1 Mikoka 17:21 - Tonga Bible 1986

²¹ Ndi mtundunji wa ŵanthu panu pasi wo ukukozgana ndi mtundu winu Yisraele weniwo Chiuta wanguruta kuŵawombo kuti, ŵaŵe ŵanthu ŵake, kujiyuskiya mwaŵeni zina mu vinthu vikuru ndi vinthu vyakofya, pakudikiska mitundu paurongo pa ŵanthu ŵinu wo munguŵawombo kutuwa ku Egipiti.

1 Mikoka 17:21 Referans Kwoze

Tito 2:14

mweniyo wangujipaska pa chifwa chaku ifwe, alinga kuti wawombolenge ifwe kwamu uchikana marangu wose, ndi wajitozgiyenge khamu lapa mtima wake, lakupamphukiya nchitu zeneko.

Yesaya 64:3

Penipo munguchita vinthu vyakofya vyenivyo ifwe tangavi kuvipenja, mungusikiya pasi, mapiri ghangusukunika pa uŵapo winu.

Yesaya 63:12

mweniyo wangutambaruwa janja lake la unkhankhu kuruta ku janja la marghe laku Mosese, mweniyo wangugawuwa maji paurongo pawo kujichitiya mweneko zina la muyaya,

Yesaya 63:9

Mu kuyuzgika kwawo kose iyo nayo wanguyuzgika, kweni mungelo wakuma pa maso pake wanguŵataska; mu chanju chake ndi chitima chake wanguŵawombo; wanguŵasoska ndi kuŵanyamuwa mazuŵa ghose gha kali.

Yesaya 48:9

“Chifukwa cha zina langu ndilekezga danga ukari wangu, chifukwa cha rumbu langu, nditiumikiya imwe, kuti ndileke ku kudumuwaniko.

Sumu 147:20

Walivi kuchita ichi ku mitundu yinyake; kuti ŵaziŵa cha malangulu ghake. Rumbani Ambuya!

Sumu 111:9

Angupaska uwombozi ku khamu lawo, ndi kupangana nawo phanganu la muyaya. Mtuŵa ndi wanthazi ndiyo!

Sumu 107:2

Ŵanene viyo ŵakuwomboleka ŵa Ambuya, wo aŵawombo ku suzgu,

Sumu 77:15

Ndi janja linu munguwombo ŵanthu ŵinu, mphapo yaku Yakobe ndi Yosefe.

Sumu 65:5

Mutitamuka, Chiuta Mtaski widu, ndipo mutititaska pakuchita vinthu vyakuziziswa. Ŵanthu mu charu chose chapasi, ndi ŵakusirgha la zinyanja, ŵagomekezga mwaku imwe.

Nehemiya 9:10

ndipo munguchita visimikizgu ndi vyaminthondwi paku Farao ndi ŵateŵeti ŵake ndi ŵanthu wose ŵa charu chake, pakuti munguziŵa kuti wanguchita mwa mutonyolo pa auskefwe; ndipo mungujichitiya zina, uli ndimo lilili kufika msana wale.

Yoswa 10:42

Yoswa wanguto ŵakaronga yaŵa wose ndi charu chawo pa nyengo yimoza, chifukwa Ambuya Chiuta waku Yisraele wangurwiya Yisraele.

Marangu 15:15

Mukakumbukanga kuti mwenga ŵaŵanda mu charu cha Egipiti, ndipo Ambuya Chiuta winu wangumuwomboni, viyo ndimulanguliyani dangu ili zuŵa ili.

Marangu 4:7

Pakuti palivi mtundu ukuru wa ŵanthu wo ŵendi chiuta pafupi nawo, mo Ambuya Chiuta walili pafupi ndi ifwe penipo titumudaniya?

Chituwa 6:6

Viyo kamba ku ŵaYisraele, ‘Ndine Ambuya, ndipo ndikakutuzganingiko kusi ku mphingu za ŵaEgipiti, ndipo ndikakupozomoskaninga ku uŵanda wawo, ndipo ndikakuwomboninga ndi janja lakutambaruwa ndipo ndi nchitu zikuru za cheruzgu,

1 Mikoka 17:20

Kulivi yumoza wakulingana ndi imwe, Ambuya, ndi kulive Chiuta munyake so pamoza ndi imwe, kwakulingana ndi vyose vyenivyo tavwa ndi makutu ghidu.

1 Mikoka 17:22

Pakuti ŵanthu ŵinu ŵaYisraele mukuŵachita kuŵa ŵinu muyaya; ndipo imwe, Ambuya munguŵa Chiuta wawo.

Yeremiya 32:21

Mungutuzga ŵanthu ŵinu ŵaYisraele mu charu cha Egipiti ndi visimikizgu ndi vyakuziziswa, mungutambaruwa janja la nthazi, ndi kofyeska ŵanthu ukongwa;