1 Mikoka 16:2 - Tonga Bible 1986

² Ndipo penipo Davidi wangumara kupereka sembe yakocha, ndi sembe ya Chimangu, wangutumbika ŵanthu mu zina la Ambuya,

1 Mikoka 16:2 Referans Kwoze

Chiyambo 47:10

Ndipo Yakobe wangutumbika Farao ndipo wangutuwako ku maso ghaku Farao.

ŴaHebere 7:7

Kweni kwambura suskanu kose chimana cho chitumbikika ndi chamamphako.

2 Mikoka 30:27

Ndipo ŵazukuru ndi ŵaLevi ŵangusoka ndi ŵangutumbika ŵanthu, ndipo mazu ghawo ghanguvwika, ndi rumbo lawo lingukwere ku malo ghake ghakupaturika gha kuchanya.

2 Mikoka 29:29

Penipo sembe yingumara, karonga ndi wose wo ŵenga nayo pamoza ŵangukotama visku vyawo ndi ŵangusopa.

2 Samuele 6:18

Penipo Davidi wangumara kupereka mipasku yakocha ndi mipasku ya chimangu wanguŵatumbika ŵanthu mu zina la Ambuya ŵamaŵanja.

Yoswa 22:6

Viyo Yoswa wanguŵatumbika, wanguwawezga; ndipo ŵanguwere ku mizi yawo.

ŴaLevi 1:3

“Asani mpasku wake ndi mpasku wakocha wakutuwa ku mskambu, wakaperekanga yinthurumi yambura kalema, wakayiperekiyanga pa khomo la hema lakuwunganamo, alinga kuti walondereke paurongo pa Ambuya.

Chiyambo 47:7

Viyo Yosefe wanguza ndi Yakobe awiske kwaku Farao, ndipo Yakobe wangutumbika Farao.

Chiyambo 20:7

Viyo sono muwezge mweneko muwoli wake, chifukwa ndi mchimi, ndipo wakakurombiyanga, ndipo ukajanga wamoyo. Kweni asani urekenge kumuwezge, uziŵe kuti ukafwanga nadi, iwe, ndi wose ŵeniwo mbako.”

Chiyambo 14:19

Ndipo wangumutumbika ndiwanguti, “Watumbikike Abramu ndi Chiuta Wapachanya Limu, Mlengi wa Kuchanya ndi pasi;

1 Mikoka 16:1

Ndipo ŵanguza nalo bokosi laku Chiuta, ndi ŵanguliŵika mu hema lo Davidi wangulijinthiya; ndipo wangupereka sembe yakocha, ndi sembe ya chimangu, paurongo paku Chiuta.

1 Mikoka 16:3

ndi wangupaska viŵande ku ŵaYisraele wose, ŵanthurumi, ndi ŵanthukazi, kwaku we yose chiŵande chimoza, ndi thuŵi la nyama, ndi keki wa mphereska zakumira.

Ezekiele 45:17

Yikaŵanga nchitu ya karonga kunozga mipasku yakocha, mipasku ya vyakurgha, mipasku ya vyakumwa, pa madghera, pa myezi yifya, ndi pa masabata, pa madghera ghose ghakumikika gha ŵanyumba yaku Yisraele: wakanozganga mipasku yapa ulakwi, mipasku ya vyakurgha, mipasku yako­cha, ndi mipasku ya chimangu, kupepeske ŵanyumba yaku Yisraele.