1 Mikoka 16:10 - Tonga Bible 1986

¹⁰ Mujithamike mzina lake lituŵa; yikondwe mitima yaku wo ŵatumupenja!

1 Mikoka 16:10 Referans Kwoze

Nthanthi 8:17

Nditanja ŵeniwo ŵatindanja, wo ŵatindipenja kwarwana ŵatindisaniya.

Sumu 34:2

Mzimu wangu utumbwiya mu Ambuya; ŵakusuzgika ŵavwenge ndi ŵakondwenge.

Yeremiya 29:13

Pakundipenja mukandisanianga asani mundipenjenge ndi mtima winu wose.

Yesaya 45:25

Mu Ambuya mphapu zose zaku Yisraele zikapundanga ndi kujikuzga.”

Yesaya 45:19

Kuti ndingukamba mu ubendi cha, mu charu cha mdima; ndengavi kukamba ku mphapu yaku Yakobe, ‘Ndipenjeni mu soka linu.’ Ine Ambuya ndikamba uneneska, nditaula chenicho ncha kurunjika.

1 Mikoka 28:9

“Ndipo iwe Solomoni mwana wangu umuziŵe Chiuta wa ausu, umutatariye ndi mtima wakufikapo, ndi umoyo wakuzomera; chifukwa Chiuta wapenjapenja mitima yose, ndipo waziŵa lunguluku le lose. Asani utumpenja umusaniyenge; kweni asani utumureka wakutayenge muyaya.

1 Mikoka 16:9

Mumbiyeni, mumbiyeni, iyo marumbu, kambani ndi nchitu zake zose zakuziziswa.

1 Mikoka 16:11

Penjani Ambuya ndi nthazi zake, penjani uŵapo wake rutaruta!

1 Mikoka 22:19

Sono khozgani mitima ndi umoyo winu kupenja Ambuya Chiuta winu. Sokani ndi muzenge nyumba ya kupaturika ya Ambuya Chiuta, mwakuti bokosi la phanganu la Ambuya ndi viyaŵi vyakupaturika vyaku Chiuta vitoleke mu nyumba yakuzengeke zina la Ambuya.”

2 Mikoka 15:15

Ndipo ŵaYuda ŵangusekere pa rapu, chifukwa ŵangurapa ndi mtima wawo wose, ŵangumpenja ndi khumbo lawo lose ndipo ŵangumsaniya, ndipo Chiuta wanguŵapaska chipumulo kwakuzunguliya.

Sumu 22:27

Vigoti vyose vya charu chapasi vikumbukenge ndi kuwere ku Ambuya; ndipo mafuku ghose gha mitundu ya ŵanthu gha sopenge paurongo pinu.

Sumu 34:3

Kuzgani Ambuya pamoza nane, tiyeni titumphuskiye pamoza zina lawo!