimika kuŵa karonga wa ŵanthu wo ŵenge ndi fuvu la charu mu unandi wawo.